1 PETRUS 3

1Baitu pulo sudaro-sudaro nan manjadi bini, musti bi tunduak kabake junjuangannyo, supayo jikok di antaro inyo tu, ado nan indak pica-yo kabake barito nan dari Allah, ma-ko, jo tingkah laku angkau nan elok, dapek mambuwek inyo tu bi manjadi picayo. Sarato indak sabuwah alah ju-wo lai nan paralu angkau katokan ka-bake inyo tu, 2dek karano, inyo tu lah maliyek tingkah laku angkau nan suci sarato nan saliah. 3Pariyasan angkau janlah pariyasan nan di luwa, kok mi-sanyo mamparancak potongan ram-buik, atau mamakai pariyasan ameh, atau manganakkan pakaian nan ma-ha-maha. 4Tapi sabaliaknyo, andak-lah roman rancak angkau tu timbua dari dalam batin, tingkah laku nan lamah lambuik, sarato nan suko pa-anok; itulah roman rancak nan kaka, nan sangaik ba-arago manuruik pan-dangan Allah. 5Jo caro ikolah pado jaman sa-isuak, urang-urang padusi nan saliah, nan ba-arok kabake Allah, mamparancak diri jo sacaro tunduak kabake junjuangan inyo. 6Nan Sarah pun baitu pulo, inyo patuah kabake Ibrahim, sarato manyabuik Ibrahim tu, tuannyo. Angkau nan kiniko, ado-lah anak-anak Sarah, jikok angkau layi bi mampabuwek sagalo parkaro nan elok, sarato nan indak takuik ka-bake apo pun juwo. 7Baitu pulo, angkau nan bi manjadi junjuangan, andaklah iduik bijaksano taradok bini angkau, sarato musti bi manyadari, baraso inyo tu adolah ka-um nan lamah. Pabuweklah inyo tu jo sacaro nan aromaik, dek karano, inyo tu samo-samo jo angkau, ka bi mana-rimo pambarian iduik sajati nan da-ri Allah. Karajokanlah kasadonyo tu, supayo indak ado nan ma-ambek do-wa angkau. 8Kasimpualannyo iyolah: andaklah angkau bi saiyo sakato, sarato sapa-rasaan. Andaklah angkau kasiah ma-ngasiahi, bakcando urang nan ba-dunsanak. Sarato andaklah angkau samo-samo bi maraso ibo, sarato ba-sikauk randah ati. 9Janlah mambaleh nan jahek jo nan jahek, atau mam-baleh cacek jo mancacek; tapi saba-liaknyo, balehlah jo mamintak ba-rakaik dari Allah. Dek karano, Allah mamanggie angkau, supayo ang-kau manarimo barakaik dari Baliau. 10Di Alkitauk tatulih bakcando iko, ”Urang nan niyo marasokan lamak iduik, sarato niyo mangalami maso-maso nan elok, musti manjago muluiknyo, supayo indak mampakecekkan sagalo parkaro nan jahek, sarato indak mangatokan sagalo parkaro nan duto. 11Inyo musti manjauahi nan jahek, sarato mampabuwek nan elok; andaklah inyo bajuwang ba-sungguah-sungguah, untuak mandapekkan padamaian. 12Dek karano, Tuhan taruih mamparatikan urang-urang nan ma-ikuik-i ka-inginan Baliau, sarato Tuhan taruih mandanga dowa-dowa inyo tu; tapi, Tuhan manantang urang-urang nan mampabuwek karajo nan jahek.” 13Siyakoh urang nan niyo babu-wek jahek kabake angkau, jikok ang-kau suko mampabuwek nan elok? 14Tapi, biyapun angkau musti ma-nangguangkan sansaro, dek kara-no mampabuwek sagalo parkaro nan elok, nan angkau ka basukoci-to! Janlah takuik kabake siapo pun juwo, sarato janlah kuwatir. 15Tapi, di dalam ati angkau, andaklah ang-kau mambarikan kabake Isa Almasih raso aromaik nan tasandiri, nan sa-suwai jo kaduduakkan Baliau saba-gai Tuhan. Sarato andaklah angkau tatauk siyauk sadiyo, untuak manja-wauk kabake satiyok urang nan bata-nyo, tantang parkaro arapan nan ang-kau miliak-i. 16Tapi, manjawauknyo tu jo sacaro nan lamah lambuik, sara-to jo aromaik. Sarato andaklah ati ke-tek angkau tu barasiah, supayo jikok angkau dipitanah, dek karano ang-kau iduik jo sacaro nan elok sabagai pangikuik Isa Almasih, mako, urang nan mampitanah tu ka manjadi malu sandiri. 17Labiah elok manangguang sansaro dek karano babuwek baiak — jikok itu adolah ka-inginan Allah — da-ripado manangguang sansaro dek ka-rano mampabuwek nan jahek. 18Dek karano, Isa Almasih sandiri mati ha-nyo sakali sajo, untuak salamo-lamo-nyo, dek karano di doso-doso kito — Surang Urang nan indak badoso, mati untuak urang-urang nan badoso. Isa Almasih mampabuwek nan baitu, su-payo Baliau dapek mambimbiang ki-to kabake Allah. Dalam ka-adaan sa-bagai manusia Baliau lah dibunuah, tapi, lah di-iduikkan baliak manu-ruik Roh. 19Dalam ka-adaan Roh, Ba-liau payi mangabakan barito nan dari Allah, kabake roh-roh nan dipinjaro-kan: 20iyolah roh urang-urang nan indak bi patuah kabake Allah, pado jaman Nuh. Pado wakatu itu, Allah saba manunggu, salamo Nuh mam-buwek kapanyo. Hanyo urang-urang nan ado di kapa tu sajo — kasadonyo ado salapan urang — nan disalamaik-kan di kutiko ayie gadang nan malim-bak tu. 21Nan kajadian tu marupokan kiyasan dari pamandian, nan kiniko manyalamaikkan angkau. Pamandian ko indak doh suatu upacara untuak mambarasiahkan tubuah, dari saga-lo nan kumuah-kumuah, tapi, maru-pokan janji angkau kabake Allah, da-ri ati ketek nan barasiah. Pamandian tu manyalamaikkan angkau, dek ka-rano, Isa Almasih lah iduik baliak da-ri kamatian, 22sarato lah nayiak ka sarugo. Kiniko Baliau bakuwaso sa-mo-samo jo Allah, sarato mamaren-tahi kasadonyo malekaik, kasadonyo panguwaso, sarato jo kasadonyo ka-kuatan.

will be added

X\