1 KORINTUS 2

1Oih sudaro-sudaro! Pado waka-tu ambo datang kabake angkau, sarato mambaritokan kabake angkau tantang rancana Allah, nan alun di-katawui dek dunia, nan ambo indak mampagunokan kato-kato nan manih doh, atau kabijaksanoan dunia, un-tuak mangecek jo angkau. 2Dek kara-no, ambo lah batekaik, baraso salamo ambo samo-samo jo angkau, ambo in-dak ka mangamukokan sabuwah alah juwo doh, salain daripado tantang Isa Almasih; iyolah, Baliau nan lah mati disalibkan. 3Kutiko ambo ado samo-samo jo angkau, ambo lamah, sarato manggaretek dek katakuik-an. 4Barito nan ambo sampaikan kabake angkau, indak ambo sampaikan jo kato-kato nan ma-umbuak, manuruik kabijaksa-noan manusia. Ambo manyampaikan barito tu, jo caro nan mambuktikan baraso Roh Allah bakuwaso. 5Ambo pabuwek nan baitu, supayo iman ang-kau kabake Isa Almasih, indak bada-sarkan kabijaksanoan manusia, tapi badasarkan kuwaso Allah. 6Biyapun baitu, di antaro urang-urang nan imannyo lah kuwaik, am-bo iyo mangecek tantang kabijaksa-noan. Tapi, kabijaksanoan tu, indak doh kabijaksanoan dunia, atau kabi-jaksanoan panguwaso-panguwaso di jaman kiniko, nan kakuwasoannyo tu ka ilang lanyok. 7Kabijaksanoan nan ambo kamukokan tu, iyolah kabijak-sanoan nan dari Allah. Kabijaksanoan tu indak dikatawui doh dek dunia, tapi, Allah lah manyadiyokannyo un-tuak kasukocitoan kito, sajak sabalun dunia ko dijadikan. 8Indak surang ju-wo doh dari panguwaso-panguwaso jaman kiniko, nan tawu tantang ka-bijaksanoan tu. Kok santano inyo tu lah bi mangatawu-inyo, tantu inyo tu indak ka manyalibkan doh Tuhan nan mulie tu. 9Tapi, bakcando nan tatu-lih di Alkitauk, ”Apo nan indak panah diliyek, atau didanga dek manusia, sarato indak panah pulo timbua dalam pikieran manusia, itulah nan disadiyokan dek Allah, untuak urang-urang nan mangasiahi Baliau.” 10Tapi, Allah lah manyatokannyo ka-bake kito, jo parantaroan Roh-Nyo. Roh Allah tu manyalidiak-i sagalo sasuatu, sampai kabake sagalo rancana Allah nan paliang ta-andok. 11Dek karano, nan mangatawui isi ati urang, adolah roh urang tu sandiri, iyo indak? Baitu pulo tantang Allah. Nan mangatawui isi ati Allah, hanyolah Roh Allah san-diri! 12Nan kito ko, indak dibari roh dunia doh, tapi, Roh nan dari Allah, supayo kito dapek mangatawui kasa-donyo, nan lah dibarikan dek Allah kabake kito. 13Dek karano itu, jikok kami ma-narangkan sagalo parkaro tantang Allah, kabake urang-urang nan mampunyoi Roh Allah, mako, kami mangamukokannyo, indak manuruik kabijaksanoan manusia doh, tapi ma-nuruik ajaran Roh Allah. 14Urang nan indak mampunyoi Roh Allah, indak ka dapek doh manarimo, apo nan dinya-tokan dek Roh Allah tu. Sabauk dek urang tu, sagalo parkaro tu adolah marupokan suatu kabodohan. Urang tu indak ka bisa doh mangarati, dek karano, sagalo parkaro tu, hanyo dapek dinilai jo sacaro rohani. 15Urang nan mampunyoi Roh Allah, bisa mani-lai sagalo sasuatu, tapi, indak surang juwo doh nan bahak manilai inyo. 16Di Alkitauk ado tatulih bakcando iko, ”Siyakoh nan tawu pikieran Tuhan? Sarato siyakoh nan ka bisa manasiyaik-i Baliau?" Tapi, kitolah nan mampunyoi pikieran nan samo jo Isa Almasih!

will be added

X\