1 PETRUS 5

1Ambo mintak paratian kasado-nyo pamimpin jamaat angkau. Ambo mambuwek surek ko sabagai kito nan samo-samo pamimpin, sara-to sabagai urang nan lah mancaliak sandiri kasansaroan Isa Almasih, sara-to nan ka sato pulo dimuliekan, jikok kamuliyaan Isa Almasih dipaliyekkan kabake manusia. Ambo sabana ma-mintak, 2supayo angkau bi manggu-balokan kawanan domba, nan lah di-sarahkan dek Allah kabake angkau. Jo sanang atilah manggubalokan inyo tu, sasuwai jo nan di-inginkan dek Allah, sarato janlah dek karano tapaso. Jan pulolah manggubalokan tu, dek karano niyo mandapek nan ka labo, tapi, bakarajolah dek karano angkau sabana-bana niyo malayani. 3Janlah batindak sabagai panguwa-so, taradok urang-urang nan dipica-yokan kabake angkau, tapi, manja-di tuladanlah taradok inyo tu. 4Pado wakatu Panggubalo Nan Basa tu tibo isuak, angkau ka manarimo mangku-to nan gumilang, nan indak ka puda doh kagumilangannyo. 5Baitu pulo angkau urang-urang mudo. Bi tunduaklah kabake urang-urang nan tuwo. Angkau kasadonyo musti bi marandahkan diri, sarato jo sacaro randah ati, samo-samo mala-yani. Dek karano, di Alkitauk tatu-lih bakcando iko, ”Allah manantang urang nan uju, tapi, maraso ibo ka-bake urang nan randah ati.” 6Dek ka-rano itu, randahkanlah diri angkau di bawah tangan Allah nan kuwaik, supayo Baliau manenggikan ang-kau, jikok lah tibo wakatunyo. 7Sa-rahkanlah sagalo kakuwatiran ang-kau kabake Allah, dek karano, Baliau mampadulikan angkau. 8Andaklah angkau bajago-jago, sa-rato siyauk sadiyo! Dek karano, Ubi-lih adolah musuah angkau. Inyo iba-raik bakcando singo, nan bajalan kian kumari, sambia mangawun mancari nan ka dimakannyo. 9Lawanlah inyo jo iman nan kuwaik, dek karano angkau tawu, baraso sudaro-sudaro kito, nan sasamo Kristen lainnyo di ateh dunia ko, bi manangguangkan sansa-ro bakcando angkau pulo. 10Tapi, sa-sudah angkau sansaro agak sabanta, Allah sandiri nan ka mambuwek ang-kau manjadi samparono. Baliau ka managakkan, sarato ka manguwaik-kan angkau, sarato jo ka mangokoh-kan angkau. Dek karano, Baliau ado-lah Allah nan sangaik elok ati, nan lah mamanggie angkau, untuak sa-to marasokan kamuliyaan Baliau nan kaka, malalui Isa Almasih. 11Baliau-lah nan bakuwaso sampai salamo-la-monyo! Amin! 12Surek ambo nan singkek ko, am-bo buwek kabake angkau dek bantuan Silas, nan ambo anggauk sabagai surang sudaro Kristen nan tuluih ati. Ambo niyo mambari nasiyaik, sara-to jo mayakinkan angkau, baraso apo nan ambo surekkan ko, adolah barito nan bana tantang rahmaik Allah. An-daklah angkau bapacik arek kabake rahmaik tu. 13Kanti-kanti nan sajamaat di Babi-lon, nan lah dipiliah pulo dek Allah, ba-kirin salam kabake angkau; baitu pulo anak ambo Markus nan sangaik dika-siahi. 14Basalam-salamanlah angkau kasadonyo, jo sacaro nan panuah ka-siah, sabagai sudaro nan samo-samo Kristen. Mudah-mudahan, Tuhan mamba-ri tanang santoso, kabake angkau ka-sadonyo nan manjadi miliak Isa Al-masih.

will be added

X\