2 KORINTUS 1

1Sudaro-sudaro jamaat Allah nan di Korintus, sarato jo kasadonyo umaik Allah nan di kaciyek-annyo da-erah Akhaya. Ambo, Paulus, rasul Isa Almasih, nan di-angkek dek kahandak Allah, samo-samo jo sudaro kito Timotius, 2kami ma-arokkan, mudah-mudahan Allah Bapak kito, sarato jo Tuhan Isa Alma-sih, mambari barakaik, sarato jo ta-nang santoso kabake angkau. 3Sagalo pujian untuak Allah, Bapak dari Tuhan kito Isa Almasih. Baliau adolah Bapak nan sangaik elok ati, sa-rato Baliau adolah Allah nan mamba-rikan kakuatan batin kabake manusia. 4Baliau manguwaikkan batin kami, dalam satiyok kasuliktan nan tasu-wo dek kami, supayo jo kakuatan nan kami tarimo dari Allah tu, kami pun dapek pulo manguwaikkan batin ka-sadonyo urang nan dalam kasusahan. 5Sagalo sansaro nan lah ditangguang-kan dek Isa Almasih, lah banyak pulo nan tasuwo dalam iduik kami. Sarato malalui Isa Almasih pulo, batin kami sabana dikuwaikkan. 6Jikok kami ta-suwo jo nan sulik, itu adolah untuak panguwaikkan batin angkau, sarato karano dek kasalamaiktan angkau. Jikok batin kami dikuwaikkan, ma-ko, angkau sato pulo dikuwaikkan, sainggo angkau manjadi tabah dalam ma-adok-i sagalo kasuliktan, bakcan-do nan lah kami tangguangkan pulo. 7Kami tatauk yakin, sarato indak panah doh ragu-ragu tantang parkaro angkau, dek karano kami tawu, ba-raso angkau sato sansaro samo-samo jo kami. Sarato dek karano itu, ang-kau sato pulo dikuwaikkan samo-sa-mo jo kami. 8Oih sudaro-sudaro! Kami niyo ang-kau mangatawui tantang kasuliktan nan kami tangguangkan di wilayah Asia. Kasansaroan nan kami tang-guangkan tu sabana barek manimpo kami, sainggonyo kami indak ma-arok-kan ka iduik lai; 9rasonyo bakcando lah dijatuahi ukunan mati. Tapi, mang-konyo tajadi nan bakcando itu, supayo kami jan ma-andakan kakuatan diri sandiri, tapi hanyo kabake Allah, nan ma-iduikkan urang nan mati. 10Baliau-lah nan lah manyalamaikkan kami, dari bahayo mauik nan sangaik ma-nakuikkan tu. Sarato Baliau pulolah nan ka manyalamaikkan kami isuak di ari-ari kamudian, dek karano ka-bake Baliau-lah kami ba-arok. 11Kami yakin, dek karano angkau bi mando-wakan kami, mako, Allah ka manya-lamaikkan kami pulo baliak dari baha-yo. Allah bamurah ati mambarakaik-i kami, sabagai jawaukban taradok ba-nyaknyo dowa untuak kami, sarato dek karano itu, banyak urang nan ka bi basyukur kabake Allah. 12Ikolah kabanggaan kami, dek ka-rano ati ketek kami mayakinkan kami, baraso iduik kami di dunia ko-nan tarutamu ubuangan kami jo angkau, lah kami jalankan jo ati nan tuluih, sarato jo ati nan suci. Kami mampa-buwek nan baitu, indak doh jo kabi-jaksanoan manusia, tapi, jo kamampu-an nan dibarikan dek Allah. 13- 14Nan kami tulihkan dalam surek nan ka-bake angkau ko, hanyo adolah tan-tang sagalo parkaro nan dapek ang-kau baco, sarato nan dapek dipahami. Kiniko angkau indak ka dapek doh mamahami tantang diri kami sapa-nuahnyo, tapi, nan ambo ma-arokkan, isuak angkau ka sabana-bana mama-hami tantang diri kami. Jo caro nan baitu, pado wakatu Tuhan Isa Alma-sih tibo isuak, angkau ka bangga ta-radok kami, samo jo bakcando kami nan bangga taradok angkau. 15Dek karano di kayakinan tu lah, mako, pado mulonyo ambo maranca-nakan untuak mangunjuangi angkau, supayo angkau mandapek barakaik du-wo kali lipek. 16Ambo bamukasuik ma-ngunjuangi angkau, dalam pajalanan ambo ka Makedonia, sarato singgah pulo kabake angkau dalam pajalan-an ka babaliak, supayo angkau dapek mambantu ambo, untuak manaruihkan pajalanan ka Yudea. 17Tapi, ambo lah ma-ubah niyaik ambo tu; apokoh itu manandokan ambo indak bapandiri-an? Di kutiko ambo mambuwek ran-cana, apokoh ambo mambuwek ran-cana manuruik nan katuju dek ambo sorang, sabanta bakato, ”Iyo”, nan sa-banta lai bakato ”Indak"? 18Karano dek Allah nan dapek dipicayo-i, janji ambo kabake angkau, indak doh ”Iyo”, sarato jo ”Indak.” 19Dek karano, Isa Almasih Anak Allah, nan lah dibari-tokan kabake angkau dek Silas, Timo-tius, sarato dek ambo sandiri, indak doh ”Iyo" sarato jo ”Indak”. Tapi sa-baliaknyo, Baliau marupokan jawauk-ban ”Iyo”, dari Allah. 20Dek karano, malalui Baliau, Allah lah mangatokan ”Iyo", taradok kasadonyo janji Baliau. Badasarkan itulah kito mangucaukkan ”Amin" kabake Allah dek karano Isa Almasih. Kami pabuwek nan baitu su-payo Allah dimuliekan. 21Allah san-dirilah nan mambuwek kami sarato jo angkau, arek basatu jo Isa Almasih; Baliau pulolah nan lah mamiliah kito, nan sangajo untuak Baliau. 22Untuak itu, Allah lah mansahkan kito manja-di miliak Baliau, sarato mambarikan Roh Baliau di dalam ati kito sabagai jaminan, baraso Baliau ka mambari-kan kabake kito, sagalo sasuatu nan lah Baliau janjikan. 23Allah nan jadi sasi ambo - dek karano Baliau tawu isi ati ambo - ba-raso ambo indak jadi doh payi ka Ko-rintus, dek karano ambo indak niyo doh mambuwek ati angkau sadiah. 24Ambo indak mamaso angkau, tan-tang apo nan musti angkau picayo-i, dek karano angkau lah picayo sangaik kabake Isa Almasih. Ambo hanyo ni-yo bakarajo samo jo angkau, supayo angkau samakin basukocito.

will be added

X\