2 TESALONIKA 1

1Sudaro-sudaro jamaat di Tesalo-nika, nan manjadi umaik Allah Bapak kito, sarato jo Tuhan Isa Alma-sih! Kami, iyolah Paulus, Silas sarato jo Timotius, 2ma-arokkan mudah-mu-dahan Allah Bapak, sarato jo Tuhan Isa Almasih, mambari barakaik sara-to jo tanang santoso kabake angkau. 3Oih sudaro-sudaro, kami tatauk wajib basyukur kabake Allah dek ka-rano di angkau. Batua, iyo sapatuik-nyolah kami bi basyukur, dek karano angkau samakin ba-iman kabake Isa Almasih, sarato samakin kasiah ma-ngasiahi sasamo angkau. 4Itulah sa-bauknyo, mangko kami taruih man-curitokan tantang parkaro angkau, di satiyok kali kami mangunjuangi ja-maat-jamaat Allah. Sabana bangga kami mancuritokan, baa bana ang-kau tatauk taguah ba-iman kabake Isa Almasih, di dalam iduik nan di-aniayo, sarato dalam kasansaroan nan angkau tangguangkan. 5Mako, nyatolah dek kito, bara-lah ka adienyo pangadielan Allah: Angkau lah bi sansaro dek karano manjadi umaik Karajaan Allah, sa-rato dek karano itu, angkau ka di-anggauk patuik untuak masuak ka dalam Karajaan tu. 6Allah ka mam-pabuwek apo nan adie, sarato ka mambalehkan kasansaroan kaba-ke urang nan mambuwek angkau bi sansaro. 7Nan kabake angkau nan kiniko bi sansaro — baitu pulo ka-bake kami — Allah ka mambarikan karinganan isuak, di ari Tuhan Isa Almasih turun dari sarugo, sarato ka manampakkan diri Baliau samo-samo jo malekaik-malekaik Baliau, dalam kuwaso Baliau, 8disarato-i jo api nan manyalo-nyalo. Baliau turun untuak ka ma-ukun urang-urang nan indak bi mampadulikan Allah, sarato nan indak namuah iduik sasuwai jo Injil tantang Isa Almasih Tuhan ki-to. 9Urang-urang tu ka bi manarimo ukunan kabinasoan untuak salamo-lamonyo, inyo tu dicampakkan ka lu-wa dari lingkuangan Tuhan, sarato ka luwa dari kuwaso Baliau nan ba-sa; 10kasadonyo tu ka tajadi di ari Baliau datang isuak, untuak dimu-liekan dek umaik-Nyo, sarato untuak di aromaik-i dek kasadonyo urang nan ba-iman. Angkau pun ka bi ba-rado di antaro umaik Allah tu, dek karano angkau lah bi picayo kaba-ke barito nan kami baritokan kaba-ke angkau. 11Itulah sabauknyo, mangkonyo ka-mi taruih mandowakan angkau. Ka-mi badowa supayo Allah manjadikan angkau patuik untuak iduik manu-ruik kahandak Baliau; untuak itulah Baliau mamanggie angkau. Mudah-mudahan Allah, jo kuwaso Baliau mampalakukan ka-inginan angkau untuak babuwek baiak, sarato ma-nyamparonokan kasadonyo karajo nan angkau karajokan, dek karano ba-iman kabake Isa Almasih. 12Jo ca-ro nan baitu, Tuhan kito Isa Almasih dimuliekan malalui iduik angkau, nan angkau pun dimuliekan dek Isa Almasih, dek karano kabaiakkan ati Allah kito, sarato jo Tuhan Isa Almasih.

will be added

X\