2 KORINTUS 6

1Dek karano kami bakarajo samo-samo jo Allah, mako, kami saba-na mamintak kabake angkau, janlah disiyo-siyokan kabaiakkan ati Allah tu. 2Di Alkitauk, Allah bakato, ”Pado wakatu nan lah di-ijinkan, Aden lah mampalakukan dowa angkau, sarato di ari Waden manyalamaikkan, Aden lah manolong angkau.” Kana-ilah elok-elok, kinikolah wakatu nan di-ijinkan tu. Kinikolah ari untuak disalamaikkan! 3Dalam sagalo parkaro kami ba-usawo, supayo caro iduik kami, in-dak ma-ambek urang datang kabake Tuhan, kami indak niyo doh palayanan kami diburuakkan urang. 4Tapi mus-ti sabaliaknyo, dalam sagalo parkaro kami mampaliyekkan, baraso kami adolah pisuruah-pisuruah Allah. Kami tatauk saba, dalam manangguangkan sagalo rupo kasuliktan: 5kami di-ani-ayo, dimasuakkan ka pinjaro, sarato dipatenjukan urang; kami bakarajo kareh, acok kami indak dapek lalok, sarato acok pulo kami indak ado nan ka dimakan. 6Jo sacaro basituluih, babijaksano, basaba, sarato basi-elok ati, kami mampaliyekkan baraso ka-mi adolah pisuruah Allah. Kami tatauk bagantuang kabake partolongan Roh Allah, sarato jo kasiah nan tuluih, 7sarato jo mambaritokan kaba nan da-ri Allah, sarato jo kakuwasoan Allah, kami mampaliyekkan baraso kami ko adolah pisuruah-pisuruah Allah. Kami bapacik kabake kahandak Allah, saba-gai sinjato kami untuak manyarang, atau pun untuak mambela diri. 8Ka-mi di-aromaik-i, tapi di-ino iyo pulo; kami dipuji, sarato dipitanah pulo. Bi-yapun kami basiluruih, kami dituduah pangicuah. 9Kami di-anggauk indak tamusawua, tapi, kasadonyo urang bi tawu jo kami. Kami disangko lah ma-ti, tapi nyatonyo kami layi iduik ju-wo lai. Biyapun kami di-aniayo, nan kami indak mati. 10Biyapun acok ati kami ta-ibo, tapi nan kami tatauk ju-wo basukocito. Kami nampaknyo ban-saik, tapi, kami lah mambuwek banyak urang manjadi kayo. Nampaknyo ka-mi indak mampunyoi sabuwah alah juwo, tapi sabananyo, kami mampu-nyoi sagalo-galonyo. 11Oih sudaro-sudaro nan tacinto di Korintus! Kami lah bataruih tarang ka-bake angkau. Sagalo nan ado di ati ka-mi, lah kami kamukokan. 12Kami in-dak manutuik ati doh taradok angkau, hanyo angkaulah nan bi manutuik ati taradok kami. 13Kiniko, biyalah am-bo mangecek bakcando kabake anak-anak ambo sandiri. Bukakkan pulolah ati angkau taradok kami. 14Janlah angkau basarikaik jo urang-urang nan indak picayo kabake Isa Almasih. Dek karano, apokoh nan dapek disamokan, antaro kabanaran jo kadu-rakoan? Atau, dima pulo ka dapek nan tarang basatu jo nan kalam. 15Indak mungkin doh Isa Almasih supakaik jo Ubilih. Apokoh nan dapek disamokan, antaro urang Kristen, jo urang nan in-dak Kristen? 16Apokoh ubuangannyo, antaro Baithullah jo rumah barha-lo? Kito ko adolah Baithullah, iyolah Rumah Allah nan iduik. Allah sandi-ri bakato, ”Aden ka tingga samo-samo jo urang-urang tu, sarato iduik di tangah-tangah inyo tu. Aden ka manjadi Allah inyo tu, nan inyo tu ka manjadi umaik-Den. 17Dek karano itu, tinggakanlah urang-urang nan indak ba Tuhan Allah tu, jauahkanlah diri kalian dari inyo tu. Janlah ba-ubuangan jo sagalo sasuatu nan najih, mako, Aden ka manarimo kalian. 18Aden ka manjadi Bapak kalian, nan kalian ka manjadi anak-anak-Den, bakcando itulah nan dikatokan dek Tuhan Nan Mahakuwaso.”

will be added

X\