1 TIMOTIUS 3

1Sungguah, batualah kato-kato nan bakcando iko, ”Urang nan niyo nak manjadi paniliak jamaat, ma-inginkan suatu karajo nan sangaik ba-arago.” 2Surang paniliak jamaat, mustilah urang nan indak bacacek, bi-ninyo hanyo surang, tawu manahan diri, bijaksano, sarato bataratik; inyo suko manarimo urang di rumahnyo, sarato bisa ma-aja urang; 3jan urang nan pamabuak, atau nan suko baca-kak. Tapi sabaliaknyo, inyo musti la-mah lambuik, sarato suko kabake nan damai. Inyo indak buliah cangok jo pitih. 4Inyo musti tawu ma-atur ru-mah tanggonyo jo sacaro elok, sara-to mandidik anak-anaknyo untuak patuah, sarato aromaik kabake inyo. 5Dek karano, jikok urang indak tawu ma-atur rumah tanggonyo sandiri, baa pulo inyo ka dapek ma-atur jama-at Allah? 6Surang paniliak jamaat, indak buliah doh urang nan baru man-jadi urang Kristen, supayo inyo jan manjadi uju, sudah tu, takutuak bak-cando Ubilih sa-isuak. 7Inyo mustilah urang nan punyo namo baiak dalam masarakaik; dek karano, jikok indak baitu, mako inyo ka di-ino urang, sa-inggo jatuah masuak parangkok Ubi-lih. 8Pambantu jamaat musti pulolah urang nan elok, sarato nan tuluih ati; indak cangok jo pitih, sarato indak suko talampau banyak minun ang-gur. 9Inyo tu musti bapacik arek, jo ati ketek nan barasiah kabake ajaran kayakinan Kristen, nan lah dinyato-kan dek Allah. 10Andaknyo urang-urang tu di-uji dulu, nan jikok tanyato inyo tu indak bacacek, barulah inyo tu buliah mambantu di dalam jama-at. 11Urang rumah inyo tu pun, musti pulolah urang nan elok, sarato indak doh urang nan suko mambuwek ga-suih-gasuih. Inyo tu musti tawu ma-nahan diri, sarato luruih ati dalam sagalo parkaro. 12Pambantu jama-at, musti hanyo mampunyoi bini so-rang. Inyo musti tawu ma-atur anak-anaknyo, sarato jo rumah tanggonyo jo sacaro nan elok. 13Urang-urang nan mambantu jo sacaro nan elok di dalam jamaat, inyo ka di-aromaik-i urang, sarato manjadi samakin bara-ni mangecek, tantang parkaro iman inyo tu kabake Isa Almasih. 14Ambo ma-arokkan, indak lamo lai ambo ka mangunjuangi angkau. Biya-pun baitu, nan ambo mambuwek surek juwo kabake angkau, 15supayo, jikok ambo talambek, angkau lah tawu baa samustinyo iduik kito sabagai kaluarga Allah, iyolah jamaat Allah nan iduik. Jamaat ko lah nan marupokan tunggak panupang, sarato pandukuang ajaran nan bana dari Allah. 16Indak surang ju-wo doh urang nan bisa mambantah, ba-ralah ka dalamnyo rasiyo ugamo kito: Baliau manampakkan diri dalam rupo manusia, sarato dinyatokan bana dek Roh Allah, sarato diliyek dek malekaik-malekaik. Dibaritokan di antaro banso-banso, nan Baliau dipicayo-i di kaciyek-annyo muko bumi, sarato di-angkek ka sarugo.

will be added

X\