2 KORINTUS 9

1Sabananyo, indak paralu lai doh ambo mambuwek surek kabake angkau, tantang parkaro bantuan nan sadang dikirin kabake umaik Allah nan di Yudea. 2Ambo tawu angkau suko manolong, nan ambo lah ma-manggakkan angkau kabake urangurang nan di Makedonia. Ambo ma-ngatokan kabake inyo tu, baraso sajak dari tawun nan lapeh, sudaro-sudaro nan di Akhaya, lah basadiyo untuak mambarikan sumbangan. Sarato dek sumangaik angkau tu, lah banyak pu-lo di antaro inyo tu, nan lah tabik pu-lo sumangaik inyo. 3Kiniko ambo ma-utuih Titus, sarato jo kaduwo urang sudaro kito tu kabake angkau, supa-yo apo nan kami panggak-panggakkan tantang parkaro angkau, jan marupo-kan kaba baduto. Jadi, angkau andak-nyo lah basiyauk sadiyo, dek karano ambo mangatokan kabake inyo tu, ba-raso angkau lah basadiyo untuak itu. 4Ambo kuatir, kok santano ado urang-urang Makedonia isuak, nan payi sa-mo-samo jo ambo, pado wakatu ambo datang kabake angkau. Jikok inyo tu mandapati angkau alun siyauk, ndeh, baralah ka malunyo kami isuak, dek karano kami lah mangatokan, bara-so kami picayo sangaik kabake ang-kau! Nan angkau sandiri pun ka malu pulo. 5Itulah sabauknyo, ambo ma-raso paralu ma-utuih urang-urang tu labiah dulu kabake angkau, untuak ma-uruih sumbangan nan lah ang-kau janjikan tu. Ambo pabuwek nan baitu, supayo jikok ambo tibo isuak, nan pambarian angkau tu lah tasadi-yo. Jo caro nan baitu, nyatolah bara-so nan pambarian angkau tu, dibari-kan jo sacaro sanang ati, sarato indak doh dek karano tapaso. 6Kana-ilah kecek ambo ko! Urang nan manyerakkan baniah saketek, ma-ko, inyo ka ma-ambiak asie nan sake-tek pulo. Tapi, urang nan manyerakkan baniah banyak, mako, inyo ka ma-am-biak asie nan banyak pulo. 7satiyok urang musti mambari manuruik kare-laan atinyo. Janlah inyo mambari jo ati nan indak tuluih, atau dek karano tapaso, dek karano, Allah mangasiahi urang nan mambari jo sacaro sanang ati. 8Allah bakuwaso mambarikan barakaik nan malimpah ruwah kabake angkau, supayo angkau tatauk mam-punyoi apo nan angkau paralukan; malahan arato angkau ka balabiah-labiah untuak babuwek baiak, sara-to jo ba-amalan. 9Di Alkitauk tatulih bakcando iko tantang Allah, ”Baliau mambagi-bagikan kabake urang nan bansaik; kabaiakkan ati Baliau kaka untuak salamo-lamonyo.” 10Allah nan manyadiyokan baniah, un-tuak urang nan paparak, sarato makanan untuak kito. Baliau ka manyadiyokan pulo, sarato ka mampalipek-gandokan apo nan angkau tanam, supayo asie kamurahan ati angkau batambah pulo. 11Jo caro nan baitu, angkau ka bakacu-kuik-an dalam sagalo parkaro, sainggo angkau tatauk dapek mambari jo sacaro murah ati. Sarato jo sagalo pambarian angkau, nan kami bagi-bagikan, manya-baukkan banyak urang nan basyukur kabake Allah. 12Dek karano, karajo elok nan angkau pabuwek ko, indak doh hanyo mancukuikkan kaparaluan umaik Allah sajo, tapi, ka manyabauk-kan banyak pulo urang nan basyukur kabake Allah. 13Sarato dari kabaiakkan nan angkau nyatokan tu, banyak urang Kristen nan di Yudea, nan ka bi mamuji Allah, dek karano, inyo tu bi maliyek ka-patuahan angkau taradok Injil tantang lsa Almasih, nan lah angkau ikuik-i tu. Baitu pulo, inyo tu ka bi mamuji Allah, dek karano angkau suko manolong, un-tuak mambagi-bagikan apo nan ado di angkau kabake inyo tu, sarato kabake sadonyo urang lain. 14Mako, inyo tu ka bi mandowakan angkau, jo parasaan kasiah sayang, dek karano Allah elok ati sangaik kabake angkau. 15Andaklah kito basyukur kabake Allah, taradok pambarian Baliau nan luwa biaso tu!

will be added

X\