1 KORINTUS 13

1Biyapun ambo bisa mangecek jo babagai bahaso manusia, sara-to jo bahaso malekaik, tapi, jikok ambo indak mangasiahi urang lain, mako, ka-to-kato ambo tu, hanyo bunyi nyariang nan indak ado arati. 2Biyapun ambo santiang manyampaikan barito nan da-ri Allah, sarato mangarati sagalo parka-ro nan sulik-sulik, sarato tawu jo saga-lo sasuatu, sarato sabana-bana ba-iman kabake Allah, sainggo bisa manyuruah gunuang baranjak, tapi, jikok ambo in-dak mangasiahi urang-urang lain, ma-ko, ambo ko indak baguno saketek alah juwo! 3Biyapun kasadonyo arato am-bo, ambo sidakahkan kabake urang nan bansaik, sarato ambo manyarahkan di-ri ambo untuak dibaka, tapi, jikok am-bo indak mangasiahi urang-urang la-in, mako, kasadonyo tu indak ado doh payidahnyo untuak ambo. 4Mangasiahi tu saba; mangasiahi tu elok ati, sarato suko manolong; inyo indak pambingik. Inyo indak maneng-gikan diri, sarato indak uju. 5Inyo in-dak mampabuwek nan indak bataratik, sarato indak mancari labo untuak diri sorang. Inyo indak pambangih, sara-to indak pandandam. 6Atinyo ibo dek sasuatu nan indak adie, tapi, dek nan bana, baru inyo basukocito. 7Inyo ma-nutuik-i sagalo sasuatu, inyo picayo sagalo sasuatu, inyo ma-arokkan sa-galo sasuatu, inyo saba manangguang sagalo sasuatu. 8Indak ka ado doh masonyo, urang indak mamaralukan kasiah manga-siahi. Jikok kiniko, ado urang nan san-tiang manyampaikan barito nan dari Allah, tapi, isuak inyo ka baranti ma-nyampaikan barito tu. Jikok kiniko, ado urang nan santiang mangecek jo bahaso-bahaso nan ganjie, tapi, isuak inyo ka baranti mangecek jo bahasobahaso nan ganjie itu. Jikok kiniko, ado urang nan mampunyoi pangata-wuan nan banyak, tapi, isuak kasado-nyo pangatawuannyo tu ka di-ilang la-nyokkan. 9Dek karano, pangatawuan kito, sarato jo kapandaian kito untuak manyampaikan barito nan dari Allah, alun juwo lai samparono. 10Isuak ka tibo masonyo, Allah ka mambuwek ka-sadonyo samparono, sarato nan indak samparono tu ka ilang lanyok. 11Pado wakatu ambo ketek, ambo mangecek bakcando paja ketek, parasaan am-bo bakcando paja ketek, nan ambo bapikie bakcando paja ketek. Kini-ko ambo lah gadang, parangai am-bo nan bakcando paja ketek tu, lah ambo buwang. 12Apo nan kito liyek kiniko, hanyolah bakcando bayang-an nan kabua di dalam camin. Tapi, isuak kito ka maliyek lansuang jo sa-caro nan jaleh. Kiniko ambo alun ta-wu lai kasadonyo, tapi, isuak ambo ka tawu sagalo-galonyo, samo jo bakcan-do Allah tawu tantang diri ambo, da-lam sagalo-galonyo. 13Jadi, untuak maso nan kiniko, ado tigo parkaro nan musti tatauk kito pabuwek, iyolah: ba-iman, iduik nan mampunyoi nan di-arokkan, sarato jo samo-samo mangasiahi. Nan paliang pantiang dari nan tigo tu, iyolah, ma-ngasiahi urang-urang lain.

will be added

X\