1 KORINTUS 8

1Kiniko tantang parkaro makanan, nan dibarikan sabagai pasambah-an kabake barhalo. Iyo batua bakcan-do kecek urang, ”Kasadonyo kito lah bi santiang.” Tapi, kasantiangan mam-buwek urang manjadi uju, sadangkan kasiah mambangun diri urang. 2Urang nan manyangko, baraso inyo banyak tawu, sabatuanyo alun mangatawui nan sadalam-dalamnyo. 3Tapi, urang nan sabana-bana mangasiahi Allah, inyo ka bakatawuan arek jo Allah. 4Tantang parkaro mamakan ma-kanan, nan lah dipasambahkan ka-bake barhalo, kito lah tawu, baraso barhalo manggambarkan sasuatu nan sabatuanyo indak ado. Nan kito lah tawu pulo, baraso Allah hanyo satu; indak ado doh nan lain. 5Batua, ba-nyak pulo, apo nan dinamokan de-wa, sarato jo tuhan; biya nan ado di langik, atau pun nan ado di muko bu-mi. 6Tapi, nan dek kito, Allah hanyo satu. Baliau adolah Bapak, nan manja-dikan sagalo sasuatu. Untuak Baliau-lah kito iduik. Baitu pulo Tuhan, ha-nyo surang pulo, iyolah Isa Almasih. Malalui Baliau sagalo sasuatu dijadi-kan, sarato dek karano di Baliau-lah mangkonyo kito iduik. 7Biyapun baitu, indak kasadonyo urang doh nan mangatawui tantang parkaro itu. Ado urang nan dulunyo biaso manyambah barhalo. Jadi, dek karano itu, sampai kiniko pun inyo tu marasokan juwo lai, baraso makanan nan lah dipasambahkan kabake bar-halo, adolah makanan barhalo. Mako, jikok inyo tu mamakan makanan tu, inyo tu bi maraso badoso; dek karano, kayakinan inyo tu alun kuwaik. 8Sa-bananyo, makanan indak doh mam-buwek ubuangan kito jo Allah batam-bah arek. Jikok kito makan makanan tu, kito indak mandapek ka-untuangan sabuwah alah juwo. Baitu pulo sa-baliaknyo, jikok kito indak mamakan makanan tu, kito pun indak rugi sa-buwah alah juwo. 9Tapi, ingek-ingeklah! Dek karano angkau buliah mampabuwek apo nan katuju. Jan sampai tajadi, dek kara-no di angkau, urang lain manjadi ba-doso - dek karano kayakinannyo nan alun kuwaik. 10Mukasuik ambo bak-cando iko: Santano angkau nan punyo kayakinan nan kuwaik, sadang duduak makan di kuil barhalo. Kamudian, ado surang urang nan manampak angkau duduak makan di sinan tu. Jikok kaya-kinan urang tu indak kuwaik, indak-koh itu ka mambuwek urang tu bara-ni pulo, mamakan makanan nan lah dipasambahkan kabake barhalo tu? 11Nan dek karano itu, mako kayakin-an angkau, mambuwek urang nan ka-yakinannyo indak kuwaik tu, manjadi sasek. Padohal Isa Almasih mati un-tuak urang tu pulo. 12Nan jikok angkau mampabuwek kasalahan nan bakcando itu, taradok sudaro-sudaro nan Kristen - ba-arati angkau marusak kayakinan urang-urang nan lamah - mako angkau badoso kabake Isa Almasih. 13Itulah sa-bauknyo, jikok makanan nan ka manya-baukkan sudaro ambo badoso, mako, ambo indak lai ka mamakan dagiang salamo-lamonyo. Jan sampai dek kara-no di ambo, sudaro ambo badoso.

will be added

X\