1 KORINTUS 5

1Sabananyo ambo lah mandapek kaba, baraso di antaro angkau ado karajo-karajo cabua nan bakalabiah-an: Ado di antaro angkau nan bajina jo mandeh tirinyo. Urang-urang nan indak ba Tuhan Allah pun, indak doh mampabuwek nan bakcando itu! 2Bi-yapun baitu, nan angkau bi tenggi ati juwo lai. Sabaliaknyo, angkau samus-tinyo bi sadiah ati andaknyo, sarato mangaluwakan dari antaro angkau, urang nan mampabuwek nan baitu. 3- 4Sacaro jo layie ambo jauah dari angkau, tapi, sacaro jo batin ambo barado di tangah-tangah angkau. Ja-di, ambo niyo batindak, sa-olah-olah ambo barado di antaro angkau, ’Ateh namo Tuhan Isa Almasih, ambo nyato-kan, baraso urang nan lah mampabu-wek karajo nan sangaik lato tu, musti di-ukun!” Jikok angkau bi bakumpua, anggauklah baraso ambo ado di ta-ngah-tangah angkau, sarato jo kuwa-so Tuhan kito Isa Almasih, 5angkau musti manyarahkan urang tu kabake Ubilih, supayo tubuah urang tu bina-so, sarato jo caro nan baitu rohnyo di-salamaikkan, pado wakatu Tuhan da-tang baliak. 6Indak patuik doh angkau basibon-dek. Mungkin angkau lah bi tawu pa-rumpamoan nan bakcando iko, ”Ragi nan saketek, mambuwek kasadonyo paduan tapuang manjadi kambang!” 7Buwanglah dulu ragi nan lamo tu, iyolah ragi doso, supayo angkau man-jadi ibaraik paduan tapuang nan ba-ru, barasiah dari ragi doso nan lamo, nan ambo tawu, baraso angkau iyo bakcando itu. Sabauk, Ari Rayo Pas-kah kito lah salasai, dek karano, Isa Almasih nan manjadi domba Paskah kito, lah dikarobankan. 8Jadi, molah kito marayokan alek kito tu, jo roti nan indak baragi, iyolah roti nan ma-lambangkan kasucian, sarato jo kasa-donyo nan manyanangkan ati Allah. Janlah kito marayokan alek Paskah tu, jo roti nan manganduang ragi nan lamo, iyolah ragi doso, sarato karajo nan jahek. 9Di dalam surek ambo nan dulu, am-bo lah ma-agiah tawu kabake angkau, supayo jan bagawua jo urang nan ca-bua. 10Nan ambo mukasuikkan indak doh urang nan cabua, atau nan cangok, atau nan pangicuah, atau panyambah barhalo, atau urang nan indak ba Tuhan Allah. Indak! Indak inyo tu doh nan ambo mukasuikkan; dek karano, jikok angkau musti manjauahi inyo tu, ma-ko, angkau musti kaluwa dari dunia ko. 11Mukasuik ambo iyolah, angkau jan bagawua jo urang nan mangaku diri-nyo urang Kristen, tapi, urang tu cabua, atau cangok, atau panyambah barha-lo, atau suko mamburuak-buruakkan urang lain, atau pamabuak, atau pun pancilok. Duduak makan jo urang tu sajo pun, janlah angkau namuah! 12- 13Batua, ma-adieli urang-urang nan indak urang Kristen, indak doh urusan ambo. Allah sandirilah nan ka ma-adieli inyo tu. Tapi, tantang par-karo anggota-anggota jamaat angkau, indakkoh angkau sandiri nan mus-ti ma-adieli inyo tu? Di Alkitauk ado tatulih, ”Usielah urang nan jahek da-ri antaro angkau.”

will be added

X\