EFESUS 1

1Umaik Allah di Efesus, nan indak barubah ati kabake Isa Almasih! 2Ambo, Paulus, rasul Isa Almasih dek kahandak Allah, ma-arokkan, mu-dah-mudahan Allah Bapak kito, sara-to jo Tuhan Isa Almasih, manurunkan barakaik, sarato jo tanang santoso ka-bake angkau. 3Tapujilah Allah, Bapak Tuhan ki-to Isa Almasih! Baliau mambarakaik-i kito jo saga-lo barakaik rohani di dalam sarugo, dek karano kito basatu jo Isa Almasih. 4Sabalun dunia ko dijadikan, Allah lah mamiliah kito malalui Isa Almasih, jo mukasuik supayo kito manjadi miliak Baliau nan tasandiri, sarato indak ba-cacek di adok-an Baliau. Dek karano kasiah Allah, 5mako, Baliau lah ma-nantukan talabiah dulu, baraso malalui Isa Almasih, Baliau ka ma-angkek kito manjadi anak-anak Baliau sandiri. Sa-rato iyo itulah nan niyo nak Baliau pa-buwek. 6Tapujilah Allah nan mulie, dek karano malalui Anak Baliau nan tacinto, Baliau sangaik mangasiahi kito. 7Dek karano, malalui kamatian Isa Almasih, kito dimaradekakan dek Allah, ba-arati Baliau lah ma-am-puni kito dari sagalo doso-doso kito. 8Baliau mampabuwek nan baitu, dek karano Baliau sangaik mangasiahi kito, nan kasiah tu Baliau limpahkan kaba-ke kito, jo sacaro panuah kabijaksano-an, sarato jo pangaratian. 9Manuruik kahandak Baliau sandiri, Allah ma-agiah tawu kabake kito rasiyo rancana Baliau; Baliau lah mamutuihkan, baraso rancana Baliau tu ka di-ujuik-kan malalui Isa Almasih. 10Rancana tu iyolah, supayo sagalo sasuatu, bi-ya nan di sarugo atau pun nan di bu-mi, manjadi satu jo Isa Almasih nan sabagai Kapalo. Nan rancana tu ka disalasaikan dek Allah jikok lah tibo wakatunyo. 11Allah mampabuwek sagalo sasu-atu manuruik ka-inginan Baliau, sarato jo kaputusan Baliau sandiri. Sajak dari samulo Baliau lah mamiliah kito, dek karano, Baliau niyo supayo kito man-jadi umaik-Nyo, dek karano basatu jo Isa Almasih. 12Biyalah kito, nan par-tamu-tamu ba-arok kabake Isa Alma-sih, mamuji Allah dek karano kamuli-yaan-Nyo! 13Angkau pun lah bi manjadi umaik Allah, sawakatu angkau bi mandanga ka-to-kato dari Allah, iyolah Injil nan mam-bari kasalamaiktan kabake angkau. Ang-kau bi ba-iman kabake Isa Almasih, dek karano itu Allah mambari tando miliak Nyo kabake angkau, iyolah Roh-Nyo nan lah dijanjikan-Nyo. 14Roh itulah nan ja-di jaminan, baraso kito ka manarimo apo nan lah dijanjikan dek Allah kabake umaik-Nyo. Iko nan mambari kayakinan kabake kito, baraso Allah ka malapehkan umaik-Nyo. Tapujilah Allah dek karano kamuliyaan-Nyo! 15Dek karano itu, sajak ambo man-danga kaba, baraso angkau bi picayo kabake Tuhan Isa Almasih, sarato ang-kau bi mangasiahi kasadonyo umaik Allah, 16mako, indak anti-antinyo ambo basyukur kabake Allah, tantang diri angkau. Ambo tatauk manyabuik namo angkau pado wakatu ambo sadang ba-dowa. 17Ambo sabana mamintak, supa-yo Allah Tuhan kito Isa Almasih, Bapak nan mulie, mambari Roh Baliau kabake angkau. Roh tu ka manjadikan angkau bijaksano, sarato ka manyatokan Allah kabake angkau, sainggo angkau saba-na-bana tawu jo Baliau. 18Ambo sabana mamintak, supayo Allah mambukak-kan pikieran angkau, sainggo manja-di tarang; supayo angkau bi mangara-ti, apo nan dapek angkau arokkan dari Allah nan lah mamanggie angkau. Su-payo angkau buliah bi tawu pulo, ba-ralah ka malimpahnyo barakaik-bara-kaik nan baiak, nan disadiyokan dek Allah untuak umaik-Nyo; 19sarato ba-ralah luwa biasonyo, Allah bakarajo jo sacaro panuah kuwaso di dalam diri ki-to urang nan ba-iman. Kuwaso Allah tu samo jo bakcando kuwaso nan luwa bi-aso, 20nan dipagunokan Baliau, di kuti-ko ma-iduikkan baliak Isa Almasih dari kamatian, sarato mambarikan kabake Baliau kaduduakkan nan paliang teng-gi, samo-samo jo Allah di sarugo. 21Kaduduakkan Isa Almasih tu, jauah labiah tenggi daripado kaduduakkan sa-galo pamarentah, sagalo panguwaso, sa-galo pamimpin, sagalo induak-samang induak-samang, sarato labiah tenggi, dari siapo pun juwo nan lah panah diba-ri kaduduakkan tenggi; biya nan iduik di jaman kiniko, atau pun nan iduik di ja-man nan ka tibo. 22Allah manunduak-kan kasadonyo ka bawah kakuwaso-an Isa Almasih, sarato mambarikan Isa Almasih kabake jamaat, sabagai Kapa-lo dari sagalo sasuatu. 23Jamaat adolah tubuah Isa Almasih, disamparonokan dek Baliau nan manyamparonokan sa-galo sasuatu, di mano pun juwo.

will be added

X\