2 KORINTUS 10

1Kiniko ambo, Paulus, niyo ma-ngamukokan sasuatu kabake angkau. Ambo ko, manuruik kecek urang, lamah lambuik jikok ba-adok-an jo angkau, tapi, barani jikok lah bajauahan. Nan dek karano kalamah-lambuik-an, sarato jo kabaiakkan ati Isa Almasih, 2ambo sabana mamin-tak kabake angkau, jikok ambo da-tang isuak, janlah dipaso ambo baka-to kareh taradok angkau. Dek karano, ambo bamukasuik batindak kareh ta-radok urang-urang nan mangatokan, baraso nan kami ko bakarajo jo tuju-an-tujuan nan duniawi. 3Batua kami sadang iduik di ateh dunia ko juwo lai, tapi, nan kami bajuwang indak bada-sarkan tujuan duniawi doh. 4Sinjato-sinjato nan kami pagunokan di dalam pajuwangan kami, indak doh sinjato dunia ko, tapi, adolah sinjato-sinjato dari Allah nan bakuwaso. Jo sagalo sinjato tu, kami marusak binasokan benteang-benteang patahanan; sara-to jo itu kami lawan sagalo rupo pa-debaik-an, 5sarato jo itu pulo kami runtuahi benteang-benteang kabon-dek-an, nan dibangun untuak manan-tang pangatawuan tantang Allah. Ka-mi tawan sagalo pikieran urang, sarato mambuwek inyo tu bi tunduak kaba-ke Isa Almasih. 6Sarato jikok angkau lah patuah jo sapanuahnyo, mako, ka-mi siyauk untuak ma-ukun kasadonyo urang nan indak patuah. 7Andaknyo angkau manyadari ka-adaan nan sabananyo. Jikok surang urang yakin, baraso inyo miliak Isa Al-masih, andaklah inyo ma-ingekkan di-rinyo sandiri, sarato manyadari, bara-so kami miliak Isa Almasih pulo, samo jo bakcando inyo. 8Ambo indak malu, jikok ambo musti labiah banyak ma-manggak-manggakkan, kakuwasoan nan lah dibarikan dek Tuhan kabake kami, dek karano, kakuwasoan tu di-barikan untuak mambangun angkau, indak doh untuak maruntuah-i. 9Am-bo indak niyo angkau maraso baraso ambo manakuik-nakuik-i angkau jo surek-surek ambo. 10Urang bi bakato, ”Surek-surek Paulus tu kareh, sarato bakuwaso, tapi, jikok inyo sandiri di tangah-tangah kito, urangnyo lamah, sarato kato-katonyo indak ba-arati!” 11Andaknyo urang nan bakcando itu manyadari, baraso jikok kami barado di tangah-tangah angkau, tindakkan kami tapek, bakcando apo nan kami tulihkan dalam surek-surek kami. 12Tantu sajo kami indak barani mampabandiangkan, atau manam-paikkan diri kami sadarajaik jo urang-urang nan ma-anggauk dirinyo tenggi. Baralah ka pandienyo urang-urang tu! Inyo tu mambuwek ukuaran sandiri, sarato manilai diri sandiri jo ukuaran tu. 13Nan kami indak baitu doh. Ji-kok kami mamanggak-manggak, kami indak malampaui bateh. Kami tatauk barado di dalam bateh-bateh daerah karajo, nan lah ditantukan dek Allah untuak kami. Nan angkau tamasuak di dalam daerah itu. 14Jadi, di kuti-ko kami mangunjuangi angkau, sa-rato mambaritokan Injil tantang Isa Almasih kabake angkau, nan sabana-nyo kami indak kaluwa doh dari ba-teh-bateh daerah karajo kami. 15Ka-mi indak mamuji diri taradok karajo urang lain, nan barado di luwa bateh nan ditantukan dek Allah untuak ka-mi. Tapi sabaliaknyo, kami tatauk di dalam bateh-bateh nan lah ditantu-kan dek Allah untuak kami, sarato ma-arokkan baraso angkau samakin ba-iman kabake Isa Almasih, supa-yo kami dapek mangarajokan karajo nan labiah gadang di antaro angkau. 16Jo caro nan baitu, kami dapek pulo mambaritokan Injil tu di nagari-nagari nan lain, indak tarago musti mangga-dang-gadangkan diri, taradok karajo nan lah dikarajokan di wilayah pala-yanan urang lain. 17Di Alkitauk ado tatulih, ”Urang nan niyo nak mamanggakkan sasu-atu, andaklah inyo mamanggakkan apo nan lah dipabuwek dek Tuhan.” 18Dek karano, urang nan tapuji, ado-lah urang nan dipuji dek Tuhan, in-dak doh urang nan mamuji dirinyo sandiri.

will be added

X\