KOLOSE 4

1Oih sudaro-sudaro nan manjadi induak samang! Andaklah angkau mampabuwek budak-budak angkau jo sacaro nan batua, sarato jo nan adie. Kana-ilah, baraso angkau pun mam-punyoi induak samang di sarugo. 2Andaklah angkau takun badowa, sarato bajago-jago, sambia mangucauk syukur kabake Allah. 3Badowa pulo-lah untuak kami, supayo Allah mam-barikan kasampatan nan baiak kabake kami, untuak mambaritokan tantang rasiyo Isa Almasih. Dek karano par-karo itulah, makonyo ambo kiniko dalam pinjaro. 4Badowalah, supa-yo ambo dapek manarangkan rasiyo tu sajaleh-jalehnyo manuruik nan sa-mustinyo. 5Dalam parkaro ubuangan angkau jo urang-urang nan indak ba-iman, andaklah angkau iduik bijaksano, sa-rato mampagunokan satiyok kasam-patan sa-elok-eloknyo. 6Andaklah kato-kato angkau, kato-kato nan pa-nuah kasiah, jan kato-kato nan mama-tahkan sumangaik. Andaklah angkau tawu, baa samustinyo angkau manja-wauk tanyo dari satiyok urang. 7Tikhikus, sudaro kito nan kito ka-siahi, ka ma-agiah tawu kabake ang-kau sagalo sasuatu tantang diri ambo. Inyo tuluih bakarajo untuak Tuhan, samo-samo jo kami. 8Mukasuik am-bo ma-utuih inyo kabake angkau, supayo angkau bi mangatawui baa ka-adaan kami, sarato supayo nak sanang pulo ati angkau. 9Onesimus ka payi samo-samo jo Tikhikus; inyo adolah urang nan dari lingkuangan angkau juwo. Inyo urang nan tuluih, nan kami mangasiahinyo. Inyo sara-to jo Tikhikus ka ma-agiah tawu ka-bake angkau, tantang sagalo apo nan tajadi di tampaik ambo ko. 10Aristarkhus, nan samo-samo jo ambo di pinjaro, inyo bakirin salam untuak angkau. Baitu pulo Markus, kamanakan Barnabas. (Angkau lah di-agiah kaba untuak manyambuik inyo, jikok inyo tibo ka tampaik ang-kau.) 11Salam pulo dari Isa, nan ba-namo pulo Yustus. Dari sakian urang-urang Yahudi nan lah ba-iman kabake Tuhan Isa Almasih, hanyo nan batigo tu sajolah kiniko nan samo-samo ba-karajo jo ambo, untuak manjalankan tugeh nan dari Allah. Inyo tu sabana-bana sangaik manolong ambo. 12Salam dari Epafras. Inyo urang dari lingkuangan angkau juwo. Inyo pisuruah Isa Almasih, nan tatauk ta-kun badowa untuak angkau. Inyo sa-bana mamintak kabake Allah, supayo kayakinan angkau manjadi kuwaik, sarato angkau sabana-bana lah kokoh dalam iman, supayo angkau jo sacaro samparono patuah kabake ka-ingin-an Allah. 13Ambo lah maliyek san-diri, baraso inyo lah bakarajo kareh untuak angkau, sarato untuak urang-urang nan di Laodikia, sarato jo nan di Hierapolis. 14Tabib Lukas nan ki-to kasiahi, sarato jo Demas, bakirin salam pulo kabake angkau. 15Sampaikanlah salam kami, kaba-ke sudaro-sudaro nan Kristen di Lao-dikia; baitu pulo kabake Nimfa, sara-to kabake jamaat nan ba-ibadaik di rumahnyo. 16Sasudah surek ko diba-cokan kabake angkau, usawokanlah supayo dibacokan pulo kabake jama-at nan di Laodikia. Baitu pulo, angkau sandiri musti bi mambaco pulo surek nan ka dikirin kabake angkau dari Laodikia. 17Sarato sampaikan-lah kabake Arkhipus, ”Salasaikanlah tugeh nan dibarikan kabake angkau untuak malayani Tuhan.” 18Salam dari ambo, Paulus. Ambo sandiri ko nan manulihkan surek nan bagian iko. Jan lupo, baraso ambo di dalam pinjaro juwo lai! Mudah-mudahan Tuhan mambara-kaik-i angkau. Salam aromaik dari kami, Paulus

will be added

X\