1 KORINTUS 7

1Kiniko ambo niyo nak mangecek, tantang parkaro nan angkau sa-buik dalam surek angkau. Jikok surang laki-laki indak babini, itu elok. 2Tapi, supayo jan tadayo untuak mampabu-wek sagalo parkaro nan indak patuik, mako, labiah elok satiyok urang la-ki-laki tu, babini, baitu pulo, satiyok urang padusi tu, balaki. 3Nan laki, musti mamanuahi kawajibannyo sa-bagai laki taradok bininyo, baitu pulo nan bini, musti mamanuahi kawa-jibannyo sabagai bini taradok lakinyo; satiyok-tiyok inyo musti mamanuahi kawajibannyo, taradok bini, atau laki-nyo. 4Nan bini, indak bakuwaso doh taradok tubuah inyo sandiri; nan ba-kuwaso taradok tubuah inyo, adolah lakinyo. Baitu pulo nan laki, indak ba-kuwaso doh taradok tubuah inyo sandi-ri; nan bakuwaso taradok tubuah inyo, adolah bininyo. 5Urang nan balaki bi-ni, janlah bajauahan. Buliah bajauah-an hanyo untuak samantaro wakatu, asakan kaduwo-duwonyo lah samu-pakaik. Jo caro nan baitu, satiyok-ti-yok inyo dapek badowa, sarato indak tagaduah. Tapi, kamudian mustilah angkau babawua baliak, samo-samo mandakek-i bakcando galiknyo urang balaki bini. Jikok indak baitu, tantu angkau bisa tapadayo dek bujuak ra-yu ubilih, dek karano, angkau indak kuwaik manahan napasu. 6Ambo mangatokan iko, indak doh sabagai parentah, tapi sabagai nasi-yaik. 7Sabananyo, ambo labiah suko jikok kasadonyo urang, namuah bak-cando ambo. Tapi, satiyok-tiyok urang lah manarimo pambarian nan tasan-diri dari Allah. Nan surang manari-mo pambarian nan bakcando iko, nan lainnyo, dapek pambarian nan bak-cando itu. 8Kabake urang-urang nan alun ba-rumah tanggo, sarato kabake urang-urang padusi nan marando, ikolah nasiyaik ambo: Labiah elok angkau tatauk iduik sandiri, bakcando am-bo. 9Tapi, jikok angkau indak dapek manahan napasu, andaklah angkau barumah tanggo. Dek karano, labiah elok angkau barumah tanggo, da-ripado angkau anguih dek napasu. 10Taradok urang-urang nan lah ba-rumah tanggo, ikolah parentah am-bo: (Sabananyo, indak doh ambo nan mambari parentah ko, tapi Tuhan.) Surang padusi nan lah balaki, janlah inyo maninggakan lakinyo. 11Tapi, jikok inyo lah maninggakan lakinyo, mako, inyo musti tatauk indak balaki, atau babaliak kabake lakinyo. Baitu pulo, surang laki indak buliah doh mancaraikan bininyo. 12Kabake urang-urang nan lainnyo, nasiyaik ambo iyolah: - iko nasiyaik ambo sandiri, indak doh dari Tuhan - jikok surang urang Kristen, lah ba-bini jo surang padusi nan indak pica-yo kabake Isa Almasih, tapi, nan bi-ninyo tu layi namuah untuak iduik babawua jo inyo, mako, urang tu in-dak buliah doh mancaraikan bininyo tu. 13Jikok surang padusi Kristen, lah balaki jo surang urang nan indak pi-cayo kabake Isa Almasih, tapi, nan lakinyo tu layi namuah untuak iduik babawua jo inyo, mako, inyo indak buliah doh maninggakan lakinyo tu. 14Dek karano, laki nan indak picayo tu, dipatuikkan untuak manjadi ang-gota umaik Allah, dek karano paka-winannyo jo bininyo nan lah manja-di miliak Allah. Baitu pulo, bini nan indak picayo tu, dipatuikkan untuak manjadi anggota umaik Allah, dek karano pakawinannyo jo lakinyo nan lah manjadi miliak Allah. Jikok indak baitu, tantu anak-anak inyo tu samo jo anak-anak gampang, padohal anak-anak tu di-anggauk sabagai anggota umaik Allah. 15Tapi, jikok urang nan indak picayo tu, mancaraikan bininyo nan Kristen, atau maninggakan laki-nyo nan Kristen, janlah inyo ditagah. Dalam parkaro iko, sudari atau suda-ro indak ta-ikek, dek karano, Allah niyo supayo angkau iduik saiyo sa-kato. 16Dek karano, angkau nan sa-bagai bini - nan lah ba-iman kabake Tuhan - dima pulo angkau ka dapek mangatawui, baraso angkau indak ka dapek, mambawok apak anak angkau tu kabake Tuhan? Baitu pulo, angkau nan sabagai laki, nan lah Kristen, di-ma pulo angkau ka dapek mangata-wui, baraso angkau indak ka dapek, mambawok urang rumah angkau ka-bake Tuhan? 17Andaklah satiyok-tiyok urang, ma-atur iduiknyo manuruik bimbiangan Tuhan, bakcando nan lah ditantukan dek Allah untuak inyo, pado waka-tu Allah mamanggie inyo untuak ba-iman kabake Baliau. Itulah paratua-ran nan ambo ajakan di tiyok-tiyok jamaat. 18Umpamonyo, jikok surang urang lah basunaik pado wakatu inyo manarimo panggielan Allah, mako, janlah urang tu ba-usawo nak ka ma-ilangkan tando-tando basunaik tu. Baitu pulo, jikok surang urang alun basunaik pado wakatu inyo manari-mo panggielan Allah, mako, jan pulo-lah urang tu mintak basunaik. 19Dek karano, ma-ikuik-i paratuaran basu-naik, atau indak basunaik, kaduwo-duwonyo indak baitulah paralu. Nan pantiang iyolah, mamatuahi sagalo parentah Allah. 20Andaklah satiyok urang, tatauk iduik dalam ka-adaan, bakcando kutiko inyo manarimo pang-gielan Allah. 21Jikok pado wakatu ang-kau dipanggie Allah, angkau adolah surang budak, mako, indak usahlah angkau seso pulo mamikiekan par-karo tu. Tapi, jikok isuak angkau da-pek kasampatan, untuak baranti jadi budak, mako, pagunokanlah kasam-patan tu. 22Dek karano, surang bu-dak nan lah ba-iman kabake Tuhan, adolah miliak Tuhan, nan lah marde-ka. Baitu pulo, surang urang mardeka nan lah ba-iman kabake Tuhan, ado-lah budak Isa Almasih. 23Angkau lah ditabuih dek Allah, sarato lah dibayie kontan. Dek karano itu, janlah ang-kau manyarahkan diri untuak manja-di budak manusia. 24Jadi, sudaro-su-daro, baa pun juwo ka-adaan angkau, pado wakatu dipanggie Allah, mako, andaklah angkau tatauk iduik bakcan-do itu, samo-samo jo Allah. 25Kiniko tantang parkaro urang nan alun bi barumah tanggo. Tantang par-karo itu, indak sabuwah alah juwo doh ambo manarimo parentah dari Tuhan. Tapi, sabagai urang nan dek karano rahmaik Tuhan, patuik dipi-cayo-i, ambo niyo nak mambarikan nasiyaik. 26Dek mancaliak sagalo kasusah-an, nan kiniko ado di adok-an kito, ambo raso labiah elok, jikok urang tatauk manjalani iduik bakcando ka-adaannyo nan kiniko. 27Jikok angkau lah babini, janlah ba-usawo pulo nak lapeh dari bini tu. Jikok angkau alun babini, indak usahlah mancari bini. 28Tapi, jikok angkau barumah tang-go, itu indak doh badoso. Baitu pulo, jikok surang anak gadih balaki, inyo indak doh badoso. Hanyo sajo, urang-urang nan barumah tanggo tu, ka ma-adok-i banyak kasusahan. Nan ambo niyo, angkau bi ta-inda dari sagalo kasusahan tu. 29Mukasuik ambo bakcando iko su-daro-sudaro: Kito indak lai mampunyoi banyak wakatu. Muloi dari kiniko, sa-tiyok urang nan lah babini, andaklah iduik sa-olah-olah inyo indak babini; 30urang nan manangih, iduik sa-olah-olah inyo indak ba-ibo ati; urang nan galak, sa-olah-olah inyo indak baga-dang ati; urang nan lah mambali, sa-olah-olah inyo indak mampunyoi sa-buwah alah juwo; 31baitu pulo, urang nan bi asik jo sagalo parkaro dunia, andaklah iduik sa-olah-olah inyo in-dak diseso, dek sagalo parkaro itu. Dek karano, indak ka lamo lai dunia ko, dalam ka-adaannyo nan kiniko, ka ilang lanyok! 32Ambo niyo, supayo angkau bi ta-inda dari kasusahan. Urang nan in-dak babini, pikierannyo bulek kaba-ke sagalo parkaro tantang Tuhan, dek karano, inyo niyo manyanangkan ati Tuhan. 33Tapi, urang nan lah babini, inyo ka banyak mamikiekan sagalo parkaro dunia, dek karano, inyo ni-yo manyanangkan ati bininyo; 34aki-baiknyo, paratian inyo lah tabagi-bagi. Surang padusi nan indak balaki, atau surang anak gadih, inyo ka banyak mamikiekan sagalo parkaro tantang Tuhan, dek karano, inyo niyo supa-yo jiwa sarato jo tubuahnyo, manja-di miliak Allah. Tapi, surang padusi nan lah balaki, pikierannyo tatuju ka-bake sagalo parkaro dunia, dek kara-no, inyo niyo manyanangkan ati laki-nyo. 35Kasadonyo ko ambo katokan, adolah untuak kabaiakkan angkau sandiri, indak doh untuak mukasuik managah iko, atau managah itu. Nan ambo inginkan hanyolah, supayo ang-kau mampabuwek nan bana, sarato jo nan patuik, sarato supayo angkau da-pek mambulekkan pikieran angkau kabake Tuhan. 36Jikok surang urang, maraso indak manjalankan nan sapatuiknyo taradok tunangannyo, jikok inyo indak dapek manahan napasunyo, sarato inyo ma-raso paralu mampabini anak gadih tu, mako, biyalah inyo mampabuwek apo nan inyo raso elok. Inyo indak badoso, jikok inyo tu bi kawin. 37Tapi, jikok surang urang lah mambuwek kaputus-an di dalam atinyo, baraso indak ka mampabini tunangannyo, nan kapu-tusannyo tu indak tapaso, mako, nan dipabuweknyo tu elok, asakan inyo la-yi kuwaik untuak mampabuweknyo. 38Jadi, labiah jalehnyo iyolah, urang nan barumah tanggo, inyo mampabu-wek nan elok, baitu pulo, urang nan indak barumah tanggo, inyo mampa-buwek nan labiah elok. 39Surang padusi nan lah barumah tanggo, inyo ta-ikek kabake lakinyo, hanyo salamo lakinyo layi iduik. Jikok lakinyo lah maningga, inyo buliah ba-laki jo siya nan katuju dek inyo; asa-kan urang nan ka lakinyo tu, layi nan sa-iman. 40Tapi, inyo ka labiah barun-tuang, jikok inyo indak lai barumah tanggo. Itu pandapek ambo sandiri, tapi ambo raso, apo nan ambo katokan ko adolah jo kuwaso Roh Allah.

will be added

X\