1 TESALONIKA 2

1Oih sudaro-sudaro! Angkau san-diri bi tawu, baraso indak tabu-wang siyo-siyo sajo doh kadatangan kami kabake angkau. 2Angkau bi ta-wu, baraso sabalun kami datang ka-bake angkau di Tesalonika, kami lah di-aniayo, sarato lah di-ino di Fili-pi. Tapi, biyapun banyak urang nan malawan kami, nan Allah kito lah mambarikan kabaranian kabake ka-mi, untuak mambaritokan Injil nan barasa dari Baliau kabake angkau. 3Kami ma-ajak angkau, indak doh dari niyaik nan kaliru; atau jo mu-kasuik nan indak barasiah, atau un-tuak ka mangicuah. 4Indak doh nan baitu! Kami mangecek indak untuak ka manyanangkan ati urang doh, ta-pi, untuak manyanangkan ati Allah, nan ma-uji ati kami. Dek karano, ka-mi di-anggauk patuik dek Allah un-tuak mambaritokan Injil tu. 5Angkau sandiri bi tawu, baraso indak panah doh kami bamuluik manih, atau ma-ngicuah angkau, untuak mangalim-buni mukasuik-mukasuik kami nan cangok. Allah sandirilah sasinyo! 6Kami indak ba-usawo pulo doh, un-tuak mandapek pujian dari manu-sia — biya dari angkau, atau pun dari urang lain. Sabananyo sabagai rasul Isa Almasih, kami buliah sajo manun-tuik sasuatu dari angkau. 7Tapi, kami basikauk lamah lambuik kutiko ba-rado di tangah-tangah angkau, nan bak ibaraik surang mandeh nan ma-ngasuah anak-anaknyo. 8Dek karano kasiah sayang kami, kami basadiyo mambarikan kabake angkau, indak doh hanyo Injil nan dari Allah tu sa-jo, tapi, iduik kami pun kami bari-kan pulo. Dek karano, kami sangaik mangasiahi angkau! 9Tantu layi ta-kana juwo lai dek angkau, baa bana ka gigiahnyo kami ba-usawo, sarato jo bajuwang. Siang malam kami ba-karajo, supayo kami indak manjadi baban dek siapo pun juwo di anta-ro angkau, di kutiko kami mamba-ritokan Injil nan dari Allah tu kaba-ke angkau. 10Kami iduik jo sacaro nan suci, sa-rato jo nan bana, sarato indak baca-cek taradok angkau nan lah bi pica-yo kabake Isa Almasih. Allah sarato jo angkaulah, nan manjadi sasi-sasi kami. 11Angkau bi tawu, baa bana kami lah manjadi bakcando surang apak taradok anak-anaknyo, kabake satiyok-tiyok angkau. 12Kami mana-siyaik-i angkau, kami mambari do-rongan kabake angkau, sarato kami mandasak angkau, supayo iduik ma-nuruik ka-inginan Allah, sainggo ma-nyanangkan ati Baliau. Dek karano, Allah lah mamanggie angkau, untuak masuak Karajaan, sarato jo kamuli-yaan Baliau. 13Ado lai suatu parkaro nan lain, nan mambuwek kami tatauk basyu-kur kabake Allah. Nan kami muka-suikkan iyolah, baraso pado wakatu kami manyampaikan kato-kato Allah kabake angkau, nan angkau layi na-muah mandanga, sarato manarimo kato-kato tu, indak doh sabagai ba-rito nan dari manusia, tapi, sabagai barito nan batua-batua dari Allah. Baliau-lah nan sadang bakarajo da-lam diri angkau nan ba-iman kaba-ke Isa Almasih. 14Oih sudaro-sudaro, masalah nan angkau alami, lah di-alami pulo dek jamaat-jamaat Allah nan di Yudea, nan manjadi miliak Isa Almasih. Angkau mangalami kasan-saroan dari piyak banso angkau san-diri, samo jo bakcando nan di-alami dek jamaat-jamaat Allah nan di Yu-dea tu, dari piyak urang-urang Ya-hudi. 15Urang-urang tu nan mam-bunuah Tuhan Isa Almasih, sarato jo nabi-nabi, sarato nan ma-aniayo ka-mi. Inyo tu bi mamusuahi kasado-nyo urang, nan Allah sabana indak suko doh kabake inyo tu. 16Malah-an inyo tu bi ma-ambek-ambek kami untuak mambaritokan Injil kabake banso-banso nan indak urang Yahu-di, iyolah barito nan dapek manyalamaikkan sagalo banso tu. Jo caro nan baitu, urang-urang Yahudi tu ta-ruih manaruih manambah doso inyo tu, sampai ganok bilangannyo. Nan kiniko inyo tu, akienyo ditimpo dek bangih Allah! 17Tapi sudaro-sudaro, sajak kami tapisah samantaro wakatu dari ang-kau — jauah dimato, tapi dakek di ati — kami samakin taragak kabake angkau, sarato ba-usawo sungguah-sungguah supayo batamu baliak jo angkau! 18Kami baniyaik payi ma-ngunjuangi angkau; nan ambo lah mancubonyo sakali, duwo kali, tapi, Ubilih ma-alangi kami. 19Sungguah, angkaulah arapan kami, sarato jo su-kocito kami, sarato jo mangkuto ka-banggaan kami. Dek karano, jikok isuak Tuhan Isa Almasih datang, nan kito ka bi mangadauk Baliau, mako, angkaulah nan ka manjadi kabang-gaan kami! 20Batua, angkaulah ka-banggaan kami, sarato jo sukocito kami!

will be added

X\