EFESUS 4

1Itu sabauknyo ambo — surang urang tahanan, nan ditahan dek karano malayani Tuhan — sabana ma-mintak kabake angkau: iduiklah sasu-wai jo kaduduakkan angkau, sabagai urang nan lah dipanggie dek Allah. 2Andaklah angkau tatauk randah ati, lamah lambuik, sarato panyaba. Pa-liyekkanlah kasiah angkau, jo sacaro samo-samo bantu mambantu. 3Ba-usawolah sungguah-sungguah untuak iduik jo sacaro damai, supayo kasatuan nan dipabuwek dek Roh Allah tatauk tapaliaro. 4Hanyo ado satu tubuah, sa-rato satu Roh. Baitu pulo angkau di-panggie, untuak samo-samo ciyek nan di arokkan. 5Hanyo ado satu Tuhan, satu iman, satu parmandian, 6sarato satu Allah, nan manjadi Bapak kasa-donyo urang. Baliau-lah Tuhan saka-lian alam, nan bakarajo malalui ka-sadonyo, sarato bakuwaso di dalam kasadonyo. 7Satiyok-tiyok kito manarimo suatu pambarian, manuruik apo nan diba-rikan dek Isa Almasih. 8Di Alkitauk tatulih, ”Kutiko Baliau nayiak ka tampaik nan paliang tenggi, Baliau mambawok banyak tawanan; nan Baliau mambari pam-barian-pambarian kabake manusia.” 9Dek karano, jikok dikatokan ”Baliau nayiak” ba-arati Baliau mulo-mulo lah turun, sampai ka tampaik nan saran-dah-randahnyo di bumi ko. 10Sarato Baliau nan lah turun tu, Baliau pulolah nan lah nayiak, sampai ka tampaik nan jauah labiah tenggi dari sagalo langik, sainggo kaciyek-annyo alam nan ko panuah jo kahadiran Baliau. 11Baliau-lah nan ”mambari pamba-rian-pambarian kabake manusia"; sabagian Baliau angkek manjadi rasul, nan lain manjadi nabi; nan lainnyo lai manjadi pambarito Injil, nan lainnyo pulo Baliau angkek manjadi guru-guru, sarato jo pamaliaro jamaat. 12Baliau mampabuwek nan baitu, supayo umaik Allah dilangkok-i sapanuahnyo un-tuak dapek malayani Tuhan, sarato mambangun tubuah Isa Almasih. 13Jo caro nan baitu, kasadonyo ki-to manjadi satu dek iman nan samo, sarato jo pangaratian nan samo tan-tang Anak Allah. Sarato kito manjadi urang-urang nan lah gadang, nan ma-kin lamo makin batambah samparono bakcando Isa Almasih. 14Mako, kito indak lai bakcando paja-paja ketek, nan ta-ombang-ambiang, sarato tabawok kian kumari dek alieran babagai-bagai pangajaran, dari urang-urang nan indak luruih. Inyo tu bi manyasekkan urang jo tipu-dayonyo. 15Tapi, nan kito indak! Kito musti manyatokan sagalo parkaro nan bana, jo ati nan panuah kasiah, sainggo dalam sagalo parkaro, kito makin lamo makin man-jadi samparono bakcando Isa Almasih, nan manjadi Kapalo kito. 16Di bawah pimpinan Isa Almasih, kasadonyo ang-guato tubuah tu tasusun rancak, sarato samo-samo di-ubuangkan dek satiyok ruweh-ruwehnyo. Nan jikok tiyok-tiyok angguato tu bakarajo bakcando nan samustinyo, mako, kaciyek-annyo tu-buah tu ka batambah gadang, sarato kuwaik malalui kasiah. 17Dek karano itu, di dalam namo Tuhan, ikolah nan ka ambo katokan, sarato nan ka ambo jalehkan: janlah iduik bakcando urang-urang nan in-dak ba Tuhan Allah, sarato janlah ma-mikiekan nan indak-indak. 18Pikie-ran urang-urang tu lah buto. Inyo tu indak bi tawu iduik nan dibari dek Allah, dek karano, inyo tu indak bi mampunyoi sabuwah alah juwo pa-ngatawuan tantang Allah. Mangko-nyo inyo tu bakcando itu, dek karano inyo tu bi kareh kapalo. 19Inyo tu in-dak lai mampunyoi raso malu, saing-go inyo tu bi mampaturuikkan saga-lo awa napasu, sarato jo iduik cabua sasuko ati. 20Tapi, nan angkau indak doh baitu. Angkau lah bi baraja un-tuak tawu jo Isa Almasih. 21Angkau lah bi mandanga tantang Baliau! Nan sabagai pangikuik-pangikuik Baliau, angkau lah di-aja pulo tantang sipaik-sipaik Allah, nan ado di diri Baliau! 22Dek karano itu, buwanglah tabiyaik lamo, sarato jo caro iduik nan lamo tu, nan sadang marusak jo sagalo na-pasu nan manyasekkan. 23Andaklah ati sarato jo pikieran angkau tu, dipabarui kasadonyo. 24Andaklah ang-kau iduik sabagai manusia baru, nan dijadikan manuruik gambaran Allah; iyolah, jo tabiyaik nan bana, nan lu-ruih, sarato jo nan suci. 25Dek karano itu, oih sudaro-sudaro kasadonyo, jan lai bi baduto. Samo-sa-mo luruih ati lah dalam iduik ko, dek karano, kito kasadonyo adolah samo-samo angguato tubuah Isa Almasih. 26Jikok angkau bangih, janlah dipa-diyakan bangih tu nan manyabaukkan angkau badoso. Janlah bangih sapan-jang ari, 27supayo Ubilih jan manda-pek kasampatan. 28Urang nan biaso mancilok, musti baranti mancilok. Inyo musti bakarajo, supayo mandapek na-pakah untuak iduik, jo sacaro nan lu-ruih, sarato dapek manolong urang nan bakakurangan. 29Jikok angkau mangecek, janlah mamakai kato-ka-to nan kumuah. Pagunokanlah kato-kato nan mambangun, sarato nan ma-nolong kabake urang lain. Kato-kato nan bakcando itu, ka mandatangkan kabaiakkan kabake urang-urang nan mandanganyo. 30Janlah ma-ibokan ati Roh Allah. Angkau lah dimaterai-kan jo Roh, manjadi miliak Allah. Roh tu pulo marupokan jaminan, baraso Ari Panyalamaiktan ka datang untuak angkau. 31Abihilah sagalo raso sakik ati, dandam sarato jo bangih. Jan ma-ariak-ariak, sarato jan mancacek-cacek. Jan lai ado raso banci, atau parasaan lain nan samo jo itu. 32Tapi musti sa-baliaknyo, andaklah angkau elok ati, sarato samo-samo ibo ma-ibo-i, sara-to samo-samo mambari maoh, samo jo bakcando Allah pun lah ma-ampuni angkau malalui Isa Almasih.

will be added

X\