Liɛlto 19

1Ɔci ne naŋka neeni baaniyɛ, ‘ya tieŋŋan pwana tolan, bala ba pwan maka coŋin, gɔki te ñaalɔ pɔliji agi, “Jieddɛ Juaŋo! Yɔɔd bala Jwaŋ ikinti, ɔci war tɛɛn ɔci jied bala ɛkɛti moki! 2Ywobji ɛkɛ awarɛ, ɔci a tyɛlga! Ywobji ɛkɛ olnɛ ɛŋa toban ɛŋa ṭɛɛr konɛ yaaññɛ te tomi ɛkɛ neeni wyeñɛti. Ɔci Juaŋ yimg maka moṭi ɛkɛti dɔɔnɛ bora!” 3Ɛkkɛn gɔkcin moki agi, “Jieddɛ Juaŋo! Jien ɛkɛ ṭuula ne baaṭi ɔɔn, baadi bɛɛ!” 4Ɔci cyekin a men baan wyetkɛn ne ŋaanɔ (24) i waka tɛɛti ne ŋaanɔ neeni ḍɛɛmdin ñingɛn kuomjɛ iñɔ, ɔci morcin Juaŋti mena ciyi te kaakci neeniti gɔki agi, “Ɛɛ, dala bala a ɔɔn. Jieddɛ Juaŋo!” 5Ɔci pwan bɛɛn te kaakciti gɔki agi, “Jieddɛ Jwaŋ ikin hay, maka kanŋan ɛkɛti waakɛnda, ɔci ɛkkɛ maka buayi ɛkɛ maka ḍwaŋin ɔci maka ḍyɛrin!” 6Ɔci moki ‘ya tieŋŋan pwan bala ba pwan polla tolan, ɔci bala ba pwan pyega coŋin, ɔci bala ba pwan ñaal ne wiagi ne pɛñan gɔki agi, “Jieddɛ Jwaŋo! Ciɛggɔn ikin Jwaŋa Tolan Mena balki War Tɛɛn Waakɛnda neeniyɛ, ɛkɛ a Ciɛggɔn Tolan! 7Ɔci dala ikin yomgɔ ñɔya, ɔci jiettin ɛkɛ! Acaan oŋ ḍɛɛn Kalŋ bɛɛn doki, ɔci ñooni ɛkɛ warɛ ‘yɛɛŋŋɛ doki. 8Ɔci ɛkɛ ‘woñgi ma bworŋ ḍɛɛn bworŋa bɔwan aŋka ‘yɛɛŋdɛ ɛkɛ.” Bworŋa neeni, ɛkɛ a naŋki ma Juaŋ naŋka pwadin. 9Ɔci malɛɛka gɔkkin ‘yati moki agi, “Kiejja agi, ‘Yom ñɔɔn bala maka bornɛ Juaŋ te oŋ ḍɛɛn Kalŋy!’ ” Ɔci malɛɛka gɔkkin ‘yati moki agi, “Gena jyek Jwaŋa Tolan jyeka awarɛ neeni.” 10Ɔci ‘ya ḍwoñjan iñɔ ɛkɛ ñamɛti ka morca ɛkɛti, yeti ɛkɛ gɔkkin ‘yati agi, “A’a, naa i ḍwoñja iñɔ ‘yati bɛɛ! Ya a mena kanŋan Juaŋti ba i, ɔci ba modg ɛkkɛ maka balki jwali Yaccu Kiṭɔy. Yeti dala i ḍwoñja iñɔ gena Jwaŋa Tolanti! Acaan lali Yaccuyɛ, ɛkɛ a jyek Boŋ Juaŋ jyeka guagɛ ma te baaṭiy.” 11Ɔci ‘ya gɔrcan pɔli tukɛ pɔŋnɛ, ɔci muntan bɔwan yuarcan ‘ya, ɔci mena taab ɛkɛti neeni yenti Mena Pwadan ɔci Awarɛy. Ɔci ɛkɛ woni ma awarɛ, ɔci ɛkɛ noŋi ṭwaŋ awarɛ. 12Ɛkɛ woŋgɛ bala ba maañ lɛmmɛ, ɔci ɛkɛ ɛŋi taaggan cyɛgji wyeñɛti ne coŋɔn. Ɔci ɛkɛ balki yenti kiijji ma ɛkɛti, ɔci yenta neeni menga yaakinti paŋi ɛkɛ bɛɛ, gena mena balki yenta neeni aŋka yaakinti paŋi ɛkɛ parɛy. 13Ɔci ɛkɛ ɛŋi bworŋa warɛ jali te yimgo, ɔci ɛkɛ yenti “Jwali Juaŋo.” 14Ɔci ackan ñaalɔ pɔliji bootcin ɛkɛti bala taab te muntan bɔwan, ɔci ɛkkɛn ɛŋi bworŋa bɔwan pwadan. 15Ɔci jwali Kiṭɔ bɛɛn bora te ɛkɛ tukɛti aŋka kɛɛna pookɛn moddɛ ɛkɛ te jwali ɛkɛ neeni. Ɔci ɛkɛ ɛkkɛn ciddɛ te kɔmña naŋi ma te bila tɛyan. Ɔci ɛkɛ ywobji Jwaŋa Tolan oldɛ ma wyetkɛnti iñɔ wɛnni. 16Ɔci ɛkɛ balki yenti kiinɛ omɛti ɔci bworŋ ɛkɛti gɔki agi, “CIƐGGƆN CYEKIN ḌWAÇIN WAAKƐNDA.” 17Ɔci malɛɛka gɛɛl ne cyɛɛlɔ yuarcan ‘ya bala yɔɔd oŋ waŋɛti. Ɔci ɛkɛ yaajjin ne pɛñan te pwana tolan gɔkcin wɛjjin peyi ñaalɔ yeccu pɔliji waakɛndati agi, “Bɛɛdɛ wyetkɔ ḍɔɔldɛ oomdin Jwaŋa Tolanti! 18Bɛɛdɛ aŋka ɛkkɛ omdɛ yoŋgi maka a ḍuaŋan ḍwaŋin, ɔci yoŋgi maka wɛɛyi ma, ɔci yoŋgi maka ackan, ɔci yoŋgi maka taab te muntan, ɔci yoŋgi muntan, ɔci yoŋgi maka a kɛɛnk bɛɛy, ɔci yoŋgi maka a kɛɛnk, ɔci yoŋgi maka ḍyɛrin ɔci maka ḍwaŋin!” 19Ɔci ‘ya gɔrcan gen luom ɔci ḍuaŋan ḍwaŋin iñɔ ṭɛɛrji wɛnni wyetkɛn ḍɔɔlɛ aŋka noŋi noow iki mena taab te muntan, i ackan ɛkɛ. 20Ɔci gen luom i bɔwa jomi jiek mena noŋi naŋka tɛyan naŋka ñyecki ma aŋka maka jyeti mañ gen luomti diennɛ ñin ɛkɛ ɔci morcin pɔɔyama ɛkɛti neeniyɛ, ɛkkɛn goomiyɔ malɛɛkan, ɛkkɛn yiɛpcɛ galŋji galŋ maña koldan ɔci jiena yaayan. 21Ɔci ackan ɛkkɛn noŋŋɛ jwalla bɛɛn bora te mena taab te muntan tukɛtiy, ɔci wɛjjin waakɛnda korkɛn kuumi te yoŋgi ɛkkɛn.

will be added

X\