1 KORINTUS 3

1Oih sudaro-sudaro, sabananyo ambo indak dapek doh mange-cek jo angkau, bakcando mangecek jo urang nan mampunyoi Roh Allah. Ambo hanyo dapek mangecek jo ang-kau, bakcando mangecek jo urang nan iduiknyo, mampaturuikkan juwo lai ka-inginan dunia; bakcando mange-cek jo urang nan ibaraik paja ketek juwo lai, dalam imannyo kabake Isa Almasih. 2Dawulu ambo hanyo mam-barikan kabake angkau makanan paja ketek, indak doh makanan urang nan lah gadang; dek karano angkau alun baitulah kuwaik untuak itu. Tapi, sam-pai kiniko, nyatonyo angkau alun ju-wo lai kuwaik untuak itu, 3dek kara-no, angkau iduik manuruik tabiyaik manusia duniawi juwo lai. Nan jikok angkau bi pambingik, sarato bacakak sasamo angkau, indakkoh itu manan-dokan, baraso angkau iduik manuruik tabiyaik manusia duniawi juwo lai, sa-mo jo urang-urang nan indak ba Tuhan Allah? 4Jikok ado nan bakato, ”Kami ikuik Paulus, ” nan lain bakato, ”Ambo ikuik Apolos, ” indakkoh itu manando-kan, baraso angkau bakalakuan bak-cando urang-urang duniawi? 5Sabananyo siyakoh Apolos tu? Sa-rato siyakoh Paulus? Kami hanyolah palayan-palayan Allah, nan lah mam-bimbiang angkau, untuak ba-iman ka-bake Isa Almasih. Kami hanyo mangarajokan, karajo nan lah ditugehkan dek Tuhan kabake kami surang-su-rang. 6Ambo mananam, nan Apolos manyiram, tapi, Allah sandirilah nan mambuwek tinaman tu tumbuah. 7Ja-di, nan pantiang adolah Allah, dek ka-rano Baliau-lah nan manumbuahkan. Nan mananam, sarato jo nan manyi-ram, indak pantiang doh; 8kaduwo-duwonyo adolah sadarajaik. Satiyok-ti-yok inyo ka manarimo upah, sasuwai jo jariahnyo surang-surang. 9Kami adolah urang nan samo-samo baka-rajo untuak Allah; nan angkau, iba-raiknyo adolah parak Allah. Angkau adolah, ibaraiknyo pulo ba-ngunan Allah. 10Jo kapandaian nan lah dibarikan dek Allah, ambo sabagai urang tukang, lah malatakkan sandi un-tuak bangunan tu, sarato urang lain nan ka mambangun di ateh sandi tu. Satiyok urang musti mamparatikan elok-elok, baa caro inyo mambangun di ateh san-di tu. 11Dek karano, Allah sandiri nan lah malatakkan sandi bangunan, iyo-lah, Isa Almasih sajo, untuak sandi ba-ngunan tu, sarato indak ado doh san-di nan lain. 12Ado nan mambangun di ateh sandi tu, jo mamakai ameh, ado nan jo perak, ado nan jo batu parmato, ado pulo nan jo kayu, jo rumpuik ka-riang, atau pun jarami. 13Karajo satiyok urang, ka kaliyatan isuak, pado wakatu Isa Almasih datang baliak. Dek karano, di ari tu ado api, nan ka mambuwek sa-tiyok-tiyok karajo urang ka kaliyatan. Api nan ka ma-uji, sarato nan ka manan-tukan, elok buruaknyo karajo urang tu. 14Jikok bangunan nan dibuwek urang di ateh sandi tu, layi tahan api, mako, urang tu ka manarimo upahnyo. 15Ta-pi, jikok nan dibangun urang tu anguih, mako, inyo ka rugi; inyo sandiri ka sa-lamaik, tapi, bakcando urang nan lah kaluwa dari api. 16Layi tawukoh angkau, baraso ang-kau adolah Baithullah? Tawukoh angkau, baraso Roh Allah tingga di da-lam angkau? 17Jikok ado urang nan marusak Baithullah, mako, Allah pun ka marusak urang tu pulo. Dek ka-rano, Baithullah adolah sangajo un-tuak Allah sajo, sarato angkaulah nan Baithullah tu. 18Janlah ado surang pun juwo, nan mangicuah dirinyo sandiri. Jikok ado urang di antaro angkau, nan maraso di-rinyo bijaksano manuruik ukuaran du-nia ko, mako, urang tu musti namuah andaknyo manjadi pandie, supayo inyo manjadi sabana-bana bijaksano. 19Dek karano, apo nan di-anggauk bijaksano dek dunia, adolah pandie manuruik pandangan Allah. Di Alkitauk ado tatu-lih, ”Allah manjarek urang-urang nan bijaksano, dalam kacadiak-an inyo tu sandiri.” 20Ado pulo tatulih bakcan-do iko, ”Tuhan tawu, baraso pikieran urang-urang nan bijaksano, adolah pi-kieran nan indak baguno.” 21Dek ka-rano itu, janlah ado surang pun juwo urang, nan mamagah-magahkan manu-sia, dek karano, sagalo-galonyo lah di-barikan manjadi miliak angkau: 22biya Paulus, biya Apolos, biya Petrus, bi-ya dunia ko, biya iduik sarato jo ma-ti, jaman kiniko atau pun jaman nan ka tibo, sagalo-galonyo adolah ang-kau nan punyo. 23Tapi, angkau adolah miliak Isa Almasih, nan Isa Almasih adolah miliak Allah.

will be added

X\