1 PETRUS 4

1Dek karano Isa Almasih lah ma-nangguang sansaro sacaro jo tu-buah, angkau musti pulo mampaku-waik diri jo pandirian nan bakcando itu. Dek karano, urang nan manang-guang sansaro sacaro jo tubuah, in-dak lai babuwek doso. 2Dek karano itu, untuak salanjuiknyo, andaklah iduik angkau di dunia ko manuruik ka-inginan Allah, sarato indak doh manuruik ka-inginan manusia. 3Pado maso nan lapeh, angkau lah cukuik lamo mampabuwek, apo nan suko di-pabuwek dek urang-urang nan indak tawu jo Tuhan. Caro iduik angkau tu indak elok. Angkau bi mampaturuik-kan awa napasu, mabuak-mabuak, baralek indak bakatantuan, minun-minunan kareh, sarato jo manyam-bah barhalo nan manjajokkan. 4Kini-ko urang nan indak tawu jo Tuhan tu bi tacangang, dek karano, angkau in-dak sato lai ma-ikuik-i caro iduik inyo tu, nan bi marasokan lamak doso nan bakalalaran. Itulah sabauknyo, inyo tu bi ma-ino angkau. 5Tapi, inyo tu isuak musti bi mampatangguang jawaukkan kabake Allah, nan lah si-yauk sadiyo untuak ma-adieli urang nan iduik, sarato jo urang nan mati. 6Itulah sabauknyo, Injil tu lah diba-ritokan pulo kabake urang-urang nan lah mati. Mukasuiknyo supayo inyo tu, nan lah di-adieli sacaro jo tubuah — bakcando jo kasadonyo urang ka di-adieli — andaknyo dapek iduik jo sacaro rohani, manuruik kahandak Allah. 7Kasudahan sagalo sasuatu lah da-kek, dek karano itu, andaklah angkau bi manguwasoi diri, sarato bajago-ja-go, supayo angkau dapek badowa. 8Tapi nan paliang paralu, andaklah angkau sabana-bana bi mangasiahi sasamo angkau, dek karano, jo saca-ro samo-samo mangasiahi, angkau ka basadiyo pulo untuak samo-samo ma-maohkan. 9Andaklah angkau samo-samo mambawok tompang di rumah angkau, jo sacaro sanang ati. 10Sati-yok-tiyok angkau, lah bi manarimo pambarian-pambarian nan balain-la-in dari Allah. Dek karano itu, saba-gai panguruih nan baiak dari sagalo pambarian Allah tu, andaklah ang-kau mampagunokan kamampuan tu untuak kaparaluan basamo. 11Urang nan manyampaikan barito, mustilah manyampaikan barito nan dari Allah; urang nan malayani urang lain, mus-tilah malayani jo kakuatan nan dari Allah, supayo dalam sagalo parkaro, Allah dapek dimuliekan malalui Isa Almasih. Baliau-lah nan bakuwaso, sarato nan patuik dimuliekan untuak salamo-lamonyo. Amin! 12Oih sudaro-sudaro nan ambo ka-siahi! Angkau kiniko sangaik sansaro, dek karano sadang di-uji. Tapi, jan-lah maraso eran, sa-olah-olah ado sasuatu nan luwa biaso tajadi taradok angkau. 13Tapi sabaliaknyo, andak-lah angkau basukocito, dek karano, sato manangguang sansaro samo-sa-mo jo Isa Almasih. Mako, isuak jikok kamuliyaan Isa Almasih dipaliyek-kan, angkau ka bi basukocito. 14Bi basukocitolah angkau, jikok angkau di-ino, dek karano angkau pangikuik Isa Almasih. Itu ba-arati Roh nan mulie, iyolah Roh Allah, ado di di-ri angkau. 15Janlah ado surang pun juwo di antaro angkau, nan manang-guangkan sansaro, dek karano inyo mambunuah urang, atau mancilok, atau mampabuwek nan jahek, atau dek karano inyo mancikarauwi uru-san urang lain. 16Tapi, jikok angkau manangguangkan sansaro, dek kara-no angkau urang Kristen, janlah ma-lu dek karano parkaro itu. Basyukur-lah kabake Allah, dek karano angkau mambawok namo Isa Almasih. 17Lah tibo masonyo Allah ka ma-adieli dunia. Mako, umaik Allah san-dirilah, nan ka di-adieli talabiah du-lu. Nan jikok Allah ka mamuloi dari kito, baa lah jadinyo isuak, jo urang-urang nan indak bi picayo kabake In-jil nan dari Allah tu? 18Di Alkitauk ta-tulih bakcando iko, ”Jikok urang-urang nan elok pun lah sulik untuak disalamaikkan, apo pulo nan ka tajadi, taradok urang-urang nan badoso, nan indak tawu jo Tuhan!” 19Dek karano itu, jikok ado urang-urang nan manangguangkan sansaro, dek karano Allah ma-inginkan nan bakcando itu, mako, andaklah urang-urang tu iduik jo sacaro nan bana, sarato mampicayokan diri kabake Ba-liau Nan Manjadikan inyo tu. Baliau ka tatauk manapek-i janji Baliau.

will be added

X\