EFESUS 5

1Angkau adolah anak-anak Allah nan Baliau kasiahi, dek karano itu, angkau musti ba-usawo ma-ikuik-i tuladan Allah. 2Andaknyo iduik angkau mampunyoi kasiah, bakcando Isa Almasih pun lah mangasiahi kito. Ba-liau mangarobankan diri Baliau untuak kito, sabagai karoban pasambahan nan arun, sarato nan manyanangkan ati Allah. 3Angkau adolah umaik Allah. Dek karano itu, sagalo pabuatan nan ca-bua, sarato nan indak bataratik, atau pun nan cangok, indak patuik ado di tangah-tangah angkau. Jan sampai ado alasan dek urang lain, untuak ma-ngatokan baraso angkau mampabu-wek sagalo parkaro nan bakcando itu. 4Indak patuik pulo dek angkau ma-ngatokan kato-kato nan kumuah, nan cabua, sarato nan indak patuik. Tapi musti sabaliaknyo, andaklah angkau mangucaukkan syukur kabake Allah. 5Paratikanlah elok-elok: urang nan baparangai cabua, atau indak bata-ratik, atau nan cangok (parangai nan bakcando itu, samo sajo jo manyam-bah barhalo), urang tu indak ka da-pek doh manjadi anggota umaik nan diparentahi dek Isa Almasih, sarato dek Allah. 6Janlah angkau takicuah dek ke-cek-kecek nan indak ado arati. Dek karano, sagalo parkaro nan bakcan-do itulah nan manimbuakan bangih Allah, taradok urang-urang nan indak patuah kabake Baliau. 7Jadi, janlah ba-ubuangan saketek juwo, jo urang-urang nan bakcando itu. 8Dulu, ang-kau sandiri barado di nan kalam. Kini-ko angkau lah manjadi umaik Tuhan, jadi angkau barado di nan tarang. Dek karano itu, angkau musti iduik di da-lam tarang. 9Dek karano, dari nan ta-rang tu lah tabik sagalo rupo pabu-atan nan baiak, adie sarato jo tuluih di pandangan Allah. 10Ba-usawolah un-tuak mancari tawu, apo nan manya-nangkan ati Tuhan. 11Jan dipabuwek sagalo pabuatan nan indak baguno, nan dipabuwek dek urang-urang nan iduik di nan kalam. Tapi musti saba-liaknyo, andaklah angkau mambukak-kan sagalo parkaro nan bakcando itu. 12Dek karano, sagalo parkaro nan di-pabuwek dek urang-urang tu jo sacaro ba-andok-andokkan, untuak disabuik sajo lah mambuwek malu.) 13Sagalo sasuatu nan disigi jo nan tarang, ka kaliyatan jaleh sangaik. 14Dek kara-no, kasadonyo nan dapek diliyek jo sacaro nan jaleh, adolah tarang. Itu-lah sabauknyo dikatokan, ”Jagolah, oih angkau nan lalok, sarato iduiklah baliak dari kamatian! Isa Almasih ka bacahayo taradok angkau.” 15Dek karano itu, paratikanlah elok-elok caro iduik angkau. Jan iduik bak-cando urang-urang pandie; tapi, iduik-lah bakcando urang-urang pandai. 16Pagunokanlah sa-elok-eloknyo, sa-tiyok kasampatan nan ado dek angkau, dek karano maso kiniko adolah maso-maso nan jahek. 17Jan pandie, tapi sa-lidiak-ilah apo nan kahandak Tuhan. 18Janlah angkau mabuak dek ang-gur, dek karano itu ka marusakkan angkau. Tapi sabaliaknyo, andaklah angkau dikuwasoi dek Roh Allah. 19Pa-gunokanlah kato-kato dari kitauk Za-bur, dari lagu puji-pujian, sarato dari dendangan rohani, dalam satiyok ang-kau bakato-kato. Andaklah angkau jo ati nan basukocito mandendangkan pu-ji-pujian kabake Tuhan. 20Tatauklah basyukur, sarato tantang apo pun ju-wo, andaklah angkau basyukur kabake Allah Bapak, dalam namo Isa Almasih Tuhan kito. 21Untuak ma-aromaik-i Isa Almasih, andaklah angkau samo-samo tunduak nan surang kabake nan lain. 22Nan bini, tunduaklah kabake jun-juangan angkau, samo jo bakcando tunduak kabake Tuhan. 23Dek karano, junjuangan adolah kapalo taradok bi-ninyo, samo jo bakcando Isa Almasih pun manjadi Kapalo taradok jamaat, sarato Baliau sandiri pulolah Rajo Pa-nyalamaik, untuak jamaat nan manja-di tubuah Baliau. 24Samo jo bakcando jamaat tunduak kabake Isa Almasih, baitu pulolah, bini dalam sagalo par-karo musti tunduak kabake junjuang-annyo. 25Oih angkau nan manjadi junjuang-an, kasiahilah bini angkau, samo jo bakcando Isa Almasih mangasiahi ja-maat, sarato nan mangarobankan diri Baliau untuak jamaat tu. 26Isa Almasih mampabuwek nan baitu, supayo Ba-liau dapek mambarasiahkan jamaat tu jo ajaran Baliau, sarato malalui ayie parmandian, supayo kamudian Baliau dapek manyarahkannyo kabake Allah. 27Jo caro nan baitu, Isa Almasih mam-buwek jamaat tu dapek tagak jo sa-caro nan mulie, sarato jo nan suci di adok-an Baliau, indak tarago bacacek, atau indak baparinggo saketek juwo. 28Baitu pulolah nan junjuangan, inyo musti mangasiahi bininyo, bakcando inyo mangasiahi tubuahnyo sandiri. Urang nan mangasiahi bininyo, ba-arati inyo mangasiahi dirinyo sandi-ri. 29Indak ado doh urang nan jajok jo tubuahnyo sandiri. Tapi sabaliak-nyo, malah inyo paliaro, sarato inyo jago, samo jo bakcando Isa Almasih mamaliaro jamaat-Nyo. 30Kito lah ta-wu itu, dek karano kito adolah ang-guato-angguato tubuah Isa Almasih.) 31Di Alkitauk ado tatulih, ”Dek kara-no itu, surang laki-laki ka maningga-kan apaknyo sarato jo mandehnyo, untuak basatu jo bininyo, mako kadu-wonyo ka manjadi satu.” 32Ayaik nan disabuikkan ko, manganduang arati nan dalam. Nan ambo mukasuikkan iyolah, ubuangan antaro Isa Almasih jo jamaat. 33Tapi, ayaik ko ado pulo ubuangannyo jo angkau: Andaklah sa-tiyok junjuangan mangasiahi bininyo, bakcando inyo mangasiahi dirinyo san-diri, baitu pulo, andaklah satiyok bini ma-aromaik-i junjuangannyo.

will be added

X\