2 TIMOTIUS 2

1Oih Timotius, anak ambo! Andak-lah angkau manjadi kuwaik dek rahmaik nan dibarikan kabake kito, dek karano kito basatu jo Isa Almasih. 2Ajaran nan dulu lah angkau danga dari ambo di adok-an banyak urang, andaklah angkau picayokan kabake urang-urang nan dapek dipicayo-i, sa-rato nan pandai ma-aja urang lain. 3Angkau musti sato manangguang sansaro, sabagai saradadu Isa Almasih nan tuluih ati. 4Surang saradadu nan sadang bajuwang, indak ka ma-nyibukkan dirinyo doh, jo sagalo uru-san inyo sandiri, dek karano, inyo ni-yo manyanangkan ati kumandannyo. 5Surang urang nan sadang batan-diang, indak ka manjadi juara doh dalam suatu patandiangan, jikok inyo indak mamatuahi sagalo paratua-ran. 6Urang paparak nan lah bakara-jo kareh, inyolah nan partamu-tamu nan ba-hak mandapek asie tinaman. 7Inok-manuangkanlah apo nan ambo katokan, dek karano, Tuhan ka mam-barikan kabake angkau, kamampuan untuak mangarati sagalo sasuatu. 8Kana-ilah nan ambo katokan ko: Injil nan ambo baritokan tu, adolah kaba tan-tang Isa Almasih, katurunan Daud; Baliau-lah Isa Almasih nan lah iduik baliak da-ri kamatian. 9Dek karano mambaritokan Injil tu lah, ambo manangguang sansaro; malah sampai dirantai bakcando urang nan jahek. Tapi, nan kato-kato Allah indak ka bisa doh dirantai. 10Itulah sabauknyo ambo saba manangguangkan kasadonyo tu, karano dek kaparaluan urang-urang nan lah dipiliah dek Allah, supayo inyo tu pun mandapek kasalamaiktan, nan diba-rikan malalui Isa Almasih, nan disaratoi jo kamuliyaan nan kaka. 11Sungguah batua-lah kato-kato nan bakcando iko, ”Jikok kito lah mati samo-samo jo Baliau, mako, kito ka iduik pulo samo-samo jo Baliau. 12Jikok kito tatauk takun, mako, kito ka mamarentah pulo samo-samo jo Baliau. Jikok kito ma-engkari Baliau, mako, Baliau ka ma-engkari kito pulo. 13Jikok kito indak tuluih ati, nan Baliau tatauk tuluih ati, dek karano, indak bisa doh Baliau batantangan jo diri Baliau sandiri.” 14Andaklah angkau ma-ingekkan urang-urang tu tantang kasadonyo ko. Di adok-an Allah, nasiyaik-ilah inyo tu, supayo jan bi batangka tan-tang parkaro sabutan-sabutan. Itu in-dak ado doh payidahnyo, malah ha-nyo ka mangacaukan urang-urang nan bi mandanganyo. 15Andaklah angkau ba-usawo sungguah-sungguah, supayo di-akui dek Allah sabagai urang nan patuik bakarajo untuak Baliau. Ba-usawolah, supayo angkau indak malu tantang parkaro karajo angkau tu, ta-pi, ma-ajakannyo jo sacaro nan tapek, sagalo ajaran nan bana nan dari Allah. 16Jauahilah kecek-kecek nan indak bapayidah, sarato jo kecek nan ma-ino Allah. Sagalo kecek nan bakcando itu, hanyo ka mambuwek urang samakin jahek. 17Ajaran urang-urang tu man-jala, ibaraik bakcando panyakik kan-ker nan ganaih. Di antaro inyo tu ta-masuak Himeneus jo Filetus. 18Inyo tu lah bi manyimpang dari ajaran nan bana, sarato lah mangacaukan iman sabagian urang. Inyo tu bi bakato, ba-raso urang iduik baliak sasudah ma-ti, lah tajadi. 19Tapi, dasar kokoh nan dibuwek dek Allah, indak ka bisa doh diguyahkan. Di ateh dasar tu ado ta-tulih bakcando iko, ”Tuhan tawu ba-na, siya urang-urang nan manjadi mi-liak Baliau”, sarato ado pulo tatulih, ”Urang nan mangatokan baraso inyo miliak Tuhan, urang tu musti baranti mampabuwek karajo nan jahek”. 20Di dalam rumah nan gadang ado sagalo rupo alaik paragaik. Ado nan di-buwek dari perak, atau nan dari ameh, tapi, ado pulo nan dari kayu, atau nan dari tanah. Ado nan dipagunokan un-tuak kaparaluan nan mulie, sarato ado pulo nan dipagunokan untuak kapara-luan nan biaso. 21Urang nan layi mam-barasiahkan dirinyo dari sagalo sasuatu nan jahek, mako, urang tu ka dipaguno-kan untuak kaparaluan nan mulie. Inyo ka manjadi miliak nan tasandiri, sarato nan bapayidah dek induak samangnyo. Inyo disadiyokan untuak ka dipaguno-kan di satiyok karajo nan elok. 22Jauah-ilah sagalo sasuatu nan disuko-i dek urang-urang mudo. Ba-usawolah untuak iduik manuruik ka-inginan Allah, sarato indak barubah ati mangarajokan ajaran Baliau, sarato mangasiahi sasamo manusia, sarato mampunyoi katanangan ati. Iduiklah jo caro nan baitu, samo-sa-mo jo urang-urang nan bi ba-imbau ma-mintak tolong kabake Tuhan jo ati nan tuluih. 23Janlah sato dalam padebaik-an urang-urang nan pandie, nan indak tawu sabuwah alah juwo. Angkau ta-wu, baraso kasadonyo tu hanyo ka ma-nimbuakan patangkaran. 24Urang nan bakara jo untuak Tuhan, indak patuik doh batangka; inyo musti ramah tara-dok kasadonyo urang, sarato bisa saba ma-aja urang jo sacaro nan elok. 25Inyo musti jo sacaro nan lamah lambuik, ma-aja-i urang-urang nan suko malawan; mudah-mudahan, Allah mambari ka-sampatan kabake urang-urang tu, un-tuak bi batobaik dari doso-doso inyo tu, sarato dapek tawu jo ajaran nan bana. 26Jo caro nan baitu, inyo tu ka bi sadar baliak, sarato talapeh dari parangkok Ubilih nan lah mangabek inyo tu, sara-to mamaso inyo tu ma-ikuik-i ka-ingin-an Ubilih.

will be added

X\