1 TIMOTIUS 4

1Roh Allah mangatokan jo saca-ro nan jaleh, baraso di maso-ma-so nan ka datang, sabagian urang ka bi marotaik, ma-engkari Isa Almasih. Inyo tu ka bi patuah kabake roh-roh nan ma-nyasekkan, sarato bi ma-ikuik-i saga-lo ajaran roh jahek, 2nan disampaikan malalui urang-urang munapiak nan bi mangicuah. Ati ketek urang-urang tu lah bi kalam. 3Inyo tu bi ma-aja urang untuak indak bi kawin, sarato ado ba-barapo makanan nan indak buliah di-makan. Padohal makanan tu dijadikan dek Allah, untuak dimakan jo ucapan syukur kabake Baliau, dek urang-urang nan lah ba-iman kabake Isa Almasih, sarato nan lah tawu jo ajaran nan bana nan dari Allah. 4Sagalo sasuatu nan di-jadikan dek Allah tu elok, sarato indak ado ciyek juwo doh nan musti di-ang-gauk aram, jikok lah ditarimo jo ucap-an syukur kabake Allah. 5Dek karano barakaik nan dari Allah, sarato jo do-wa, mambuwek makanan tu manjadi ala. 6Jikok angkau ma-ajakan kasa-donyo tu kabake sudaro-sudaro sa-iman, mako, angkau ka manjadi pa-layan Isa Almasih nan bakarajo jo sacaro nan elok. Nan angkau ka ta-ruih mamupuak batin angkau, jo kato-kato Allah nan kito picayo-i, sara-to jo sagalo ajaran nan bana, nan lah angkau ikuik-i salamo ko. 7Jauahilah sagalo curito nan barasa dari angan-angan nan indak bapayidah. Andak-lah angkau malatiah diri untuak iduik nan ba-ibadaik. 8Latiahan tubuah ha-nyo saketeknyo gunonyo, tapi, latiah-an rohani paguno dalam sagalo par-karo, dek karano manganduang janji, untuak iduik di maso kiniko, sarato iduik di maso nan ka tibo. 9Kato-ka-to tu bana, sarato patuik ditarimo, sa-rato dipicayo-i sapanuahnyo. 10Itu-lah sabauknyo kito bajuwang, sarato bakarajo kareh, dek karano, kito ba-arok sapanuahnyo kabake Allah nan iduik; Baliau-lah Panyalamaik kasa-donyo urang, nan tarutamu sakali urang-urang nan ba-iman. 11Ajakanlah kasadonyo tu, sarato suruahlah urang-urang tu ma-ikuik-inyo. 12Jan ado surang pun juwo urang nan ma-anggauk angkau ran-dah, dek karano angkau nan baru mu-do matah. Tapi sabaliaknyo, andaklah angkau jadi tuladan dek urang-urang nan ba-iman, dalam angkau bakato-kato, sarato dalam tingkah laku ang-kau, dalam caro angkau mangasiahi sasamo manusia, sarato dalam caro angkau ba-iman kabake Isa Almasih, sarato jo caro iduik angkau nan su-ci. 13Samantaro itu, sampai ambo ti-bo isuak, angkau musti basungguah-sungguah mambacokan Alkitauk kabake urang-urang tu, sarato mam-bari sumangaik, sarato jo ma-aja inyo tu. 14Angkau pagunokanlah jo saca-ro nan basungguah-sungguah, ka-mampuan nan dari Roh Allah nan di-barikan kabake angkau, pado wakatu pamimpin-pamimpin jamaat, bi ma-latakkan tangan inyo tu di ateh ka-palo angkau, sarato di kutiko nabi-nabi bi manyampaikan pasan Allah tantang parkaro diri angkau. 15Kara-jokanlah kasadonyo tu jo sacaro nan basungguah-sungguah, supayo ka-majuan angkau diliyek dek kasadonyo urang. 16Jago-ilah diri angkau, sarato jago-i pulolah pangajaran ang-kau. Andaklah angkau tuluih manga-rajokan kasadonyo tu, dek karano, jo caro nan baitu angkau ka manyala-maikkan, biya diri angkau sandiri, atau pun urang-urang nan bi ma-iyo-kan kecek angkau.

will be added

X\