1 TIMOTIUS 6

1Urang-urang Kristen nan manja-di budak, musti ma-anggauk ba-raso induak samang inyo tu patuik di aromaik-i, supayo urang indak dapek mamburuakkan namo Allah, atau pa-ngajaran kito. 2Budak-budak nan in-duak samangnyo urang Kristen, in-dak buliah doh maremehkan induak samangnyo, biyapun inyo tu samo-sa-mo urang Kristen. Malah inyo tu sa-mustinyo malayani induak samang inyo tu, jo sacaro nan labiah elok lai, dek karano, induak samang nan di-layani jo sacaro nan elok tu, adolah samo-samo urang ba-iman nan dika-siahi. Kasadonyo ko mustilah angkau aja-kan, sarato jo angkau nasiyaikkan. 3Jikok ado urang ma-ajakan ajaran nan lain daripado itu, sarato indak satuju jo ajaran nan bana dari Tuhan kito Isa Almasih, sarato jo ajaran uga-mo kito, 4inyo adolah urang nan ma-nenggikan diri, sarato indak tawu sabuwah alah juwo! Panyakik inyo iyolah suko badebaik, sarato jo ba-tangka tantang parkaro sabutan-sa-butan, sainggo manimbuakan bingik, silang salisiah, pitanah, sarato jo curi-ga, 5sarato jo pasalisiahan nan indak abih-abihnyo. Jalan pikieran urang-urang tu lah tasumbek, sarato indak batua lai. Inyo tu bi manyangko bisa manjadi kayo dari ugamo. 6Batua, ugamo tu mambarikan ka-untuangan nan gadang, jikok urang tu maraso cukuik jo apo nan inyo mi-liak-i. 7Dek karano, indak sabuwah alah juwo doh, nan kito bawok ka da-lam dunia ko, sarato indak sabuwah alah juwo doh, nan ka dapek kito bawok, kutiko kito lah mati! 8Jadi, jikok lah ado nan ka dimakan, sarato jo pa-kaian, itu lah cukuik tu. 9Tapi, urang nan niyo nak manjadi kayo, ka tada-yo sarato ka tajarek, dek sagalo rupo ka-inginan nan manyasekkan, sara-to nan marusak. Sagalo ka-inginan tu mambuwek urang binaso, sarato jo ci-lako. 10Dek karano akok ka pitih, ma-ko timbualah sagalo rupo karajo nan jahek. Ado sabagian urang, nan dek mangaja pitih, sainggo indak lai ma-ikuik-i ajaran Kristen, kamudian inyo tu ditimpo dek banyak kasansaroan, nan bi maluluahkan ati inyo tu. 11Tapi, nan angkau adolah urang nan miliak Allah, jadi angkau musti manjauahi kasadonyo tu. Ba-usawo-lah manjadi urang nan bana di pan-dangan Allah, nan bakarajo untuak Allah, ba-iman kabake Isa Almasih, mangasiahi sasamo manusia, saba da-lam kasansaroan, sarato basikauk la-mah lambuik. 12Bajuwanglah sung-guah-sungguah, untuak iduik sabagai urang Kristen, supayo angkau mara-buik adiyah iduik sajati nan kaka. Dek karano, untuak itulah Allah mamang-gie angkau, pado wakatu angkau ma-akui di adok-an banyak urang, baraso angkau ba-iman kabake Isa Almasih. 13Nan kiniko, di adok-an Allah nan mambarikan nyawo kabake sagalo sa-suatu, sarato di adok-an Isa Almasih, nan mambari pangakuan nan bana kabake Pontius Pilatus, ambo mamin-tak nan bakcando iko dari angkau: 14Patuahilah kasadonyo parentah tu, jo sacaro nan tuluih, sarato indak ba-cacek, sampai ka maso Tuhan kito Isa Almasih datang baliak. 15Kadatangan Baliau ka ditantukan dek Allah sandi-ri, pado wakatu nan tapek. Baliau-lah Panguwaso Tungga; Baliau mulie, Ra-jo sagalo rajo, sarato Tuhan sagalo tu-wan. 16Baliau sajolah nan indak bi-sa dikuwasoi dek mauik; Baliau iduik di dalam cahayo nan indak bisa di-dakek-i dek siapo pun juwo. Indak ado surang juwo doh manusia nan lah panah maliyek Baliau, atau da-pek maliyek Baliau. Untuak Baliau-lah aromaik, sarato jo kuwaso untuak salamo-lamonyo! Amin! 17Kabake urang-urang nan kayo di dunia ko, andaklah angkau mintak supayo inyo tu jan bi tenggi ati, sa-rato jan ba-arok kabake sasuatu nan indak tatauk — umpamonyo ba-arok ka arato bando. Inyo tu musti bi ba-arok kabake Allah, nan mambarikan sagalo sasuatu kabake kito jo sacaro nan balimpah, supayo kito marasokan lamaknyo. 18Saruahlah inyo tu, un-tuak manyatokan kabaiakkan, sarato banyak mampabuwek sagalo parkaro nan baiak, elok ati, sarato suko bara-giah. 19Jo caro nan baitu, inyo tu bi mangumpuakan arato nan ka manjadi dasar nan baiak, untuak maso nan ka datang, untuak mancapai iduik nan sabananyo. 20Oih Timotius! Apo nan lah dipica-yokan kabake angkau, jagolah itu elok-elok! Jauahilah kecek-kecek nan indak bapayidah, sarato jo sagalo padebaik-an, nan barasa dari apo nan dinamokan ”Pa-ngatawuan”. 21Dek karano, ado urang-urang nan bi mangatokan, baraso inyo tu bi mampunyoi pangatawuan tu, sainggo manyimpang dari ajaran-ajaran Kristen, nan dulunyo dipicayo-i dek inyo tu. Mudah-mudahan Tuhan mambara-kaik-i sudaro-sudaro. Salam aromaik dari kami,Paulus.

will be added

X\