2 KORINTUS 8

1Oih sudaro-sudaro, kami niyo ang-kau mangatawui pulo, tantang baa bana ka-eloknyo Allah kabake jamaat-jamaat nan di Makedonia. 2Inyo tu lah di-uji jo sagalo kasuliktan nan barek. Tapi, dalam sagalo kasuliktan tu, inyo tu tatauk bi basukocito, sarato bi pa-rapuah sangaik, dalam mambari sum-bangan untuak manolong urang lain, biyapun inyo tu bi sangaik bansaik. 3Ambo dapek mambari pangakuan, baraso inyo tu mambari manuruik ka-mampuan inyo tu, malahan labiah lai. Indak ado doh urang nan manyuruah, 4inyo tu sabana mamintak kabake ka-mi, jikok buliah inyo tu sato mambari sumbangan untuak umaik Allah nan di Yudea. 5Inyo tu mambari jauah la-biah banyak dari nan kami arokkan. Nan partamu-tamu, inyo tu bi manya-rahkan diri kabake Tuhan, kamudian, manyarahkan diri pulo kabake kami, sasuwai jo kahandak Allah. 6Itu sa-bauknyo kami sangaik mandasak Ti-tus - nan mamuloi karajo ko - supa-yo inyo mangunjuangi angkau, sarato nan ka manaruihkan karajo nan elok ko. 7Angkau ikik dalam sagalo sasu-atu: Angkau ikik dalam parkaro iman, ikik dalam parkaro manyatokan pan-dapek, ikik dalam parkaro pangata-wuan, ikik dalam sagalo macam usa-wo, sarato ikik pulo dalam parkaro kasiah angkau kabake kami. Dek ka-rano itu, eloklah angkau ikik pulo di dalam usawo nan elok ko. 8Ambo indak mangatokan itu saba-gai suatu parentah doh. Tapi, jo saca-ro ma-agiah tawu, baralah ka gigiah-nyo urang lain dalam tolong manolong, ambo niyo tawu pulo, sampai dima ba-na kasiah angkau. 9Dek karano, ang-kau lah mangatawui bana, baraso ki-to sangaik dikasiahi dek Isa Almasih Tuhan kito. Baliau kayo, tapi, Baliau mambuwek diri Baliau manjadi ban-saik, dek karano untuak kaparaluan angkau, supayo jo bansaik Baliau tu, angkau manjadi kayo. 10Manuruik pandapek ambo, lah sa-patuiknyo angkau manyalasaikan, apo nan lah angkau muloi tawun nan lapeh. Dek karano, angkaulah nan par-tamu-tamu mamikiekan, sarato nan mamuloi usawo ko. 11Mako, kiniko andaklah angkau manaruihkan usawo ko manuruik kamampuan angkau. An-daknyo angkau basumangaik untuak manyalasaikan usawo ko, bakcando sumangaik nan dulu, kutiko angkau muloi marancanakannyo. 12Jikok ang-kau rilah mambari, mako, Allah ka manarimo pambarian angkau tu, ba-dasarkan apo nan ado di angkau, in-dak doh badasarkan apo nan indak ado di angkau. 13- 14Indak ado doh mukasuik ambo malapehkan urang lain dari baban, ka-mudian ambo timpokan kabake ang-kau. Tapi, dek karano kiniko angkau layi bakacukuik-an, mako, lah sapa-tuiknyo angkau mancukuikkan ka-kurangan urang-urang tu. Isuak, ji-kok angkau bakakurangan, nan inyo tu dalam bakacukuik-an, mako, inyo tu pulo nan ka mambantu angkau. Jo caro nan baitu, baliak batimba samo-samo malayani. 15Di Alkitauk ado ta-tulih, ”Urang nan banyak pancarian, indak ka balabiah-labiah, baitu pulo, urang nan saketek pancarian, indak ka bakakurangan.” 16Baralah ka basyukurnyo kami ka-bake Allah, dek karano, Baliau lah mambuwek Titus sagigiah kami untuak manolong angkau! 17Dek karano, Ti-tus indak doh sakadar mampalakukan pintak kami, tapi, inyo sabana gigiah nak ka manolong angkau, sainggo dek pintaknyo sandiri, inyo mamutuihkan untuak payi kabake angkau. 18Samo-samo jo inyo, kami ma-utuih pulo su-rang sudaro, nan sangaik di-aromaik-i di kasadonyo jamaat, dek karano, ka-rajo inyo mambaritokan Injil nan dari Allah. 19Di sampiang itu, inyo pun lah dipiliah pulo, sarato lah ditatauk-kan dek jamaat-jamaat, untuak nan ka mangawani kami dalam pajalan-an. Dek karano, kami ka ma-adokan pajalanan untuak ma-antakan bantu-an tu, supayo Tuhan dimuliekan, sa-rato supayo angkau bi maliyek, bara-so kami rilah manolong. 20Kami sabana ba-ingek-ingek, su-payo jan ado urang nan manyalahkan kami, dalam parkaro manyampaikan bantuan nan gadang ko. 21Kami niyo batindak luruih, indak doh hanyo di adok-an Tuhan, tapi, di adok-an ma-nusia iyo pulo. 22Samo-samo jo Titus, sarato jo su-daro nan kami sabuikkan cako, ka-mi ma-utuih pulo surang sudaro nan lain. Kami lah acok ma-uji inyo, nan tanyato inyo tatauk suko manolong. Nan kiniko, inyo sabana basumangaik nak ka manolong angkau, dek karano inyo sabana yakin jo angkau. 23Tan-tang parkaro Titus, inyo adolah kanti ambo, nan bakarajo samo jo ambo un-tuak manolong angkau. Tantang parka-ro sudaro nan baduwo lai tu, nan pa-yi samo-samo jo Titus, inyo tu adolah urang-urang nan di-utuih dek jama-at-jamaat, sarato manjadi kamuliyaan untuak Isa Almasih. 24Kok dapek pin-tak kami, angkau paliyekkanlah kasiah angkau kabake sudaro-sudaro kito tu, supayo kasadonyo jamaat tawu, bara-so angkau mangasiahi inyo tu, sara-to apo nan kami panggakkan tantang parkaro angkau, adolah batua.

will be added

X\