2 KORINTUS 2

1Dek karano itu, ambo lah mam-buwek kaputusan, untuak indak lai ka datang kabake angkau, jo ka-datangan nan mambuwek ati angkau sadiah. 2Jikok ambo nan mambuwek ati angkau sadiah, siya pulokoh urang nan ka dapek mahibur ambo, jikok in-dak doh urang-urang nan lah ambo sadiahkan atinyo? 3Itu sabauknyo am-bo mambuwek surek ko kabake ang-kau. Ambo indak niyo doh mangun-juangi angkau, sudah tu, di-ibokan ati ambo dek angkau, padohal angkaulah nan samustinyo nan ka mahiburkan ambo. Dek karano ambo yakin, jikok ambo basukocito, mako, angkau kasa-donyo ka bi basukocito pulo. 4Ambo mambuwek surek ko kabake angkau, jo ati nan ibo sarato jo ati nan barek, sambia ba-urai ayie mato. Mukasuik ambo indak doh supayo angkau bi ba-ibo ati pulo, tapi, supayo angkau bi tawu, baraso ambo sangaik manga-siahi angkau. 5Jikok ado urang nan manyabaukkan ati ta-ibo, mako, nan inyo pabuwek tu indak doh taradok ambo, tapi, taradok angkau kasadonyo, atau paliang tidak taradok sabagian dari angkau. Ambo indak namuah doh talampau kareh ta-radok inyo. 6Dek urang nan bakcando itu, lah cukuik tu ukunan nan dibari-kan, dek kabanyakkan di antaro sudaro kabake inyo. 7Nan kiniko angkau musti mamaohkan inyo, sarato mambari su-mangaik baliak kabake inyo, supayo inyo jan talampau ba-ibo ati, sainggo baputuih aso. 8Dek karano itu, ambo mamintak, supayo angkau mampali-yekkan baliak kabake inyo, baraso ang-kau iyo sabana-bana mangasiah-inyo. 9Ambo mambuwek surek ko kabake angkau, jo mukasuik untuak ma-uji angkau, apokoh angkau layi niyo ta-ruih ma-ikuik-i pitunjuak-pitunjuak da-ri ambo. 10Jikok angkau mamaohkan urang nan lah babuwek salah kabake angkau, mako, ambo pun lah mama-ohkan urang tu. Dek karano, apo nan lah ambo maohkan - jikok iyo ado nan paralu dimaohkan - mako, itu ambo maohkan di adok-an Isa Almasih, un-tuak kabaiakkan angkau. 11Ambo pa-buwek nan bakcando itu, supayo Ubi-lih jan ma-ambiak kasampatan untuak manguwasoi kito; dek karano kito lah tawu jo sagalo mukasuik inyo. 12Pado wakatu ambo tibo di Troas, jo mukasuik untuak mambaritokan In-jil tantang Isa Almasih, ruponyo Tuhan lah mambukak jalan untuak ambo, un-tuak bakarajo di tampaik tu. 13Tapi, nan ati ambo indak tanang, dek karano indak batamu jo sudaro kito Titus di sinan tu. Mako, ambo mintak barang-kek kabake urang-urang nan di sinan tu, sudah tu payi ka Makedonia. 14Tapi, syukurlah kabake Allah nan di dalam Isa Almasih! Baliau tatauk mambawok kami di jalan kamanangan Isa Almasih, dek karano, kami iduik basatu jo Baliau. Allah mamakai ka-mi, supayo barito tantang Isa Almasih tasebar andaknyo, nan bak baun arun nan mangkapundak kian kumari. 15- 16Dek karano, kami ibaraik baun kumayan nan arun, nan dibaka dek Isa Almasih untuak Allah. Taradok urang-urang nan sadang manuju ka-binasoan, kami ko ibaraik baun ma-uik nan mambunuah; tapi, taradok urang-urang nan sadang disalamaik-kan, kami ko ibaraik baun arun nan mambawok kabake iduik. Tapi, siya-koh nan layi ka talok manjalankan tu-geh ko? 17Kami indak bakcando ka-banyakkan urang, nan mampabuwek barito nan dari Allah tu, ibaraik bak-cando barang nan dipajuwa balikan. Sagalo tujuan kami barasiah, dek ka-rano kami ditugehkan dek Allah. Sa-rato Allah sandiri lah maliyek, bara-so kami nan manyampaikan barito tu, adolah sabagai pisuruah-pisuruah Isa Almasih.

will be added

X\