1 PETRUS 1

1- 2Oih sudaro-sudaro, umaik piliahan Allah, nan tasebar di parantauan di daerah Pontus, Ga-latia, Kapadokia, Asia, sarato jo Bitinia! Ambo, Petrus, rasul Isa Almasih, ma-arokkan, mudah-mu-dahan Allah mambari barakaik, sarato jo tanang santoso kabake angkau jo sacaro nan balimpah ruwah. Angkau dipiliah manjadi umaik Allah, sasuwai jo rancana Allah Bapak. Nan Roh Allah, lah manja-dikan angkau umaik nan suci, nan disangajokan untuak Allah, supa-yo angkau bi patuah kabake Isa Almasih, sarato disucikan dek da-rah Baliau. 3Molah kito basyukur kabake Allah, Bapak Tuhan kito Isa Almasih! Baliau sangaik maraso ibo kabake kito, itu sabauknyo Baliau mam-barikan kabake kito iduik nan baru, jo sacaro ma-iduikkan Isa Almasih baliak dari kamatian. Iko-lah nan mambari kito arapan nan kokoh. 4Kito ma-arokkan untuak mandapekkan barakaik-barakaik, nan disadiyokan dek Allah untuak umaik-Nyo, iyolah barakaik-bara-kaik nan Baliau simpan di sarugo, sainggo indak dapek binaso, atau bacacek, atau pun luruah. 5Kasa-donyo tu adolah untuak angkau, dek karano, angkau bi ba-iman ka-bake Allah. Mako, angkau dijago jo kuwaso Allah, supayo angkau bi manarimo kasalamaiktan, nan lah siyauk ka dinyatokan isuak di akie jaman. 6Dek karano itu, andaklah angkau bi basukocito, biyapun kiniko untuak samantaro wakatu, angkau musti bi ba-ibo ati, dek karano angkau bi ma-ngalami babagai-bagai cobaan. 7Tu-juannyo iyolah untuak mambuktikan, apokoh angkau iyo layi sabana-ba-na ba-iman kabake Tuhan, atau in-dak. Ameh nan bisa rusak pun, di-uji jo api. Sadangkan iman angkau tu labiah ba-arago daripado ameh, ja-di, musti di-uji pulo, supayo batam-bah kuwaik. Jo caro nan baitu, ang-kau ka dipuji, sarato ka di-aromaik-i, sarato ka ditenggikan, di ari Isa Almasih tibo isuak. 8Angkau bi ma-ngasiahi Baliau, biyapun dulu angkau indak bi maliyek Baliau. Nan angkau pun bi ba-iman kabake Baliau, biya-pun kiniko angkau indak bi maliyek Baliau. Itu sabauknyo angkau bi ba-gadang ati, sarato bi marasokan suko-cito nan mulie, sarato nan indak ta-katokan. 9Dek karano, tujuan iman angkau lah bi tacapai, iyolah kasala-maiktan jiwa angkau. 10Kasalamaiktan ikolah nan ditali-ti, sarato nan di salidiak-i dek nabi-nabi, nan inyo tu lah bi manubuwaik-kan, tantang barakaik nan dibarikan dek Allah kabake angkau. 11Inyo tu bi manyalidiak-i, baa caro, sarato pa-bilo sagalo sasuatunyo tu ka taja-di, nan dimukasuikkan dek Roh Isa Almasih, nan ado di dalam diri inyo tu. Pado kutiko itu, Roh Baliau manu-buwaikkan kabake nabi-nabi tu, tan-tang sagalo kasansaroan nan musti ditangguangkan dek Isa Almasih, sa-rato tantang kamuliyaan Baliau, nan ka ma-iriang sasudah itu. 12Kabake nabi-nabi tu Allah ma-agiah tawu, baraso apo nan inyo pabuwek tu, in-dak doh untuak kaparaluan inyo tu, tapi, untuak kaparaluan angkau, iyo-lah sagalo parkaro nan kiniko ang-kau danga jo sacaro nan jaleh, dari urang-urang nan mambaritokan Injil tantang Isa Almasih. Inyo tu bi ma-nyampaikan sagalo parkaro tu kaba-ke angkau, jo kuwaso Roh Allah, nan dikirin dek Allah dari sarugo. Malah-an malekaik-malekaik pun niyo pulo nak mangatawui, kaba nan dibarito-kan dek urang-urang tu. 13Dek karano itu, andaklah ang-kau bi basiyauk-sadiyo. Ingek-ingek-lah, sarato ba-aroklah sapanuahnyo, kabake barakaik nan ka dibarikan kabake angkau, pado wakatu Isa Almasih tibo isuak. 14Patuahlah ka-bake Allah, sarato janlah iduik ma-nuruik ka-inginan angkau nan dulu, pado wakatu angkau alun lai tawu jo Allah. 15Tapi sabaliaknyo, andaklah angkau bi suci dalam sagalo sasuatu nan angkau pabuwek, samo jo bak-cando Allah nan mamanggie angkau tu adolah suci. 16Di Alkitauk ado ta-tulih, ”Andaklah angkau suci, dek ka-rano Waden suci.” 17Angkau bi manyabuik Allah tu Bapak, pado wakatu angkau bi bado-wa kabake Baliau. Mako, Allah tu lah nan ka ma-adieli manusia, sabandiang jo apo nan lah dipabuwek dek sati-yok-tiyok inyo tu, jo sacaro nan indak mampalain-lainkan. Dek karano itu, salamo angkau layi bi iduik juwo lai di dunia ko, andaklah angkau bi ma-muliekan Allah dalam iduik angkau. 18Angkau bi tawu, baraso jo apo ang-kau lah ditabuih, untuak malapehkan angkau dari iduik angkau nan indak ba-arati, nan diwarihkan dek niniak muyang angkau. Bayierannyo indak doh sasuatu nan bisa binaso, bakcan-do perak atau ameh, 19tapi, jo sasuatu nan sangaik ba-arago; iyolah jo darah Isa Almasih sandiri, nan lah manjadi sabagai domba nan dikaro-bankan kabake Allah, iyolah karoban nan indak bacacek atau baceta. 20Isa Almasih dipiliah dek Allah sajak saba-lun dunia dijadikan. Sarato di maso-maso manjalang akie jaman ko, Ba-liau turun ka dunia, supayo angkau bi disalamaikkan. 21Malalui Baliau-lah angkau bi ba-iman kabake Allah, nan lah ma-iduikkan Baliau baliak dari kamatian, sarato mamuliekan Baliau. Jadi, Allah-lah nan angkau imani, sa-rato kabake Allah pulolah tampaik angkau bi ba-arok. 22Dek karano angkau layi bi patuah kabake ajaran nan dari Allah, mako, angkau bi mambarasiahkan diri, sa-rato bi tuluih mangasiahi sudaro-su-daro nan sa-iman. Dek karano itu, andaklah angkau samo-samo bi ma-ngasiahi jo sapanuah ati. 23Dek kara-no, malalui kato-kato Allah nan iduik, sarato nan kaka tu, angkau lah dija-dikan manusia baru, nan indak doh layie dari manusia, tapi, dari Bapak nan kaka. 24Di Alkitauk tatulih bak-cando iko, ”Kasadonyo umaik manusia ibaraik rumpuik, nan sagalo kamuliyaannyo nan bak bungo rumpuik. Rumpuik layua, nan bungonyo pun ruruik. 25Tapi, nan kato-kato Tuhan, tatauk untuak salamo-lamonyo.” Kato-kato Tuhan tu, adolah Injil nan lah dibaritokan kabake angkau.

will be added

X\