1 TESALONIKA 4

1Akienyo sudaro-sudaro, kami lah mambarikan tuladan kabake ang-kau, tantang baa caro angkau musti iduik untuak manyanangkan ati Allah. Batua angkau iyo lah iduik bakcando itu. Tapi, kiniko dek kuwaso Tuhan Isa Almasih, kami sabana mamintak ka-bake angkau, sarato mandasak, supa-yo angkau labiah ba-usawo lai dalam parkaro itu! 2Dek karano, angkau lah mangatawui sagalo pitunjuak nan lah kami barikan kabake angkau dek ku-waso Tuhan Isa Almasih. 3Ikolah ka-handak Allah: Supayo angkau iduik sa-ngajo hanyo untuak Baliau, iduik suci, manjauahi sagalo pabuatan nan cabua. 4Satiyok laki-laki di antaro angkau, musti tawu baa caro iduik jo bininyo, jo sacaro nan manyanangkan ati Allah, sarato jo manusia. 5Jan iduik mam-paturuikkan awa napasu taradok bi-ni angkau, bakcando nan dipabuwek dek urang-urang nan indak ba Tuhan Allah. 6Dalam parkaro nan bakcando itu, janlah ado surang pun juwo nan babuwek salah kabake sudaronyo, atau pun nan mangicuahnyo. Dulu kami lah mamparingekkan sangaik kabake angkau, baraso Tuhan ka ma-ukun urang-urang nan mampabuwek kasalahan nan bak-cando itu. 7Allah mamanggie kito, indak doh untuak iduik cabua, tapi, supayo kito iduik jo caro nan manya-nangkan ati Baliau. 8Urang nan manu-lak pangajaran ko, inyo indak doh ma-nulak pangajaran manusia, tapi, inyo manulak Allah nan mambarikan Roh Baliau nan suci kabake angkau. 9Indak paralu lai kami mambuwek surek kabake angkau, tantang baa ca-ronyo angkau musti mangasiahi su-daro-sudaro nan sa-iman. Angkau sandiri lah di-aja-i dek Allah untuak samo-samo mangasiahi. 10Nan par-karo iko lah angkau paliyekkan, ta-radok kasadonyo sudaro sa-iman di kaciyek-annyo wilayah Makedonia. Tapi sudaro-sudaro, kami sabana ma-mintak, supayo iduik angkau manja-di urang nan samakin elok andaknyo. 11Ba-usawolah iduik jo sacaro nan tanang, sarato indak mancikarauwi urusan urang lain. Andaklah angkau bakarajo mancari napakah untuak iduik, bakcando nan dulu lah kami parentahkan kabake angkau. 12Jikok angkau iduik bakcando itu, mako, angkau indak bagantuang kabake si-apo pun juwo, sainggo urang-urang nan indak picayo kabake Isa Almasih, ka bi ma-aromaik-i angkau. 13Oih sudaro-sudaro, kami niyo su-payo angkau bi mangatawui nan saba-nanyo, tantang parkaro urang-urang nan lah bi maningga; supayo ang-kau indak bi basadiah ati, bakcando urang-urang lain nan indak bi mam-punyoi arapan. 14Kito picayo, baraso Isa Almasih lah mati, sarato lah iduik baliak. Itu sabauknyo mangko kito pi-cayo pulo, baraso Allah ka ma-iduik-kan pulo baliak, kasadonyo urang nan lah bi mati, nan layi bi ba-iman kaba-ke Isa Almasih, supayo urang-urang tu iduik samo-samo jo Baliau. 15Tantang parkaro itu, ikolah aja-ran Tuhan nan niyo kami sampaikan kabake angkau: Pado wakatu Tuhan Isa Almasih tibo isuak, kito nan la-yi iduik juwo lai kutiko itu, indak ka mandawului urang-urang nan lah bi maningga labiah dulu. 16Isuak, male-kaik basa ka ba-imbau jo suwaro nan kuwaik, mako, sangkokalo Allah di-ambuih sabagai tando parentah. Su-dah tu, Tuhan Isa Almasih sandiri ka turun dari sarugo, mako, urang-urang Kristen nan lah bi maningga, ka di-iduikkan baliak talabiah dulu. 17Sasu-dah tu, kito nan layi iduik juwo lai di kutiko itu, ka samo-samo di-angkek jo urang-urang tu masuak awan-awan, untuak batamu jo Tuhan di awang-awang. Sudah tu, kito ka manatauk tingga jo Tuhan untuak salamo-lamo-nyo. 18Dek karano itu, andaklah ang-kau mampagunokan kato-kato ko, un-tuak samo-samo manguwaikkan ati.

will be added

X\