EFESUS 2

1Dawulu angkau lah mati sacaro rohani, dek karano angkau bi badoso, sarato bi malangga sagalo paren-tah Allah. 2Pado wakatu itu angkau bi ma-ikuik-i sagalo kabiasoan dunia ko; ba-arati angkau patuah kabake pa-nguwaso langik rayo, iyolah roh nan kiniko manguwasoi ati urang-urang nan indak patuah kabake Allah. 3Dulu kito kasadonyo samo pulo jo urang-urang tu; kito iduik mampaturuikkan tabiyaik manusia kito, sarato mampa-buwek apo nan manyanangkan badan, sarato jo pikieran kito. Pado wakatu itu kito adolah urang-urang nan kanai bangih pulo dek Allah, samo jo bak-cando urang-urang nan lain. 4Tapi, Allah nan kayo jo rahmaik, dek karano kasiah Baliau nan dalam, Baliau sangaik mangasiahi kito, 5sa-inggo pado wakatu kito mati sacaro rohani, dek karano di doso-doso kito, Baliau ma-iduikkan kito baliak samo-samo jo Isa Almasih. Jadi, hanyo dek karano kabaiakkan ati Allah sajolah, mangkonyo angkau Baliau salamaik-kan. 6Dek karano kito basatu jo Isa Almasih, Allah ma-iduikkan kito ba-liak samo-samo jo Baliau, supayo kito mamarentah pulo samo-samo jo Baliau di dalam sarugo. 7Allah mampabuwek nan baitu, supayo di jaman nan ka ti-bo, manusia dapek maliyek baralah ka dalamnyo kasiah Allah. Kasiah tu dinyatokan dek Allah malalui kabai-akkan ati Baliau kabake kito, jo pa-rantaroan Isa Almasih. 8- 9Allah ma-ngasiahi angkau, itu sabauknyo Baliau manyalamaikkan angkau, dek karano angkau ba-iman kabake Isa Almasih. Kasalamaiktan angkau tu, indak doh asie usawo angkau sandiri. Itu adolah pambarian Allah. Jadi, indak surang juwo doh urang nan ka dapek basi-bondek tantang parkaro itu. 10Kito adolah buatan Allah, sarato malalui Isa Almasih, Allah mambantuak ki-to, supayo kito mampabuwek sagalo parkaro nan elok, nan lah Baliau pa-siyaukkan untuak kito. 11Oih sudaro-sudaro nan indak urang Yahudi! Kana-ilah ka-adaan angkau pado wakatu dulu: Angkau dinamokan ”urang nan indak basu-naik”, dek urang Yahudi nan manga-ku dirinyo lah basunaik, (mukasuik-nyo iyolah, nan lah mandapek tando nan dibuwek dek manusia di tubuah inyo tu). 12Pado wakatu itu angkau alun lai basatu jo Isa Almasih, ang-kau adolah urang asiang, nan indak tamasuak umaik piliahan Allah. Ang-kau indak tamasuak doh dalam pajan-jian nan dibuwek dek Allah jo umaik-Nyo. Angkau iduik di dunia ko, indak ado nan di-arokkan, sarato indak ba Tuhan Allah. 13Tapi kiniko, dek kara-no angkau lah basatu jo Isa Almasih, angkau nan dulunyo jauah, lah didakekkan dek kamatian Isa Almasih. 14Dek karano, Isa Almasih sandiri ado-lah pandamai kito. Baliau mampasa-tukan urang-urang Yahudi, sarato jo urang-urang nan indak urang Yahu-di, manjadi suatu banso. Tembok pam-bateh antaro urang-urang tu, iyolah pamusuahan, lah diruntuahi dek Isa Almasih, jo sacaro mangarobankan di-ri Baliau sandiri. 15Paratuaran ugamo Yahudi, sarato jo sagalo parentahnyo, sarato jo sagalo paratuarannyo, lah di-apuih dek Isa Almasih, supayo du-wo banso tu manjadi satu banso ma-nusia baru, nan basatu jo Baliau. Jo caro itulah Isa Almasih mambuwek padamaian. 16Dek kamatian Baliau disalib, Isa Almasih mampasatukan duwo banso tu, sarato lah mampada-maikan inyo tu jo Allah, sainggo abih-lah pamusuahan tu. 17Itu sabauknyo Isa Almasih datang, untuak mamba-ritokan Injil tantang pandamaian tu kabake angkau; biya kabake angkau nan indak urang Yahudi, nan dulu-nyo jauah dari Allah, atau pun kaba-ke urang Yahudi nan dakek kabake Allah. 18Jo parantaroan Isa Almasih, kito kasadonyo — biya urang Yahudi, atau pun nan indak urang Yahudi — dek Roh Allah nan Satu, kito dapek mandakek-i Allah Bapak. 19Dek karano itu, angkau indak doh lai tamasuak urang asiang, atau urang luwa. Kiniko angkau adolah sa-mo-samo anggota umaik Allah. Ang-kau adolah anggota-anggota kaluarga Allah. 20Angkau pun dibangun di ateh dasar nan dilatakkan dek rasul-rasul, sarato dek nabi-nabi, nan Isa Almasih sabagai batu nan tarutamu. 21Baliau-lah nan manyusun kaciyek-annyo ba-ngunan tu, manjadi Baithullah nan sa-ngajo untuak Tuhan. 22Dek karano iduik basatu jo Isa Almasih, angkau sadang dibangun pulo samo-samo jo urang-urang nan lain, manjadi sabu-wah rumah untuak Allah; di sinan tu Allah manatauk jo Roh-Nyo.

will be added

X\