1 KORINTUS 11

1Ikuiklah taladan dari ambo, bakcando ambo pun ma-ikuik-i taladan dari Isa Almasih. 2Ambo mamuji angkau, dek karano angkau tatauk mangana ambo, sarato layi bapacik arek kabake ajaran nan ambo ajakan kabake angkau. 3Tapi, ambo niyo angkau mangatawui parka-ro nan iko, iyolah, baraso nan manjadi kapalo taradok satiyok urang laki-laki, adolah Isa Almasih; nan manjadi kapalo taradok bini, adolah lakinyo, sarato nan manjadi kapalo taradok Isa Almasih, adolah Allah. 4Jikok surang laki-laki, pado wakatu badowa, atau pado wa-katu manyampaikan barito nan dari Allah, di-adok-an banyak urang, ma-makai sawok kapalo, mako, urang tu ma-ino Isa Almasih. 5Nan jikok surang padusi, pado wakatu badowa, atau pa-do wakatu manyampaikan barito nan dari Allah, di-adok-an banyak urang, indak batikuluak, mako, urang padu-si tu ma-ino lakinyo, nan manjadi ka-palo taradok dirinyo. Itu samo sajo sa-olah-olah kapalo urang padusi tu lah bacukua. 6Dek karano, jikok surang padusi indak namuah mamakai tiku-luak, mako, labiah elok abuaknyo di-cukua. Tapi, padusi nan dicukua kapa-lonyo, atau nan dikuduang abuaknyo, mako, itu marupokan suatu ka-inoan taradok dirinyo. Dek karano itu, la-biah eloklah inyo mamakai tikuluak. 7Laki-laki indak paralu doh mama-kai sawok kapalo, dek karano, inyo manggambarkan diri, sarato jo kaba-saran Allah. Tapi, padusi manggam-barkan kabasaran laki-laki, 8dek ka-rano, laki-laki dijadikan indak dari padusi, tapi, padusilah nan dijadikan dari laki-laki. 9Laki-laki dijadikan, in-dak pulo doh untuak kaparaluan padusi, tapi, padusi dijadikan untuak ka-paraluan laki-laki. 10Dek karano itu, untuak manyanangkan ati malekaik-malekaik, mako, urang padusi musti mamakai tikuluak, sabagai tando ba-raso inyo di bawah kakuwasoan laki-nyo. 11Biyapun baitu, nan dek iduik kito dalam Tuhan, indak ado doh pa-dusi, jikok indak dek laki-laki, baitu pulo, indak ado doh laki-laki, jikok indak dek padusi. 12Dek karano, bi-yapun padusi nan partamu dijadikan dari laki-laki, tapi sasudah tu, laki-la-ki layie dari padusi; sarato sagalo sa-suatu barasa dari Allah. 13Cubolah sudaro-sudaro mamikie-kan sandiri, elok buruaknyo tantang parkaro iko: Apokoh elok, jikok surang padusi badowa kabake Allah, di adok-an urang nan banyak, tapi indak ba-tikuluak? 14Dari pangalaman urang nan banyak, angkau lah di-aja, bara-so, jikok laki-laki ba-abuak panjang, itu adolah sasuatu nan kurang patuik. 15Tapi dek padusi, abuak dibarikan kabake inyo, untuak ka panyawok ka-palonyo, nan abuak panjang tu ado-lah ka-aromaiktan dek inyo. 16Tapi, jikok ado urang nan niyo batangka, tantang parkaro iko, hanyo ciyek nan dapek ambo katokan, iyolah, bara-so, biya kito atau pun jamaat-jama-at Allah nan lainnyo, kabanyakkan hanyo mampunyoi suatu kabiasoan nan itu dalam jamaat; lain daripado itu indak ado. 17Tantang parkaro nan ka ambo sa-buikkan ko, ambo indak mamuji ang-kau. Patamuan ibadaik angkau indak doh ma-asiekan nan elok, tapi, nan in-dak elok. 18Nan partamu-tamu ambo mandanga, baraso di dalam patamu-an-patamuan angkau, ado kalompok-kalompok nan balawan. Ambo raso banyak saketeknyo kaba tu batua. 19Batua, lah sapatuiknyo timbua papacahan di antaro angkau, supayo ka-liyatan isuak, siya-siya bana nan urang Kristen nan sajati. 20Tapi, pado waka-tu angkau bi bakumpua, nan angkau adokan tu, indak doh Pajamuan Tuhan. 21Dek karano, pado wakatu ka ma-kan, angkau bi bacirabuik ma-ambiak nan ka angkau makan surang-surang, sampai ado nan indak mandapek sabu-wah alah juwo, sadangkan nan lainnyo bi mabuak dek kakanyangan. 22Baa mangko dek baitu? Indakkoh angkau punyo rumah? Angkau bisa makan, sarato jo minun di sinan tu! Ataukoh angkau niyo ma-ino jamaat Allah, sa-rato mampamalukan urang-urang nan bansaik? Apokoh nan musti ambo ka-tokan kabake angkau? Musti juwokoh ambo mamuji angkau? Indak! Ambo indak doh ka mamuji angkau. 23Dek karano, apo nan ambo aja-kan kabake angkau, itu ambo tarimo dari Tuhan sandiri: baraso pado ma-lam tu, kutiko Isa Almasih, Tuhan kito dikiyanaik-i, Baliau ma-ambiak roti, 24nan sasudah Baliau mangucaukkan syukur kabake Allah, dek adonyo ro-ti tu, sudah tu, Baliau mambalah-ba-lah roti tu jo tangan Baliau, kamu-dian Baliau bakato, ”Ikolah tubuah Ambo nan disarahkan untuak ang-kau. Pabuwek pulolah bakcando iko, untuak ka mangana-ngana Ambo.” 25Baitu pulo sasudah salasai makan roti, Baliau ma-ambiak cawan anggur, sudah tu bakato, ”Anggur ko, adolah pajanjian Allah nan baru, nan disah-kan jo darah Ambo. Satiyok kali ang-kau maminunnyo, pabuwek pulolah bakcando iko, untuak ka mangana-ngana Ambo.” 26Dek karano, satiyok kali angkau mamakan roti, sarato jo maminun anggur bakcando iko, ang-kau mambaritokan kamatian Tuhan, sampai Baliau datang baliak. 27Dek karano itu, urang nan ma-kan roti Tuhan, atau nan minun ang-gur Tuhan, jo caro nan indak patuik, mako, urang tu badoso taradok Tuhan nan lah mangarobankan tubuah, sa-rato jo darah Baliau. 28Jadi, satiyok urang musti mamareso dirinyo labiah dulu, sudah tu, baru inyo buliah ma-kan roti, sarato jo minun anggur tu. 29Dek karano, jikok urang makan ro-ti, sarato jo minun anggur, tapi in-dak ma-aragowi, baraso pajamuan tu ba-ubuangan jo tubuah Tuhan, mako, urang tu makan roti, sarato jo minun anggur, untuak ka manarimo ukunan Allah taradok dirinyo sandiri. 30Itulah sabauknyo, banyak dari antaro ang-kau nan sakik, sarato nan lamah, ma-lah ado pulo nan mati. 31Tapi, jikok kito mamareso diri kito talabiah du-lu, mako, kito indak doh ka di-ukun Allah. 32Tapi, jikok kito di-ukun dek Allah, Baliau ka mancambuik kito, su-payo kito jan kanai ukunan samo-sa-mo jo dunia ko. 33Dek karano itu, oih sudaro-suda-ro ambo, jikok angkau bi bakumpua, untuak makan di pajamuan Tuhan, angkau musti samo-samo manung-gu. 34Jikok ado nan litak paruiknyo, inyo musti makan dulu di rumahnyo. Jikok angkau layi mamparatikan par-karo iko, mako, patamuan-patamuan ibadaik angkau, indak ka mandatang-kan ukunan dari Allah, taradok diri angkau sandiri. Tantang parkaro sa-galo masalah nan lain, ka ambo ta-rangkan kabake angkau, jikok ambo datang isuak.

will be added

X\