KOLOSE 1

1- 2Sudaro-sudaro umaik Allah di Kolose, nan tuluih ati basatu jo Isa Almasih! Sabagai rasul Isa Almasih, — nan di-angkek dek Allah — ambo, Paulus, samo-samo jo sudaro kito Timotius, ma-arokkan mudah-mudahan Allah Bapak kito mambari barakaik, sara-to jo tanang santoso kabake angkau. 3- 4Kami lah mandanga kaba, bara-so angkau picayo kabake Isa Almasih, nan angkau mangasiahi kasadonyo umaik Allah. Itulah sabauknyo, pa-do wakatu kami badowa untuak ang-kau, kami tatauk mangucaukkan syu-kur kabake Allah, Bapak Tuhan kito Isa Almasih. 5Angkau bi picayo, sara-to angkau bi mangasiahi, dek karano angkau bi ba-arok, kabake apo nan disadiyokan dek Allah di sarugo un-tuak angkau. Angkau lah bi manda-nga tantang parkaro itu, kutiko Injil nan bana dibaritokan kabake angkau. 6Injil nan dari Allah tu, lah tabari-to ka kaciyek-annyo dunia, nan iduik urang taruih dibarakaik-i dek Injil tu, samo jo bakcando iduik angkau nan dibarakaik-i, sajak dari angkau man-danga tantang rahmaik Allah, sara-to lah sabana-bana mangalaminyo. 7Kasadonyo tu disampaikan kabake angkau dek Epafras, kanti nan kami kasiahi. Inyo adolah urang pakarajo Isa Almasih, nan tuluih bakarajo un-tuak kaparaluan kito. 8Dari inyolah kami mandanga kaba, baraso jo ku-waso dari Roh Allah angkau dapek samo-samo mangasiahi. 9Itulah sabauknyo kami tatauk ba-dowa untuak angkau, sajak kami man-danga kaba tantang diri angkau. Kami mamintak kabake Allah, supayo Roh Allah mambarikan kabake angkau ka-bijaksanoan, sarato jo pangaratian, sa-inggo angkau bi mangatawui jo sacaro samparono, apo nan ka-inginan Allah. 10Jo caro nan baitu, angkau dapek iduik manuruik ka-inginan Allah, sa-rato tatauk manyanangkan ati Baliau, sainggo dalam sagalo sasuatu, ang-kau dapek ma-asiekan sagalo parkaro nan elok. Sarato pangatawuan angkau tantang Allah pun, ka batambah pu-lo. 11Mudah-mudahan, jo kuwaso dari Allah nan mulie, angkau bi dikuwaik-kan, sainggo angkau bisa saba, sarato jo sanang ati, manangguangkan saga-lo sasuatu, 12sarato basyukur kabake Allah Bapak. Dek karano, Bapak tu lah nan mambuwek angkau patuik mana-rimo, apo nan disadiyokan dek Allah untuak umaik-Nyo di dalam karajaan-Nyo nan tarang. 13Baliau lah malapeh-kan kito dari kuwaso nan kalam, sa-rato lah mamindahkan kito ka dalam karajaan Anak-Nyo nan dikasiahi-Nyo. 14Dek Anak-Nyo tu kito lah dimarade-kakan; ba-arati doso-doso kito lah di-ampuni. 15Isa Almasih adolah gambaran nan nyato dari diri Allah nan indak kaliyatan; Isa Almasih adolah Anak nan tuwo, nan paliang ateh dari sa-galo apo nan dijadikan. 16Dek kara-no, malalui Baliau-lah Allah manjadikan sagalo sasuatu nan di sarugo, sarato jo nan di bumi, sagalo sasuatu nan kaliyatan, sarato jo nan indak ka-liyatan, tamasuak pulo jo sagalo roh nan bakuwaso, sarato jo nan mama-rentah. Kaciyek-annyo alam nangko dijadikan malalui Isa Almasih, sara-to untuak Isa Almasih. 17Sabalun sa-galo sasuatu ado, nan Isa Almasih lah talabiah dulu ado. Nan dek karano di Baliau pulolah, mako sagalo sasuatu talatak di tampaiknyo surang-surang. 18Baliau-lah Kapalo dari tubuah Ba-liau, nan tubuah Baliau tu iyolah ja-maat, dek karano, Baliau-lah tampaik asa kahidupan jamaat tu. Baliau-lah Anak nan tuwo, nan partamu-tamu di-iduikkan baliak dari kamatian, su-payo Baliau sandiri sajo nan manja-di paliang tarutamu dari sagalo sa-suatu. 19Allah sandirilah nan punyo kahandak, supayo sagalo sasuatu nan ado di diri Allah, ado pulo jo sacaro langkok di diri Anak Baliau. 20Sara-to malalui Anak tu pulo, Allah ma-mutuihkan untuak mambuwek saga-lo sasuatu, ba-elok baliak jo Baliau — biya sagalo sasuatu nan di bumi, atau pun nan di sarugo. Allah mam-pabuwek nan baitu, malalui kamati-an Anak Baliau di kayu salib. 21Dulu angkau jauah dari Allah. Angkau bi mamusuahi Baliau, dek karano kalakuan, sarato jo pikieran angkau jahek. 22Tapi kiniko, ma-lalui kamatian Anak Baliau, Allah mambuwek ubuangan angkau jo Ba-liau, manjadi elok baliak. Jo caro nan baitu, angkau dapek dibawok manga-dauk Allah dalam ka-adaan nan su-ci, tulen sarato indak bacacek. 23Ta-pi, tantu angkau musti tatauk tuluih ba-iman, sarato tagak indak baku-cak di kayakinan angkau. Jan sam-pai angkau malapehkan arapan, nan lah dibarikan kabake angkau, di ku-tiko angkau manarimo Injil nan da-ri Allah. Injil tu lah dibaritokan kabake satiyok urang di kaciyek-annyo dunia. Sarato untuak itu pulolah am-bo, Paulus, lah manjadi palayan. 24Kiniko ambo suko sansaro un-tuak kaparaluan angkau. Dek karano, jo kasansaroan tubuah ambo tu, am-bo malangkok-i, apo nan musti juwo lai ditangguangkan dek Isa Almasih untuak jamaat Baliau, iyolah tubuah Baliau. 25Allah manyuruah ambo manjadi palayan jamaat-Nyo, untuak kaparaluan angkau. Ambo musti ma-nyampaikan barito nan dari Allah tu sapanuahnyo; 26iyolah, barito nan salamo ba-abaik-abaik nan lapeh, di-rasiyokan dek Allah kabake sadonyo urang, tapi, nan kiniko dinyatokan kabake umaik-Nyo. 27Kabake umaik-Nyo tu Allah niyo manyatokan, ba-ralah ka baiaknyo, sarato baralah ka mulienyo rasiyo Baliau tu, untuak kasadonyo umaik manusia. Nan ra-siyo tu iyolah: Isa Almasih ado di da-lam diri angkau, nan ba-arati angkau ka sato marasokan kabasaran Allah. 28Isa Almasih tu lah nan kami ba-ritokan kabake satiyok urang. Kami ma-ingekkan, sarato ma-aja urang-urang tu kasadonyo jo sagalo kabijak-sanoan. Tujuan kami iyolah, supayo satiyok urang dapek dibawok kabake Allah, sabagai urang nan lah kokoh dalam sagalo parkaro rohani, dek ka-rano lah basatu jo Isa Almasih. 29Un-tuak mancapai kasadonyo tu, ambo bakarajo kareh. Ambo bajuwang jo sakuwaik tanago, nan dibarikan dek Isa Almasih kabake ambo, sarato nan bakarajo dalam diri ambo jo sacaro panuah kuwaso.

will be added

X\