2 TIMOTIUS 4

1Isa Almasih ka datang baliak ka dunia ko, untuak ka ma-adieli urang-urang nan iduik, sarato jo nan mati; nan Baliau ka datang untuak mamarentah sabagai Rajo. Dek kara-no itu, ambo sabana mamintak kabake angkau di adok-an Allah, sarato jo Isa Almasih: 2Andaklah angkau manga-bakan barito nan dari Allah tu, siyauk sadiyolah, elok atau indak elok waka-tunyo, nyatokanlah apo nan salah, pa-ringekkanlah urang, sarato saba-lah manasiyaik-inyo jo sagalo pangaja-ran. 3Dek karano, ka tibo masonyo, urang indak niyo lai manarimo aja-ran nan bana. Tapi sabaliaknyo, inyo tu ka bi mampaturuikkan ka-inginan inyo tu sandiri, sarato ka bi mangum-puakan guru-guru, untuak nan ka ma-ajakan sagalo parkaro nan lamak di-danga dek talingo inyo tu. 4Inyo tu ka bi mamakok talingo taradok nan bana, tapi, niyo mandangakan curito nan dibuwek-buwek. 5Biyapun bak-cando itu, angkau musti manguwasoi diri angkau, dalam ka-adaan nan baa pun juwo. Tabahlah dalam kasansaroan, karajokanlah tugeh angkau saba-gai pambarito Injil, sarato jalankanlah kawajiban angkau sa-elok-eloknyo, sabagai palayan Allah. 6Tantang diri ambo, lah tibo masonyo ambo ka mati sabagai karoban kabake Allah. Saban-ta lai ambo ka maninggakan dunia ko. 7Ambo lah manyudahi patandiangan jo caro nan sa-elok-eloknyo, nan ambo lah mancapai garih nan tarakir. Ambo tatauk tuluih ati kabake Isa Almasih sampai ka kasudahannyo. 8Nan kini-ko, adiyah kamanangan lah mananti-kan ambo. Di Ari Kiyamaik, Tuhan, Hakim nan adie tu, ka manyarahkan adiyah tu kabake ambo, dek karano ambo iduik ba-elok jo Allah. Sarato in-dak doh ambo sajo nan ka manarimo adiyah tu, tapi, kasadonyo urang nan sabana taragak mananti kadatangan Tuhan, ka bi manarimo pulo. 9Ba-usawolah datang sacapek mung-kin ka tampaik ambo, 10sabauk De-mas lah maninggakan ambo, dek ka-rano inyo mancinto-i dunia ko. Inyo lah payi ka Tesalonika. Kreskes lah pa-yi ka Galatia, nan Titus ka Dalmatia. 11Hanyo Lukas nan tingga jo ambo. Japuiklah Markus, sarato bawoklah inyo samo-samo jo angkau, dek kara-no inyo dapek mambantu dalam kara-jo ambo. 12Ambo lah manyuruah Ti-khikus payi ka Efesus. 13Jikok angkau datang, bawoklah jubah nan ambo tinggakan di Troas, di rumah Karpus. Bawok pulolah kitauk-kitauk ambo, tarutamu kitauk-kitauk nan dibuwek dari karateh kulik. 14Aleksander, tukang timbago tu, lah mampabuwek sagalo parkaro nan jahek sangaik taradok ambo. Tuhan ka mambalehkan kabake inyo, sa-suwai jo apo nan inyo pabuwek. 15Angkau sandiri musti ingek-ingek taradok inyo, dek karano, inyo ma-nantang sangaik barito nan kito ba-ritokan. 16Pado wakatu ambo partamu kali manyampaikan pambelaan diri ambo, indak surang juwo doh urang nan ma-ngawani ambo; kasadonyo bi maning-gakan ambo. Mudah-mudahan, Allah indak manyalahkan inyo tu dalam parkaro iko! 17Tapi, Tuhan manga-wani ambo. Baliau mambarikan ka-kuatan, sainggo ambo bisa mamba-ritokan Injil tu sapanuahnyo, supayo dapek didanga, dek kasadonyo urang nan indak urang Yahudi. Nan ambo ta-inda dari bahayo mauik. 18Batua, Tuhan ka malapehkan ambo, dari sa-tiyok usawo nan jahek taradok di-ri ambo. Baliau ka mambawok ambo jo sanang salamaik, masuak Karajaan Baliau di sarugo. Andaklah Baliau di-muliekan salamo-lamonyo! Amin! 19Salam ambo kabake Priskila jo Ak-wila, sarato kabake kaluarga Onesifo-rus. 20Erastus tingga di Korintus, nan Trofimus lah ambo tinggakan dalam ka-adaan sakik di Miletus. 21Ba-usawo-lah datang kok dapek sabalun musin di-ngin. Ebulus, Pudes, Linus, sarato jo Klau-dia, inyo tu bi bakirin salam kabake angkau; baitu pulo kasadonyo sudaro sa-iman nan lainnyo. 22Mudah-mudahan, Tuhan tatauk manyaratoi angkau. Mudah-mudahan Tuhan mambara-kaik-i sudaro-sudaro! Salam aromaik dari kami,Paulus.

will be added

X\