2 YAHYA 1

1Kabake mandeh nan dipiliah dek Allah, sarato kabake anak-anak mandeh. Surek ko dari ambo, pa-mimpin jamaat nan sabana-bana ma-ngasiahi mandeh, sarato jo anak-anak mandeh. Indak doh hanyo ambo sa-jo, tapi, kasadonyo urang nan bi ta-wu jo Allah nan bana, bi mangasiahi angkau pulo. 2Dek karano, Allah ma-natauk di dalam ati kito, sarato ka ta-tauk barado jo kito salamo-lamonyo. 3Mudah-mudahan kito dibari bara-kaik, rahmaik, sarato jo tanang santoso dek Allah Bapak, sarato dek Isa Almasih Anak Bapak. Mudah-mudahan kasa-donyo tu, kito miliak-i jo ati nan tu-luih sarato jo kasiah. 4Ambo sangaik basukocito, dek ma-ngatawui baraso ado anak-anak man-deh nan iduik manuruik ajaran Allah, bakcando nan lah diparentahkan dek Allah Bapak kabake kito. 5Dek karano itu mandeh, ambo sabana mamintak, supayo kito kasadonyo samo-samo mangasiahi. Nan ambo katokan ko in-dak doh suatu parentah nan baru; pa-rentah ko lah dibarikan kabake kito, sajak dari kito mulo-mulo ba-iman. 6Mangasiahi, ba-arati iduik manuruik sagalo parentah Allah. Parentah nan lah angkau danga sajak dari samulo, iyolah, baraso angkau iduik musti jo sacaro kasiah mangasiahi. 7Dek karano, banyak urang-urang nan manyasekkan, nan lah bi baserak kian kamari di dunia ko. Inyo tu adolah urang-urang nan indak ma-akui, bara-so Isa Almasih datang ka dunia sabagai surang manusia. Urang nan samacam itu adolah urang nan manyasekkan, nan inyo adolah Dajal, musuah Isa Almasih. 8Dek karano itu, jago-ilah jan sampai angkau ka-ilangan apo nan lah kami usawokan untuak angkau. Ba-usawolah supayo angkau manarimo pahalo sapanuahnyo dari Allah. 9Urang nan indak bapacik kabake ajaran Isa Almasih, tapi manyim-pang dari apo nan lah di-ajakan dek Isa Almasih tu, ba-arati urang tu indak mampunyoi Allah. Tapi, urang nan la-yi tatauk di dalam ajaran Isa Almasih, ba-arati inyo mampunyoi Allah Bapak atau pun Allah Anak. 10Dek karano itu, jikok ado urang nan tibo kabake ang-kau, sarato mambaritokan ajaran nan indak di-ajakan dek Isa Almasih, ma-ko, janlah ditarimo urang tu di dalam rumah angkau, sarato jan lah mam-bari salam kabake inyo. 11Dek kara-no, urang nan mambari salam kabake urang nan bakcando itu, ba-arati inyo sato pulo samo-samo jo urang tu, da-lam mampabuwek karajo nan jahek. 12Banyak sangaik nan paralu ambo agiah tawu kabake mandeh, sarato jo anak-anak mandeh, tapi, rasonyo labiah elok jan malalui surek. Ambo ma-arok-kan kok dapek datang mangunjuangi, sarato mangecek lansuang kabake man-deh, sarato jo anak-anak mandeh, supa-yo ati kito sabana-bana basukocito. 13Anak-anak dari dunsanak man-deh nan padusi, nan lah dipiliah pu-lo dek Allah, bi bakirin salam untuak mandeh.

will be added

X\