1 KORINTUS 10

1Oih sudaro-sudaro! Andaknyo angkau bi mangana baliak, apo nan tajadi di niniak muyang kito, ku-tiko inyo tu ma-ikuik-i Musa. Inyo tu kasadonyo dilinduangi dek awan, sa-rato bi salamaik manyubarangi Lauik Merah. 2Untuak manjadi pangikuik-pangikuik Musa, inyo tu kasadonyo di-pamandikan dalam awan, sarato jo di dalam lauik tu. 3Inyo tu kasadonyo, mamakan makanan rohani nan samo, 4sarato maminun, minunan rohani nan samo. Inyo tu kasadonyo minun da-ri gunuang batu rohani, nan manya-ratoi inyo tu; gunuang batu tu iyolah Isa Almasih sandiri. 5Biyapun baitu, kabanyakkan dari inyo tu indak disu-ko-i dek Allah, sarato itulah sabauk-nyo mangko mayik-mayik inyo tu bi bagalimpangan di padang gurun. 6Kasadonyo tu manjadi conto dek ki-to, untuak ma-ingekkan kito, supayo kito jan ma-inginkan sagalo parkaro nan jahek, bakcando niniak muyang kito tu. 7Supayo kito jan bi manyam-bah barhalo pulo, bakcando nan dipabuwek dek sabagian dari inyo tu. Di Alkitauk ado tatulih, ”Mako, ban-so tu muloi makan jo minun, sarato bi manari untuak manyambah barhalo.” 8Kito indak buliah doh mampabuwek sagalo parkaro nan cabua, bakcando nan dipabuwek dek sabagian dari inyo tu. Dek karano, duwo puluah tigo ribu urang dari inyo tu, bi mati dalam ari nan sa-ari, dek karano mampabuwek nan salah tu. 9Kito indak buliah doh mancubo-cuboi Tuhan, bakcando nan dipabuwek dek sabagian dari inyo tu sa-isuak, sainggo inyo tu bi mati diga-luang dek ula babiso. 10Kito indak bu-liah pulo doh bi manggarutok; bakcan-do nan dipabuwek dek sabagian dari inyo tu sa-isuak, sainggo inyo tu bi di-bunuah dek Malekaik Mauik. 11Kasadonyo ukunan tu tajadi kaba-ke inyo tu, untuak ka manjadi conto dek urang-urang nan lain. Kasadonyo tu tatulih pulo, untuak ka mampari-ngekkan kito. Dek karano, kito kini-ko iduik di maso akie jaman. 12Urang nan manyangko dirinyo ba-diri taguah, andaklah inyo ba-ingek-ingek; jan sampai jatuah. 13Satiyok cobaan nan angkau alami, adolah co-baan nan galik di-alami dek manusia. Tapi, Allah indak barubah ati kaba-ke janji-Nyo. Baliau indak ka mampa-diyakan angkau dicuboi labiah dari-pado kakuatan angkau. Pado wakatu angkau ditimpo dek cobaan, Baliau ka mambari kakuatan kabake angkau un-tuak manjadi kuwaik, supayo angkau dapek batahan. 14Dek karano itu, oih sudaro-suda-ro nan ambo kasiahi, andaklah ang-kau manjajok-i panyambahan barha-lo. 15Ambo mangecek kabake angkau bakcando kabake urang-urang nan bi-jaksano. Andaklah angkau bi mamikie-kan sandiri, elok buruaknyo kato-kato ambo ko. 16Pado wakatu kito minun anggur jo mangucauk syukur kabake Allah, indakkoh itu manyatokan ba-raso kito basatu jo Isa Almasih dalam kamatian-Nyo? Nan pado wakatu ki-to mambagi-bagikan roti, untuak di-makan basamo-samo, indakkoh itu manyatokan baraso kito basatu da-lam tubuah Isa Almasih? 17Dek ka-rano, hanyo ado ciyek roti, sarato ki-to kasadonyo bi makan dari roti nan ciyek tu juwo, mako, kito nan banyak ko marupokan ciyek tubuah. 18Cubo paratikan urang-urang Ya-hudi. Inyo tu nan bi mamakan ma-kanan, nan dipasambahkan di ateh tampaik pasambahan karoban, ado-lah urang-urang nan basatu jo tam-paik tu. 19Apo nan ambo mukasuik-kan jo kato-kato ambo tu? Barhalo, atau pun makanan nan dipasambah-kan kabake barhalo tu, indak ado sa-buwah alah juwo doh aratinyo. 20Apo nan dipasambahkan di tampaik karo-ban untuak barhalo, ba-arati indak di-pasambahkan kabake Allah, tapi, ka-bake roh-roh jahek. Nan ambo indak niyo doh angkau basatu jo roh jahek. 21Angkau indak buliah doh minun dari cawan anggur Tuhan, sarato mi-nun pulo dari cawan anggur roh ja-hek. Angkau indak buliah doh makan di meja Tuhan, sarato makan pulo di meja roh jahek. 22Ataukoh kito niyo mambuwek Tuhan bangih? Apokoh ki-to labiah kuwaik dari Tuhan? 23Kecek urang, ”Kito buliah mam-pabuwek apo sajo nan katuju dek ki-to.” Batua! Tapi indak kasadonyo doh, nan katuju dek kito tu paguno. ”Kito buliah mampabuwek apo sajo nan ka-tuju dek kito”- tapi, indak kasadonyo doh, nan katuju dek kito tu, mamba-ngun iduik kito. 24Janlah ado agak surang pun juwo, nan bajuwang un-tuak kaparaluan dirinyo sorang. Sa-tiyok urang musti bajuwang pulo, un-tuak kaparaluan urang lain. 25Angkau buliah makan apo sajo nan dijuwa di pasa dagiang. Indak usah manyalidiak-inyo talabiah dulu, biya-pun ado uweh-uweh di dalam ati ke-tek angkau. 26Dek karano, di Alkitauk ado tatulih, ”Bumi ko jo sagalo isinyo, adolah miliak Tuhan.” 27Jikok angkau di-undang makan, dek surang urang nan indak urang Kristen, nan angkau layi manamui un-dangan tu, makan sajolah apo nan di-edangkan kabake angkau. Indak usah manyalidiak-i dari ma datangnyo ma-kanan tu, supayo jan ado uweh-uweh di dalam ati ketek angkau. 28Tapi, ji-kok ado nan mangecek kabake ang-kau, ”Makanan ko lah dipasambah-kan kabake barhalo, ” janlah dimakan makanan tu, dek karano mampara-tikan kapantiangan urang tu, sarato dek karano suwaro ati ketek. 29Mu-kasuik ambo, indak doh suwaro ati ketek angkau, tapi, suwaro ati ketek urang tu. Mungkin ado nan batanyo, ”Ndeh, baa mangko kamaradekaan ambo, musti dibatehi dek suwaro ati ketek urang lain? 30Jikok ambo mamakan makanan, jo sacaro basyukur kabake Allah, baa mangko urang musti man-cacek ambo dek karano di makanan tu, sadangkan ambo lah basyukur ka-bake Allah dek makanan tu?" 31Apo pun juwo nan angkau pabu-wek - angkau makan, atau pun ang-kau minun - pabuweklah kasadonyo tu untuak mamuliekan Allah. 32Iduik-lah jo caro nan baitu, sainggo angkau indak manyabaukkan urang lain babu-wek doso; apokoh inyo tu urang Yahu-di, atau urang nan indak urang Yahu-di, atau pun jamaat Allah. 33Iduiklah bakcando ambo iduik. Ambo ba-usawo manyanangkan ati kasadonyo urang dalam sagalo sasuatu, indak tarago ado mukasuik-mukasuik kaparaluan diri sorang. Tujuan ambo adolah ha nyo, supayo kasadonyo urang-urang tu dapek disalamaikkan.

will be added

X\