1 KORINTUS 1

1- 3Sudaro-sudaro jamaat Allah di Korintus! Angkau lah dipanggie dek Allah untuak manjadi umaik-Nyo, dek karano angkau adolah miliak Isa Almasih, samo-samo jo kasadonyo urang di mano sajo, nan manyam-bah Tuhan kito Isa Almasih, iyolah Tuhan inyo tu, sarato Tuhan kito pu-lo. Ambo, Paulus, sarato jo sudaro kito Sostenes, ma-arokkan mudah-mudahan Allah Bapak kito, sarato jo Tuhan Isa Almasih mambari ba-rakaik, sarato jo tanang santoso ka-bake angkau. Ambo mambuwek su-rek ko sabagai rasul Isa Almasih, nan di-angkek dek Allah sandiri, sarato dek kahandak Baliau pulo. 4Ambo tatauk basyukur kabake Allah tantang parkaro angkau, dek karano angkau lah manarimo rah-maik dari Allah, malalui Isa Alma-sih. 5Dek karano angkau lah man-jadi miliak Isa Almasih, mako, iduik angkau kayo dalam sagalo parkaro. Pangatawuan angkau tantang saga-lo sasuatu sangaik dalam, nan ang-kau pandai ma-ajakan pangatawuan tu. 6Itu manandokan baraso bari-to tantang Isa Almasih, lah saba-na masuak ka ati angkau, 7sainggo angkau indak kakurangan suatu pun barakaik, samantaro angkau manan-ti kadatangan Tuhan kito Isa Alma-sih, sarato ka diliyek dek kasadonyo urang. 8Isa Almasih sandiri ka manjamin angkau sampai ka akienyo; supayo pado wakatu Baliau datang baliak, angkau didapati indak baca-cek. 9Allah dapek dipicayo-i sapa-nuahnyo. Baliau-lah Allah nan lah mamanggie angkau, untuak manjadi satu jo Anak Baliau, iyolah Isa Al-masih, Tuhan kito. 10Oih sudaro-sudaro! Ateh namo Tuhan kito Isa Almasih, ambo mintak supayo angkau kasadonyo bi saiyo sa-kato; supayo jan ado silang salisiah di antaro angkau. Andaklah angkau basa-tu, sa-ati sarato sapikieran. 11Dek ka-rano, urang-urang dari kaluarga Klo"e lah mancuritokan kabake ambo, ba-raso ado patangkaran di antaro ang-kau. 12Nan ambo mukasuikkan iyo-lah, baraso di antaro angkau ado nan bi bakato, ”Ambo ikuik Paulus, ” ado pulo nan bakato, ”Ambo ikuik Apo-los, ” nan lain bakato, ’Ambo ikuik Pet-rus, ” sadangkan nan lain bakato, ”Am-bo ikuik Isa Almasih.” 13Masokan Isa Almasih tabagi-bagi! Indak Paulus doh nan mati disalib untuak angkau! Ang-kau dipamandikan, indak ka untuak manjadi pangikuik-pangikuik Paulus doh, iyo indak? 14Tapi syukurlah, indak surang ju-wo doh di antaro angkau, nan ambo mampamandikan, salain Krispus, sara-to jo Gayus. 15Jan sampai ado surang pun juwo nan bakato, baraso inyo lah ambo pamandikan, untuak manjadi pangikuik ambo. 16Oh iyo, Stefanas sarato jo kaluarganyo, iyo ambo nan mampamandikan inyo tu. Tapi, sala-in dari itu, nan satakana di ambo, in-dak ado lai urang lain nan ambo pa-mandikan. 17Isa Almasih ma-utuih ambo, indak doh untuak mampaman-dikan urang, tapi, untuak mambarito-kan Injil nan dari Allah; nan itu pun musti ambo karajokan, indak jo ma-makai kapandaian mangecek sacaro manusia doh, supayo kuwaso dari ka-matian Isa Almasih di salib, jan sam-pai indak ado aratinyo. 18Dek karano, taradok urang-urang nan manuju kabinasoan, barito tantang kamatian Isa Almasih di kayu salib, marupokan kaba curito urang-urang pandie. Tapi, dek kito nan disalamaik-kan dek Allah, barito tu marupokan caronyo Allah manyatokan kuwaso-Nyo. 19Dek karano, di Alkitauk Allah lah bakato, ”Kabijaksanoan urang nan arih, ka Den pakacaukan, pangaratian urang-urang nan ba-alemu, ka Den ilang lanyokkan.” 20Dek karano itu, apo gunonyo urang-urang nan arih tu? Apo guno-nyo urang-urang nan ba-alemu? Apo gunonyo urang-urang nan santiang bapikie di dunia ko? Allah lah manya-tokan, baraso kabijaksanoan dunia ko, adolah kabodohan! 21Dek karano, baa punjuwo kasan-tiangnyo manusia, inyo indak ka dapek doh tawu jo Allah, malalui aka pikie-rannyo sandiri. Tapi, dek karano Allah bijaksano, mako, Baliau bamurah ati manyalamaikkan urang-urang nan pi-cayo kabake Baliau, malalui barito nan kami baritokan, nan di-anggauk kaba curito urang-urang pandie dek dunia. 22Urang Yahudi manuntuik mukjizat sabagai tando, nan urang Yunani, suko mancari kabijaksanoan di dunia ko. 23Tapi, nan kito ko, hanyo mam-baritokan Isa Almasih nan mati disa-lib. Barito tu manyingguang parasa-an urang Yahudi, dek urang-urang nan indak urang Yahudi, di-anggauk ka-ba curito urang-urang pandie. 24Tapi, dek urang-urang nan lah dipanggie dek Allah, - biya urang Yahudi, atau pun urang nan indak urang Yahudi, - ba-rito tu marupokan caronyo Allah ma-nyatokan kuwaso, sarato jo kabijaksa-noan Baliau. 25Dek karano, apo nan nampaknyo bodoh pado Allah, ado-lah labiah bijaksano, daripado kabi-jaksanoan manusia; baitu pulo, apo nan nampaknyo lamah pado Allah, adolah labiah kuwaik daripado ka-kuatan manusia. 26Oih sudaro-sudaro! Cubolah ka-na, baa ka-adaan angkau pado waka-tu Allah mamanggie angkau. Hanyo saketek sajonyo di antaro angkau nan bijaksano, atau nan bakuwaso, atau nan bakaduduakkan tenggi manuruik pandangan manusia. 27Dek karano, Allah iyo sangajo mamiliah nan di-anggauk pandie dek dunia ko, supa-yo urang-urang nan santiang manjadi malu. Nan Allah mamiliah pulo nan di-anggauk lamah dek dunia ko, su-payo urang-urang nan gagah kuwaik tu, bi manjadi malu. 28Allah mami-liah nan di-anggauk randah, nan hi-no, sarato malah nan di-anggauk indak ba-arati dek dunia ko, supayo Allah marusak binasokan nan di-anggauk pantiang dek dunia. 29Jo caro nan baitu, indak surang juwo doh urang, nan ka dapek basibondek di adok-an Allah. 30Allah sandirilah nan mam-buwek sainggo angkau basatu jo Isa Almasih. Malalui Isa Almasih, kito di-jadikan bijaksano. Sarato malalui Ba-liau pulo, Allah mambuwek kito baelok baliak jo Baliau, manjadikan kito umaik Baliau nan tasandiri, sarato ma-lapehkan kito dari doso. 31Jadi, bak-cando nan tatulih di Alkitauk, ”Urang nan niyo nak mamanggak-manggak, musti mamanggakkan, taradok apo nan dipabuwek dek Tuhan.”

will be added

X\