2 PETRUS 1

1Oih sudaro-sudaro nan saba-na-bana ba-iman, nan samo jo bakcando kami! Isa Almasih, iyolah Allah, sarato Rajo Panyalamaik kito, mamungkinkan kito ba-iman kabake Baliau, dek karano, Baliau mampabu-wek nan bana. Surek ko dari Simon Petrus, su-rang pisuruah, sarato rasul Isa Alma-sih. 2Mudah-mudahan Allah mamba-ri barakaik, sarato jo tanang santoso nan balimpah ruwah kabake angkau, dek karano, angkau bi tawu jo Allah, sarato bi tawu jo Isa Almasih, Tuhan kito. 3Allah lah mamakai kuwaso ilahi-Nyo, untuak mambarikan kabake kito sagalo sasuatu nan diparalu-kan untuak iduik ba-ibadaik. Baliau mampabuwek nan baitu, malalui apo nan kito katawui tantang Isa Alma-sih, nan lah mamanggie kito untuak dapek marasokan kamuliyaan, sara-to jo kabaiakkan Baliau. 4Jo caro itu-lah Allah mambarikan kabake kito, barakaik-barakaik nan sangaik luwa biaso, sarato nan ba-arago, nan lah dijanjikan dek Baliau. Jo sagalo ba-rakaik tu, angkau dapek talapeh dari sagalo ka-inginan jahek, nan marusak di dunia ko, nan angkau ka bi ma-narimo sipaik ilahi. 5Dek karano itu, ba-usawolah basungguah-sungguah, supayo angkau tatauk ba-iman kaba-ke Isa Almasih, sarato iman angkau tu dipakuwaik dek iduik nan baiak. Di sampiang iduik nan baiak, ang-kau paralu pulo manjadi urang nan bapangatawuan, 6nan di sampiang bapangatawuan, angkau musti bisa pulo andaknyo manguwasoi diri. Sa-lain bisa manguwasoi diri, andak pu-lolah angkau mampakuwaik diri, un-tuak tabah ma-adok-i sagalo sasuatu. Di sampiang tabah ma-adok-i sagalo sasuatu, angkau musti pulo iduik ma-nuruik ka-inginan Allah. 7Iduik ma-nuruik ka-inginan Allah, musti pulo dilangkok-i jo kasiah sayang kabake sudaro-sudaro nan sa-iman. Sasudah tu, andaklah kasiah sayang angkau kabake sudaro-sudaro nan sa-iman tu, ditambah pulo jo kasiah taradok kasa-donyo urang. 8Kasadonyo tu adolah sipaik-sipaik nan angkau paralukan. Jikok sipaik-sipaik tu balimpah ru-wah di diri angkau, mako, angkau ka batambah gigiah, sarato barasil, sa-rato tawu bana jo Isa Almasih Tuhan kito, jo sacaro nan labiah mandalam. 9Tapi, urang nan indak mampunyoi sipaik-sipaik nan bakcando tu, pan-dangannyo sampik; inyo indak bisa doh maliyek, sarato inyo lupo, bara-so doso-dosonyo nan dulu lah diba-rasiahkan. 10Dek karano itu, sudaro-sudaro, ba-usawolah basungguah-sungguah, supayo panggielan Allah, sarato jo piliahan Baliau taradok diri angkau tu, manjadi samakin taguah. Jikok angkau layi bi mangarajokan kasado-nyo tu, nan angkau indak ka bapa-liang doh dari Tuhan. 11Jo caro nan baitu, angkau ka dibari hak panuah, untuak masuak Karajaan nan kaka nan dari Tuhan, Rajo Panyalamaik kito Isa Almasih. 12Dek karano itu, ambo taruih ma-ingekkan angkau, tantang parkaro nan ambo sabuikkan cako, biyapun angkau lah bi mangatawu-inyo, sara-to lah picayo sangaik, kabake ajaran nan dari Allah, nan lah angkau tarimo tu. 13Salamo ambo layi iduik juwo lai, nan ambo maraso paralu ma-ingek-kan angkau, taradok sagalo parkaro nan ambo sabuikkan cako. 14Sabauk ambo tawu, baraso indak ka lamo lai ambo ka maninggakan dunia ko, dek karano Tuhan kito Isa Almasih, lah ma-agiah tawu jo sacaro nan ja-leh kabake ambo. 15Mako, ambo ka ba-usawo, supayo sasudah ambo ma-ningga pun, nan angkau tatauk bi ma-ngana baliak kasadonyo tu. 16Pado wakatu kami ma-agiah tawu kabake angkau, baralah ka mulienyo kadatangan Tuhan kito Isa Almasih, nan kami indak bagantuang kabake kaba-kaba bagalau nan dari manusia doh. Kamuliyaan Isa Almasih tu, lah kami liyek jo mato kapalo kami sandi-ri. 17Kami ado di sinan tu, kutiko Ba-liau di-aromaik-i, sarato dimuliekan dek Allah Bapak. Pado wakatu itu, ta-danga suwaro dari Nan Sangaik Mu-lie, nan bakato kabake Baliau, ”Iko-lah Anak-Den nan Den kasiahi. Inyo manyanangkan ati-Den!” 18Kami san-diri mandanga suwaro tu datang da-ri sarugo, kutiko kami barado samo-samo jo Baliau di ateh gunuang nan suci tu. 19Itu sabauknyo, mangko kami la-biah yakin lai, kabake pasan Allah nan dikabakan dek nabi-nabi. Saran-caknyo angkau bi mamparatikan pa-san tu, dek karano, pasan tu ibaraik palito nan bacahayo di tampaik nan kalam, sampai ka tabik matoari, sara-to cahayo bintang nan di Ujuang, ba-cahayo di dalam ati angkau. 20Nan paliang paralu, iko nan ka angkau kana-i: Pasan Allah nan disampaikan dek nabi-nabi tu, indak buliah doh ditapasiekan manuruik pandapek san-diri. 21Dek karano, indak panah doh pasan nan dari Allah, nan dikabakan hanyo dek ka-inginan manusia. Tapi, Roh Allah nan manguwasoi urang, untuak manyampaikan pasan nan da-ri Allah sandiri.

will be added

X\