2 KORINTUS 4

1Dek kamurahan ati Allah, kami bisa mangarajokan karajo ko. Itu sabauknyo kami indak putuih aso. 2Ka-mi indak mamakai caro-caro buruak nan mamalukan. Kami bakarajo indak jo tipu dayo doh, atau mamuta-baliak-kan kato-kato Allah. Kami malayani Allah jo ati nan barasiah, sasuwai ma-nuruik kahandak Baliau. Dek kara-no itu, kami ma-arokkan kasadonyo urang manilai kami jo sacaro elok di dalam ati keteknyo. 3Jikok Injil nan kami baritokan tu, alun juwo lai da-pek dipahami dek urang, mako, ha-nyo urang-urang nan sadang manuju kabinasoan sajolah, nan indak ka da-pek mamahaminyo. 4Dewa jahek nan manguwasoi dunia ko, manutuik pikie-ran urang-urang nan indak picayo tu. Inyolah nan ma-ambek-ambek urang-urang tu, supayo urang-urang tu in-dak manampak cahayo tarang dari In-jil tu, tantang kabasaran Isa Almasih, nan adolah marupokan gambaran Allah. 5Barito nan kami kabakan tu, indak doh barito tantang diri kami sandiri. Barito tu, adolah barito tan-tang Isa Almasih; baraso nan Baliau adolah Tuhan; nan kami adolah pa-layan-palayan angkau, dek karano di Baliau. 6Allah nan bakato, ’Andaklah dari nan kalam tabiklah tarang, ” Allah itu pulolah, nan manabikkan tarang tu di dalam ati kito, supayo pikieran kito manjadi tarang, untuak mama-hami kamuliyaan Allah, nan bacaha-yo di roman muko Isa Almasih. 7Tapi, arato rohani nan mulie tu, kami bawok dalam diri kami nan in-dak ba-arago ko, nan dibuwek dari tanah. Jo caro nan baitu, mako, nya-tolah baraso kabasaran kuwaso tu, ba-rasa dari Allah, sarato indak doh di diri kami. 8Kami disarang dari saga-lo piyak, tapi, nan kami indak tasapik doh. Kami ilang aka, tapi, indak sam-pai putuih aso doh. 9Banyak nan ma-musuahi kami, tapi, kami tatauk ado mampunyoi kanti. Biyapun acok kami di-ampehkan sampai tatilantang, ta-pi, nan kami indak mati doh. 10Buliah dikatokan taruih manaruih kami ma-rasokan di tubuah kami, baa sakiknyo Isa Almasih ka mati, supayo iduik Ba-liau pun manjadi nyato di dalam tu-buah kami. 11Dalam iduik kami, ka-mi taruih di-ancam dek mauik dek karano di Isa Almasih, supayo jo caro nan baitu, iduik Isa Almasih pun da-pek dinyatokan, di tubuah kami nan indak kaka ko. 12Jadi, aratinyo bana, mauik sadang basitungkin dalam di-ri kami mangarajokan karajonyo, tapi, nan kami basukocito, dek karano nan sabananyo, iduik nan sajatilah nan sadang basitungkin bakarajo di dalam diri angkau. 13Di Alkitauk tatulih kato-kato nan bakcando iko, ”Dek karano ambo ba-iman, itu mangkonyo ambo mange-cek.” Mako, jo sumangaik iman nan bakcando itu pulo, mangko kami ma-ngecek, dek karano kami layi ba-iman. 14Kami yakin, baraso Allah nan lah ma-iduikkan Tuhan Isa Almasih dari kamatian, ka ma-iduikkan kami pulo baliak samo-samo jo Isa Almasih, sa-rato ka mambawok angkau sarato jo kami ka adok-an Baliau. 15Kasadonyo tu adolah untuak kaparaluan angkau. Dek karano, samakin banyak urang nan mangalami kasiah Allah, sama-kin banyak pulo dowa syukur nan di-sampaikan kabake Allah; jo caro nan baitu Allah dimuliekan. 16Itulah sabauknyo mangko kami indak putuih aso. Biyapun jo sacaro layie kami samakin batambah san-sai, tapi, jo sacaro batin kami dija-dikan baru satiyok ari. 17Dek kara-no, kasansaroan nan indak sabarapo ko, nan kami alami hanyo untuak sa-mantaro, isuak ka ma-asiekan untuak kami, suatu sukocito luwa biaso nan kaka. Sukocito tu jauah labiah ma-limpah, jikok dibandiangkan jo ka-sansaroan nan kiniko. 18Dek karano, kami indak mamparatikan doh saga-lo parkaro nan kaliyatan, tapi, kaba-ke nan indak kaliyatan. Nan kaliya-tan tu hanyo tahan samantaro, tapi, nan indak kaliyatan tu, kaka untuak salamo-lamonyo.

will be added

X\