Galatiya 2

1Ne yuonga a inyaakkɛn wyetkɛn ne ŋaanɔ neeni bɛɛki borayɛ, ‘ya ati ban Urcaliim moki. Ɔɔn attɔn i Barnabac, ɔci Tituc eñi ‘ya. 2’Ya myenna Kiṭɔ te won ‘ya ban Urcaliim. Ɔci maka ḍwaŋin myetkan ‘ya pookɛn ñamu te jyeka loṭa ‘ya Keedin Pookɛn neeni, acaan ‘ya buaga naa jyeka loṭa ‘ya ma neeni aga ba jyeka budan ɛkkɛnti bɛɛ. Ɔci moki, ‘ya buaga naa jyeka loṭa ‘ya ɛkkɛn ne baaṭi aga ba jyeka budan ɛkkɛnti bɛɛ. 3Ma gɛɛg bala aŋan ɛkkɛn noŋi ba ne ɛkkɛn akki modg ikin ɔɔn no, oŋ yeti ɛkkɛn a modg ikin awarɛ bɛɛ. A menɛ ɛkkɛn barŋɛ a modg ikin lieda neeni yeti? Ɛkkɛn buagɔn naa ikin ḍɔɔggɔ wɔkti te jyek ganuun bɛɛ, acaan acca ikin jyettin Kiṭɔti doki. Maka neeni ɛkkɛn ṭoki dala ikin naŋtin a kɛɛnk ganuun moki. Mena mod ɔɔn Titucyɛ, ɛkɛ a men ma Giriik, yeti maka wɛɛyi ma neeni ‘yercin ɛkɛti te jyek ŋuni moki aŋka ɛkɛ naŋtan aga men Ma Icrayiil ba ikin ɔŋŋi bɛɛ. 6Yeti maka bala ñaltan ma ba ne akki maka wɛɛyi ma ḍwaŋin neeniyɛ, ‘ya gɔk ka naŋki ɛkkɛn neeni eccin paŋŋa woonɛ gɛɛl ‘yati bɛɛ. Jwaŋa Tolan gɔṭi waak maka wɛɛyi ma neeni waaka bora budan bɛɛ. 7Maka ḍwaŋin neeni ɛkkɛn ‘ya myetka te jyek kanŋa lali ma parɛ budan bɛɛ, yeti ɛkkɛn ‘ya ciŋkaji te naŋki kanŋa maka Kɛɛna Pookɛnti. Yaakub i Butruc i Yɔhannayɛ, ɛkkɛn a maka ḍwaŋin. Ɔci ne ɛkkɛn gɔrki naŋka naŋŋɛ Juaŋ mati te jyek ‘ya neeniyɛ, ɛkkɛn yookɔn te ɔɔn yaakkɔ Barnabac bɛɛ. Butruc ‘wonnɛ Jwaŋa Tolan kanŋa te lali ma Icrayiil maka balki jyek ŋwoti oŋkanday. 10Ɛkkɛn balki jwali gɛɛl ne cyɛɛlɔ budan agi dala ɔɔn ma Juaŋ maka bɔwan magjɔn ban Urcaliimji. Jyek ɛkkɛn neeniyɛ, bala ba jyeka buagata ‘ya neeni daŋkun. 11Ne Butruc bɛɛni ban Antyakyɛ, ‘ya gɔkcan ɛkɛti ne pɛñan acaan ɛkɛ bala noŋi ne pwadan bɛɛ. 12Te ñamu ɛkɛ bala omi iki Keedin Pookɛn. Yeti ne ma gɛɛg bɛɛki te Yaakubtiyɛ, ɛkɛ warɛ yɔɔnnɛ te amma ɛkɛ omki iki Keedin Pookɛny. Ɛkɛ noŋi a ɔɔn acaan ɛkɛ buayi ma Icrayiil maka buagɔn jyek ŋwoti Keedin Pookɛn neeni. 13Ɔci ma Icrayiil a Ma Kiṭɔ maka pookɛnyɛ, ñokcinti ɔci bala noŋi ba naŋki ɛkɛ ɔɔn. Ɔci te naŋki ɛkkɛnyɛ, Barnabac daŋkun jyɛtci ɛkkɛn ɔntɔ ɔci noŋi ba ɛkkɛn moki ɔɔn. 14Ɔci ne ‘ya gɔrna ɛkkɛn atki te pɔy waŋɛ a tyɛlga ba bolji jyeka wonkɛn jyeka pwadin neeni bɛɛyɛ, ‘ya gɔkcan Butructi te ma ñomgɛnti waakɛnda ka, “Hay Butruc, i a men ma Icrayiil ɔci i baal ciy ba ma Keedin Pookɛn neeni. Oŋ te gena aŋka i buagi dala Keedin Pookɛn neeni naŋki ɛkkɛn daltan ɔci dala ɛkkɛn noŋdi ba naŋki ma Icrayiily?” 15Ɛkkɛn oŋ myetkan ‘ya jwalla awarɛ neeni agi ikin jietkin ma akin ma Icrayiil maka noŋi ba jyek ganuun jitkɛn. 16Yeti ŋeecin ikin men gɛɛl ikinti pwada Jwaŋa Tolan ñamɛti te tiid jyek ganuun waakɛn bɛɛ. Ikin ma Icrayiil pwattin Juaŋ ñamɛti te jyenna ikin jyettin Yaccu Kiṭɔti. Ɔci Keedin Pookɛn neeni, ɛkkɛn pwaddi Juaŋ ñamɛti te jyenna ɛkkɛn jyetti Yaccu Kiṭɔti daŋkun. Ikin waakida balkin bolja ne cyɛɛlɔ. Men gɛɛl pwada Juaŋ ñamɛti te tiid jyek ganuun waakɛn bɛɛ. 17Ikin ma Icrayiil yɔɔnnin te naŋki mali ikin ma Icrayiil acaan ŋeecin ikin ikin pwatkin Juaŋ ñamɛti acca acaan te jyenna jyettin ikin Kiṭɔti neeni. Ɔci ma ikin ma Icrayiil ɛkkɛn ikin ñaltin ba nɔɔtka ḍwaŋin te naŋka neeni. Hay! Yaccu ikin eeŋnin nɔji ḍɔɔggɔtɛ? Hayɛllɛ! Nɔji bɛya te Yaccuti bɛɛ. 18’Ya baal lor ma te jyenna ikin pwattin Juaŋ ñamɛti neeni, ɔci acca kan ‘ya jiek agdiyɔ, ɔci kan ‘ya dɔwwa lorca ma ka da ɛkkɛn tieci jyek ganuun mokiyɛ, a ɔɔnyɛ, ‘ya jiek dami doki. 19Ne ‘ya baala noŋa ba jyeka ganuun buagɛ aŋka naŋdi ‘yayɛ, naŋki ‘ya neeni yuarcan ‘ya a jomgɔn budan, acaan yuarcan ‘ya pwad awarɛ te naŋki ganuun wanna bɛɛ. 20’Ya tuunin iki Kiṭɔ a cyɛɛlɔ, ɔci acca gena ‘ya ciy neeni moki bɛɛ. Gena Kiṭɔ aŋka ciyi ‘ya yomuti neeni. Ɔci coodda ciya ‘ya acca neeniyɛ, ‘ya ciy te jyenna ‘ya jyetta Kaci Jwaŋa Tolanti mena ani ‘ya ɔci ‘ya ‘wonna war ɛkɛy. 21Gena naŋŋɛ Juaŋ pwadan neeniyɛ, a jyeka budan ‘yati bɛɛ. Kan men gɛɛl gɔki agi ma yaakinti pwaddi Juaŋ ñamɛti te tiid jyek ganuun pookɛnyɛ, a ɔɔn bala ba ne ɛkɛ gɔki agi lyen Yaccu neeniyɛ, bala ba ne ɛkɛ tuuni budan no.

will be added

X\