GALATIA 2

1Ampek baleh tawun kamudian, ambo babaliak ka Yerusalem samo-samo jo Barnabas, sarato Titus am-bo bawok pulo. 2Ambo payi ka Yerusa-lem, dek karano Allah lah manyatokan kabake ambo, baraso ambo musti pa-yi ka sinan tu. Dalam suatu patamuan nan tasandiri jo sagalo pamimpin nan di sinan tu, ambo manarangkan Injil nan ambo baritokan kabake urang-urang nan indak urang Yahudi. Dek karano, ambo indak niyo usawo ambo nan dulu, atau pun nan kiniko, hanyo tabuwang indak ado arati. 3Titus, nan mangawani ambo, adolah urang Yu-nani, tapi, inyo indak dipaso doh ma-ikuik-i paratuaran basunaik, 4biyapun ado urang-urang nan mandasak, su-payo inyo disunaikkan. Urang-urang tu, adolah urang-urang nan manyali-nok masuak ka golongan kito, sarato ba-icak-icak sabagai sudaro kito. Inyo tu bi masuak jo sacaro ba-anok-anok, untuak manyalidiak-i kamaradekaan nan ado di kito, dek karano kito basa-tu jo Isa Almasih. Inyo tu bi niyo nak mambaliakkan kito, kabake ka-adaan nan samulo sabagai budak, 5tapi, nan kami indak suruik saketek pun juwo doh taradok inyo tu, dek karano ka-mi niyo manjago, supayo Injil tu ta-tauk tulen untuak angkau. 6Tapi, biyapun baitu, indak ado doh parkaro-parkaro baru nan dituntuik dari ambo, dek urang-urang nan di-anggauk tapandang tu — dek ambo samo sajonyo, biya inyo tu tapandang atau indak, dek karano, Allah indak mampalain-lain-kan urang. 7Malah sabaliaknyo, urang-urang nan di-anggauk tapandang tu bi ma-akui, baraso Allah lah manugehkan ambo, untuak mambaritokan Injil kaba-ke urang-urang nan indak urang Yahu-di, samo jo bakcando Allah nan lah ma-nugehkan Petrus, untuak mambaritokan Injil tu kabake urang Yahudi. 8Dek ka-rano, Allah nan mambarikan kamampu-an kabake Petrus, untuak manjadi rasul urang Yahudi, mambarikan pulo kabake ambo kamampuan, untuak manja-di rasul urang nan indak urang Yahudi. 9Yakobus, Petrus, sarato jo Yahya, nan nampaknyo manjadi pamimpin-pamim-pin jamaat, bi ma-akui, baraso Allah lah mambarikan tugeh nan tasandiri ko ka-bake ambo. Mako, inyo tu bi basalam jo Barnabas, sarato jo ambo, sabagai tan-do urang bakanti. Sudah tu, inyo tu sa-rato jo kami bi satuju, baraso kami ka bakarajo di antaro banso-banso nan in-dak urang Yahudi, nan inyo tu di antaro urang Yahudi. 10Hanyo ciyek pintak dari inyo tu, iyolah, supayo kami mamparati-kan urang nan bansaik. Nan dek ambo, itulah karajo nan paliang ambo suko-i. 11Kutiko Petrus datang ka Antiokhia, ambo manantang inyo tarang-tarang-an, dek karano karajo inyo salah. 12Mu-lo-mulo, inyo sato duduak makan samo-samo jo sudaro-sudaro nan indak urang Yahudi. Tapi, sasudah urang-urang utu-san Yakobus bi tibo, inyo manjarak da-ri sudaro-sudaro nan indak urang Ya-hudi tu, sarato indak namuah lai makan samo-samo jo urang-urang tu, dek kara-no, inyo takuik taradok urang-urang nan basunaik. 13Sudaro-sudaro urang Yahu-di nan lain, lah sato pulo basikauk muna-piak bakcando Petrus, sainggo Barnabas pun tapangaruah pulo untuak basikauk bakcando inyo tu. 14Baitu ambo mali-yek, baraso urang-urang tu basikauak indak sasuwai jo kabanaran Injil tu, ma-ko, ambo bakato kabake Petrus, di adok-an kasadonyo urang nan ado di sinan tu, ”Jikok angkau sabagai urang Yahudi, lah mangawokan iduik bakcando urang nan indak urang Yahudi, baa mangko kiniko angkau niyo nak mamaso urang-urang lain, iduik bakcando urang Yahudi?” 15Batua, manuruik kalayieran, kami adolah urang Yahudi, sarato indak doh dari ”banso-banso nan badoso” 16Bi-yapun baitu, kami tawu, baraso urang ba-elok baliak jo Allah, hanyolah dek karano ba-iman kabake Isa Almasih, sarato indak doh dek karano manja-lankan paratuaran ugamo. Kami san-diri pun ba-iman kabake Isa Almasih, supayo kami ba-elok baliak jo Allah malalui iman kami tu, indak doh dek karano kami manjalankan paratuaran ugamo. Dek karano, jo sacaro manja-lankan paratuaran ugamo, indak su-rang juwo doh urang nan bisa ba-elok baliak jo Allah. 17Kami ba-usawo ba-elok baliak jo Allah, malalui iduik nan basatu jo Isa Almasih. Tapi, jikok sasu-dah mampabuwek nan bakcando itu, tanyato kami tatauk juwo lai, ”urang-urang nan badoso”, samo jo bakcan-do urang-urang nan indak urang Ya-hudi, apokoh itu ba-arati, baraso Isa Almasih-lah nan manyabaukkan kami bi badoso? Tantu sajo indak! 18Dek ka-rano, jikok ambo mambangun baliak paratuaran ugamo nan lah ambo run-tuahi, mako, ambo manyatokan bara-so ambo lah manjadi palangga para-tuaran. 19Tapi, ambo lah mati taradok paratuaran ugamo — dimatikan dek paratuaran tu sandiri — supayo ambo dapek iduik untuak Allah. Ambo lah disalibkan samo-samo jo Isa Almasih. 20Kiniko, indak doh ambo lai nan iduik, tapi, Isa Almasih nan iduik da-lam diri ambo. Iduik nan ambo jalani kiniko, adolah iduik dek iman kabake Anak Allah nan mangasiahi ambo, sa-rato nan lah mangarobankan diri-Nyo untuak ambo. 21Ambo sangaik ma-ara-gowi rahmaik Allah. Jikok ubuangan urang jo Allah manjadi elok baliak, dek karano manjalankan paratua-ran ugamo, itu ba-arati kamatian Isa Almasih indak ado doh gunonyo!

will be added

X\