Liɛlto 11

1Ɔci malɛɛka gɛɛl te ɛkkɛnti ‘ya ‘wonna jaan bala ba kɔmñi ɔɔn, ɔci ɛkɛ gɔkkin ‘yati agi, “Jɔŋŋa ñaalɔ on Juaŋ ona tolan neeni pɔya iki gena ɛrki ma waako. Ɔci maka bala moṭi Juaŋti orɔ ona neenitiyɛ, dala i ɛkkɛn paga. 2Yeti nona kaañji borayɛ, naa ɛkɛ pɔya bɛɛ, ɛkɛ ‘wonnɛ Jwaŋa Tolan Keedin Pookɛn, ɔci ɛkkɛn bana tolan bana pwadan neeni moortan iñɔ yuong ne ḍoogɔ ɔci ponk ne dɔɔyɔ wilin ne cyɛɛlɔ. 3Ɔci ma gɛɛg cuondɛ Juaŋ ne yyɛɛwɔ, ɔci ɛkkɛn ma nɔɔttan jyek Juaŋ yuong ne ḍoogɔ ɔci ponk ne dɔɔyɔ wilin ne cyɛɛlɔ. Ɔci ɛkkɛn bɛya ɛŋi bworŋin cieki ma waakɛnti.” 4Maka ne yyɛɛwɔ neeniyɛ, ɛkkɛn bala ba jang jɛtuun janga ne yyɛɛwɔy, ɔci ɛkkɛn bala ba dyɛkan ne yyɛɛwɔ dyɛkan bala yɔdi Jwaŋa Tolan Ciɛggɔn ṭɛɛr ñamɛtiy. 5Ɔci kan menga buagɔn noŋdi ne yaayan ɛkkɛntiyɛ, maañ bɛya bora te ɛkkɛn tuggɛnti. Ɔci maka yoyi ñin iki ɛkkɛn neeni amdɛ, ɔci kan menga buagɔn noŋdi ne yaayan ɛkkɛntiyɛ, ɛkɛ noktan ma. 6Ɔci maka neeni yaakkɛn balki war tɛɛn aŋka pɔli tukɛ uultan. Ɔci te ninka mietki ɛkkɛn ma neeniyɛ, ñaal yaakinti bɛya moki bɛɛ. Ɔci ɛkkɛn balki war tɛɛn aŋka pieg yaltanyɔ aga yimgo. Ɔci kan ɛkkɛn buagɔnyɛ, ɛkkɛn yaakinti ṭɛɛr eektan naŋka yeyin korkɛn ne coŋɔn. 7Ɔci ne jyeka nɔɔtki ɛkkɛn neeni baatiyɛ, mena bartan ma a gen luom bɛya bora te kola beyanti, ɔci noŋdi iki ɛkkɛn ywobjo, ɔci ɛkɛ ɛkkɛn bwandɛ, ɔci nogdɛ. 8Ɔci ɛkkɛn waakɛn yiɛptɛ gen luom pɔɔjɔ ban Urcaliim bana tolan neeniji nona tuuni Ciɛggɔn ɛkkɛn kakantiy. Bana neeni ɛkɛ yaayɛ ba ban Caduum ɔci ban Macor. 9Ɔci keedin jitkɛn ne coŋɔn, makan da te kɛɛn ɛkkɛn, ɔci makan da te tuk ɛkkɛn, ɔci makan da te ban ɛkkɛn bɛya, ɔci gɔrti waak ɛkkɛn nink ne ḍoogɔ ɔci nini ḍulnɛ. Ɔci ɛkɛ menga daldɛ maka neeni joktɛ koolji bɛɛ. 10Ɔci maka ciyi iñɔ ṭɛɛrji wɛnni yomgɛn pwada, te lyen maka ne yyɛɛwɔ neeni, ɔci ɛkkɛn yomgɛn ñɔya ñɔɔn, ɔci ‘uondi yɔtin te waak te bolja bɔwan ne yyɛɛwɔ neeni maka iñɔ ṭɛɛrji wɛnni taabkiti ne pɛñany. 11Ɔci ne ninka ne ḍoogɔ ɔci nini ḍulnɛ neeni baakiyɛ, boŋa tɛɛtki ma bɛɛn ɛkkɛnti te Jwaŋa Tolanti, ɔci ɛkkɛn jɔŋŋin ñaalɔ yɔɔtcin te ciegɛn, ɔci maka bala yɔɔd gɔṭi ɛkkɛn neeni buañi, kuaŋnɛji lien ne tolan. 12Ɔci ɛkkɛn tieŋjin pwan ne tolan pɔliji bala boor ɛkkɛn yaakkɛn agi, “Bɛɛdɛ wɛnni!” Ɔci ɛkkɛn ati ñaalɔ pɔliji te pɔli yuarcɛ maka yoyi ñin iki ɛkkɛn te woŋgɛn. 13Ɔci te oŋŋa ṭɛɛr warɛ Jiɛññɛ ne tolan te war tɛɛn Juaŋyɛ, baan taaŋɛ gɛɛl lɛɛktin jitin. Ɔci kɛɛn bana tolan neeni ma tuun a alpn ne dɔɔyɔ wyetkɛn ne yyɛɛwɔ (7,000). Ɔci maka pookɛn buañi, ɔci ɛkkɛn bala jieyi Jwaŋa Tolan ñaalɔ pɔliji neeni. 14Ywobja akki ne yyɛɛwɔ ati doki, yeti ywobja akki ne ḍoogɔ bala bɛya ne pɛñan! 15Ɔci malɛɛka akki ne dɔɔyɔ wyetkɛn ne yyɛɛwɔ kuotcin ṭwoŋ ɛkɛ, ɔci pɔɔdg bala wiak ne pɛñan te pɔliji gɔki agi, “Cyɛgja iñɔ wɛnni aŋi cyɛgji Ciɛggɔn ikin Jwaŋa Tolan ɔci Kiṭɔ Mena Muonɛ ɛkɛ boray. Ɔci ɛkɛ aga Ciɛggɔn yuonginda, yuonginda!” 16Ɔci cyekin a men baan wyetkɛn ne ŋaanɔ (24) neeni kooyin iñɔ te kokin wyetkɛnti, ɔci ɛkkɛn ñingɛn kuomjɛ iñɔ ɔci morcin Juaŋti. 17Ɔci ɛkkɛn gɔkcin Jwaŋa Tolanti agi, “Ɔɔn gɔktɔn iti a pwatcin, hay, Ciɛggɔn ɔɔn Jwaŋa Tolan! I a Mena bala te baaṭi ɔci acca, ɔci i balki war tɛɛn, ɔci aŋŋi Ciɛggɔn Tolan. 18Kɛɛna pookɛn looñi iti, yeti acca i daŋkun loonni ɛkkɛnti. Wɔɔka bɛɛn a wɔɔka i jiek oldi maka tuun wyetkɛnti, ɔci aŋka kɛɛnk i maka a bɔwan, ɔci maka pwadin, ɔci maka buayi yenti iyɛ, ɛkkɛn ‘woñga i waak ba kanŋa ɛkkɛn. Gena maka ḍyɛrin ɔci maka ḍwaŋin. Ɔci te oŋŋa wannayɛ, maka yooci ṭɛɛr wyeñɛ neeniyɛ, ɛkkɛn tuwa.” 19Ɔci on Jwaŋa Tolan ona ñaalɔ pɔliji tukɛ pɔŋnɛ, ɔci canduuk jyeka ḍyɛgɛ Jwaŋa Tolan iki ma, warɛ liɛllɛ bala yɔɔd orɔ. Ɔci noon bala wildan, ɔci pɔɔdg bala wiak, ɔci noon warɛ Jiɛññɛ ne tolan, ɔci tomŋin ḍɛɛmdin.

will be added

X\