Matta 1

1Yeng yɔrg Yaccu Kiṭɔ mena muonɛ bora Jwaŋa Tolany. Ɛkɛ a kɛɛn Daawud mena bɛɛn te kɛɛn Icrayiiltiy. 2Abrahimyɛ, ɛkɛ a wey Icaakn. Ɔci Icaakyɛ, ɛkɛ a wey Yaakubn. Ɔci Yaakubyɛ, ɛkɛ a wey Yahuujan ɔci modg ɛkkɛn. Ɔci Yahuujayɛ, ɛkɛ a wey Pirɛcn ɔci Jiran. (Mɛy ɛkkɛnyɛ, ɛkɛ yenti Tamaar.) Ɔci Pirɛcyɛ, ɛkɛ a wey Acrunn. Ɔci Acrunyɛ, ɛkɛ a wey Aramn. Ɔci Aramyɛ, ɛkɛ a wey Aminadaabn. Ɔci Aminadaabyɛ, ɛkɛ a wey Nacɔɔnn. Ɔci Nacɔɔnyɛ, ɛkɛ a wey Calmɔɔnn. Ɔci Calmɔɔnyɛ, ɛkɛ a wey Bɔwacn. (Mɛy Bɔwacnyɛ, ɛkɛ yenti Rahab.) Ɔci Bɔwacyɛ, ɛkɛ a wey Ɔbɛdn. (Mɛy Ɔbɛdnyɛ, ɛkɛ yenti Ruut.) Ɔci Ɔbɛdyɛ, ɛkɛ a wey Jɛcin. Ɔci Jɛciyɛ, ɛkɛ a wey Daawudn, mena a ḍuaŋa tolan. Ɔci Daawudyɛ, ɛkɛ a wey Cɔlamann. (Mɛy Cɔlamannyɛ, ɛkɛ a ɛŋ Yuraaya ñamu.) 7Ɔci Cɔlamanyɛ, ɛkɛ a wey Rihobɔɔwamn. Ɔci Rihobɔɔwamyɛ, ɛkɛ a wey Abiyan. Ɔci Abiyayɛ, ɛkɛ a wey Acan. Ɔci Acayɛ, ɛkɛ a wey Yahɔɔcapatn. Ɔci Yahɔɔcapatyɛ, ɛkɛ a wey Yuramn. Ɔci Yuramyɛ, ɛkɛ a wey Ojaayan. Ɔci Ojaayayɛ, ɛkɛ a wey Yutamn. Ɔci Yutamyɛ, ɛkɛ a wey Ahacn. Ɔci Ahacyɛ, ɛkɛ a wey Ɛjakaayan. Ɔci Ɛjakaayayɛ, ɛkɛ a wey Manaacan. Ɔci Manaacayɛ, ɛkɛ a wey Amɔɔnn. Ɔci Amɔɔnyɛ, ɛkɛ a wey Yucaayan. Ɔci Yucaayayɛ, ɛkɛ a wey Yukonaayan ɔci modg ɛkkɛn. Yukonaayayɛ, bala ciyi te baaṭi oŋŋa ban Urcaliim lɛɛkkiti ma ɔci ma Icrayiil muokkiti ma eekiti ban Baabily. 12Ɔci maka bootti ɛkkɛn ŋotkɛnti bala daŋkun. Yukonaayayɛ, ɛkɛ a wey Caltayiiln. Ɔci Caltayiilyɛ, ɛkɛ a wey Jɛroobabiln. Ɔci Jɛroobabilyɛ, ɛkɛ a wey Abiyahudn. Ɔci Abiyahudyɛ, ɛkɛ a wey Ilaayakimn. Ɔci Ilaayakimyɛ, ɛkɛ a wey Ajurn. Ɔci Ajuryɛ, ɛkɛ a wey Cɛdɔkn. Ɔci Cɛdɔkyɛ, ɛkɛ a wey Ekimn. Ɔci Ekimyɛ, ɛkɛ a wey Ilaayodn. Ɔci Ilaayodyɛ, ɛkɛ a wey Ɛliyeejɛrn. Ɔci Ɛliyeejɛryɛ, ɛkɛ a wey Mattann. Ɔci Mattanyɛ, ɛkɛ a wey Yaakubn. Ɔci Yaakubyɛ, ɛkɛ a wey Yuocipn ‘war Moryam. Ɔci Yaccu mena bartan ma a Kiṭɔyɛ, ɛkɛ jiennɛ Moryam. 17Te Abrahimti ne Daawudti ɔɔnyɛ, keedin jitkɛn a inyaakkɛn wyetkɛn ne ŋaanɔ. Ɔci te Daawudti ne oŋŋa ma eekiti ma ban Baabilti ɔɔnyɛ, keedin jitkɛn a inyaakkɛn wyetkɛn ne ŋaanɔ moki. Ɔci te oŋŋa ma eekiti ma ban Baabilti ne oŋŋa Kiṭɔti jietkiti ma ɔɔnyɛ, keedin jitkɛn bala moki a inyaakkɛn wyetkɛn ne ŋaanɔ moki. 18Jyek oŋŋa Yaccu Kiṭɔ jietkiti ma bala wɛnni. Mɛy ɛkkɛn Moryam ne ɛkɛ agi ñan Yuocip men, ɔci ne ɛkɛ niinki iki ɛkɛ men bɛɛyɛ, ɛkɛ laaccin te Boŋ Jwaŋa Tolan. 19Ɔci ‘war ɛkɛ Yuocipyɛ, naŋki ɛkɛ pwad pwad oŋkanda. Ɔci ɛkɛ poŋi gɔki agi ɛkɛ Moryam daljɛ. Ɛkɛ buagɔn noŋdi godan bɛɛ, acaan ɛkɛ poŋi gɔki agi naa jyeka yeyin bɛɛdɔ Moryamti bɛɛ. 20Ɔci ne ɛkɛ baali poŋi a ɔɔnyɛ, malɛɛka gɛɛl bɛɛn te Jwaŋa Tolanti ɔci warɛ lɛɛlnɛ bora ɛkɛti te loggin, ɔci gɔkcin ɛkɛti agi, “Yuocip Kaci Daawud ‘ya bɛɛn i eeŋnin jwali te Jwaŋa Tolanti. Naa i lɔɔd te ḍɛɛn Moryam bɛɛ. Dala i ɛkɛ ḍɛya. Kacca bala ɛkɛ konɛti neeniyɛ, bɛɛn amaam bɛɛ. Ɛkɛ bɛɛn te Boŋ Jwaŋa Tolan. 21Ɔci ɛkɛ jieda kacca ‘uano, ɔci ɛkɛ okka i yenti a Yaccu. Ɔci ɛkɛ parɛ ma ɛkkɛn yɔɔdɛ te nɔji ɛkkɛn.” 22Jyeka neeni waakɛndayɛ, ɛkkɛn bala ba jyeka guaŋŋɛ Juaŋ bɔwa ɛkɛtiy. 23Juaŋ gɔki agi, “Gɔṭṭi, ṭɔla niini iki ‘uan gɛɛl bɛɛ neeniyɛ, ɛkɛ laatti ɔci jieda kacca ‘uano. Ɔci kacca neeniyɛ, bartan ma agi Imaanwil.” Imaanwil neeniyɛ, kon ɛkɛ agi, “Jwaŋa Tolan balgin iki ikin.” 24Ne Yuocip ṭieni te ninktiyɛ, ɛkɛ noŋjin ba jyeka guaŋŋɛ malɛɛka Jwaŋa Tolan ɛkɛti. Ɔci Moryam ḍɛɛnɛ Yuocip aŋi ɛŋ ɛkɛ, 25yeti ɛkɛ niini iki Moryam bɛɛ. Ɛkɛ cien ɔɔn ne oŋŋa Moryam jienni kaci ɔɔn. Ɔci ne ɛkɛ jienni kacca a ‘uan neeniyɛ, Yuocip ɛkɛ oŋnɛ yenti agi Yaccu.

will be added

X\