1 KORINTUS 14

1Andaklah angkau ba-usawo un-tuak mangasiahi urang-urang lain. Sarato ba-usawo pulolah, untuak manarimo pambarian-pambarian nan dibarikan dek Roh Allah, nan taruta-mu sakali, kamampuan untuak ma-nyampaikan rancana-rancana Allah kabake manusia. 2Urang nan mange-cek dalam bahaso nan ganjie, urang tu indak doh mangecek kabake ma-nusia; tapi, inyo mangecek kabake Allah. Indak ado doh urang nan ma-ngarati, apo nan inyo katokan, dek karano, Roh Allah nan manyabaukkan inyo mangatokan sagalo parkaro, nan hanyo Allah sajolah nan manga-tawui. 3Tapi sabaliaknyo, urang nan manyampaikan barito nan dari Allah, inyo manyampaikannyo kabake ma-nusia; untuak manguwaikkan urang nan mandanga, untuak mambari su-mangaik kabake inyo tu, sarato jo un-tuak mahibur. 4Urang nan mangecek jo bahaso nan ganjie, hanyo mangu-waikkan dirinyo sorang, sadangkan urang nan manyampaikan barito nan dari Allah, mambangun jamaat. 5Baralah ka eloknyo, jikok kasado-nyo angkau dapek mangecek jo ba-bagai bahaso nan ganjie. Tapi, nan paliang elok lai, iyolah, jikok angkau dapek mambaritokan rancana-ranca-na Allah. Dek karano, urang nan ma-nyampaikan barito nan dari Allah, labiah ba-arago, daripado urang nan mangecek jo babagai bahaso nan gan-jie; lain masalahnyo, jikok urang nan mangecek jo babagai bahaso nan gan-jie tu, bisa manarangkan apo nan inyo katokan tu, supayo kasadonyo jamaat mandapek payidahnyo. 6Kok santano ambo datang kabake angkau, nan am-bo mangecek jo babagai bahaso nan ganjie, apo gunonyo tu untuak ang-kau? Indak ado saketek juwo doh gu-nonyo! Lain masalahnyo, jikok ambo manyatokan sasuatu kato-kato nan da-ri Allah, atau ambo manarangkan sa-suatu tantang Allah, atau ambo ma-nyampaikan barito nan dari Allah, atau ambo ma-aja. 7Alaik paragaik musik nan indak ba-nyawo, umpamonyo suliang jo kuca-pi, jikok iramanyo indak dimainkan jo sacaro nan jaleh, baa pulo urang ka tawu, lagu apo nan dimainkan? 8Ado pulo conto ciyek lai: Jikok ta-rumpik di-ambuih sumbarang ambuih, siya urang nan ka basiyauk-siyauk un-tuak payi baparang? 9Baitu pulo, jo kamampuan angkau, untuak mange-cek jo babagai bahaso nan ganjie. Ji-kok angkau jo kamampuan tu, mangu-caukkan kato-kato nan indak jaleh, sarato indak surang juwo doh urang nan mangarati, apo nan angkau ka-tokan. Mako, kato-kato angkau tu ka ilang lanyok indak manantu. 10Di ateh dunia ko sambuah bahaso, tapi, kasa-donyo kato-kato bahaso tu, ado arati-nyo. 11Tapi, jikok ambo indak manga-rati bahaso nan dipagunokan urang, mako, urang nan mamakai bahaso tu, marupokan urang asiang taradok ambo; baitu pulo ambo taradok inyo. 12Tantang parkaro angkau, ambo ta-wu, baraso angkau niyo sangaik nak mandapek kamampuan-kamampuan dari Roh Allah. Tapi nan paliang para-lu iyolah, angkau musti ba-usawo un-tuak mampagunokan kamampuan tu, untuak mambangun jamaat. 13Itulah sabauknyo, urang nan ma-ngecek jo bahaso nan ganjie, mustilah mamohon kabake Allah, supayo inyo dibari pulo kamampuan untuak ma-narangkan, apo nan inyo katokan tu. 14Dek karano, jikok ambo badowa jo bahaso nan ganjie, nan roh ambo iyo badowa, tapi nan pikieran ambo in-dak bakarajo. 15Jadi, apo nan musti ambo pabuwek? Ikolah nan ambo pa-buwek: Ambo ka badowa jo roh am-bo, tapi, ambo ka badowa pulo jo pi-kieran ambo. Ambo mandendangkan pujian jo roh ambo, tapi, ambo niyo pulo mandendangkan pujian jo pikie-ran ambo. 16Dek karano, jikok ang-kau basyukur kabake Allah, hanyo jo roh angkau sajo, sarato ado urang la-in, nan indak mangarati bahaso gan-jie nan dari Roh Allah tu, mako, urang tu indak ka dapek doh bakato, ”Ambo satuju", taradok dowa syukur angkau tu; dek karano inyo indak mangarati, apo nan angkau katokan. 17Biyapun dowa syukur angkau kabake Tuhan tu, elok sangaik, tapi, dowa angkau tu, indak ado saketek juwo doh gu-nonyo untuak urang lain. 18Ambo basyukur kabake Allah, dek karano, ambo sandiri layi dapek ma-ngecek, jo babagai-bagai bahaso nan ganjie, labiah daripado angkau kasadonyo. 19Tapi, di dalam patamuan-patamuan untuak ba-ibadaik, ambo labiah suko mangatokan limo kato-kato, nan layi dapek dimangarati dek urang, daripado manyabuik baribu kato-kato dalam bahaso nan ganjie. Ambo labiah suko baitu, supayo am-bo dapek ma-aja urang. 20Oih sudaro-sudaro! Janlah bapi-kie bakcando paja ketek. Dalam par-karo nan jahek, andaklah angkau ta-tauk bakcando paja ketek. Tapi, dalam pamikieran, andaklah angkau manjadi urang nan lah gadang. 21Di Alkitauk ado tatulih nan bakcando iko, ”Tuhan bakato, ’Jo parantaroan urang-urang, nan mangecek jo bahaso nan ganjie, Aden ka mangecek kabake umaik ko. Malahan jo parantaroan urang-urang asiang, Aden ka mangecek kabake umaik-Den; tapi, biyapun baitu, nan inyo tu indak bi namuah doh ma-iyokan kato-kato Den.’ ” 22Jadi, kamampuan untuak bisa ma-ngecek jo babagai bahaso nan ganjie, adolah sabagai tando untuak urang nan indak picayo, indak doh untuak urang nan lah ba-iman. Sadangkan kamampuan untuak ma-agiah tawu rancana Allah kabake manusia, adolah tando untuak urang nan lah ba-iman, indak doh untuak urang nan alun pi-cayo. 23Dek karano itu, kok santano di dalam patamuan jamaat, kasadonyo jamaat tu mangecek jo babagai bahaso nan ganjie, sudah tu, datang babarapo urang luwa, atau urang-urang nan alun Kristen, tantu urang-urang tu ka bi manyangko, angkau lah gilo kasado-nyo! 24Tapi, jikok angkau kasadonyo manyampaikan barito nan dari Allah, sudah tu, datang surang urang nan alun Kristen, atau surang urang luwa, mako, sagalo parkaro nan dibaritokan dek angkau kasadonyo, ka manyatokan doso-doso urang tu, sarato mambuwek inyo sadar taradok doso-dosonyo. 25Sagalo parkaro nan ta-andok dalam atinyo, ka dinyatokan, sainggo inyo ka marandahkan dirinyo, sudah tu, inyo ka sujuik manyambah Allah. Inyo ka mangaku, baraso Allah sabana-bana ado di tangah-tangah angkau. 26Jadi, sudaro-sudaro, apo arati da-ri kasadonyo tu? Jikok angkau bi ba-kumpua untuak ba-ibadaik, ado nan mandendangkan pujian, ado nan ma-aja, ado nan ma-agiah tawu sasuatu nan dari Allah, ado nan mangecek jo bahaso nan ganjie, sarato ado nan ma-narangkan apo nan dikatokan tu. Ta-pi, kasadonyo tu musti dipagunokan untuak ma-aja, sarato untuak kaba-iakkan kasadonyo. 27Jikok ado nan niyo mangecek jo bahaso nan ganjie, mustilah duwo urang, atau paliang ba-nyak tigo urang sajo, jo sacaro bale-ga-lega. Sarato musti ado nan mana-rangkan, apo nan dikatokan dek urang nan babahaso nan ganjie tu. 28Jikok indak ado urang nan bisa manarang-kan, mako, urang-urang nan niyo ma-ngecek jo bahaso nan ganjie tu, musti anok sajo dalam patamuan tu. Biyalah inyo tu bi mangecek dalam atinyo sajo kabake Allah. 29Kok santano ado du-wo atau tigo urang, nan maraso ado sasuatu barito nan dari Allah, mako, inyo tu musti manyampaikan barito tu, samantaro nan lain ma-inok ma-manuangkan, apo nan disampaikan tu. 30Tapi, kok santano barito nan dari Allah tu, datang kabake surang urang lain nan duduak di patamuan tu, ma-ko, urang nan sadang babicaro, mus-ti baranti mangecek. 31Jo caro nan baitu, kasadonyo angkau, dapek ganti baganti untuak manyampaikan bari-to nan dari Allah; supayo kasadonyo dapek manarimo pangajaran, sarato manjadi samakin ba-iman. 32Pamba-rian dari Roh Allah untuak manyam-paikan barito nan dari Allah, dapek dikandalikan dek urang nan manyampaikan barito tu. 33Allah, adolah Allah nan suko kabake nan taratur; Baliau indak doh Allah nan suko kabake nan indak bakatantuan. Bakcando nan balaku di dalam ka-sadonyo jamaat Allah, 34urang padu-si musti anok pado wakatu patamuan jamaat. Inyo tu indak buliah doh sato babicaro. Inyo tu indak buliah doh ja-di pamimpin; itu sasuwai jo paratua-ran ugamo. 35Jikok inyo tu niyo ma-ngatawui sasuatu, mako, inyo tu musti mananyokannyo kabake apak anaknyo di rumah. Sabana mambuwek mari-angik, jikok urang padusi sato babica-ro di dalam patamuan jamaat. 36Apokoh dari angkau datangnyo kato-kato Allah? Atau hanyo kabake angkau sajokoh, kato-kato tu disam-paikan? 37Jikok ado urang nan ma-raso mampunyoi kamampuan, untuak manyampaikan barito nan dari Allah, atau pun inyo mampunyoi kamampu-an nan lainnyo dari Roh Allah, mako, urang tu musti sadar, baraso apo nan ambo tulihkan ko, adolah parentah da-ri Tuhan. 38Tapi, jikok ado urang nan indak ma-acuahkan, mako, jan pulo-lah angkau bi ma-acuahkan inyo. 39Dek karano itu, sudaro-sudaro, ba-usawolah untuak manyampaikan barito nan dari Allah, tapi, janlah di-tagah urang nan niyo mangecek, jo babagai bahaso nan ganjie. 40Tapi, sagalo sasuatu musti dikarajokan jo sacaro elok, sarato jo taratur.

will be added

X\