2Tacalunika 2

1Modg ɔɔn, ɔɔn gɔkɔn ɛkkɛti te jyek bɛɛna Ciɛggɔn ikin Yaccu Kiṭɔ bɛɛdi dɔɔkti iñɔ baanji wɛnniy, ɔci te jyek oŋŋa ikin oottin kooktin iki ɛkɛy. 2Kan ma gɛɛg gɔkti ɛkkɛti agi Ciɛggɔn ikin bɛɛnɔ dɔɔŋnɔ iñɔ baanji wɛnni dokiyɛ, naa ɛkkɛ buayɛ jyeka neeni bɛɛ. Ɔci moki kan men gɛɛl gɔkti ɛkkɛti agi ɛkɛ myennɛti Boŋ Jwaŋa Tolan te jyeka neeniyɛ, ɔci walla kan men gɛɛl gɔki budan ɛkkɛtiyɛ, naa ɛkkɛ tieŋdɛ jyek ɛkɛ bɛɛ. Ɔci moki kan men gɛɛl worga kiedɛ ɛkkɛti gɔki agi Ciɛggɔn ikin bɛɛnɔyɛ, ɔci kan ɛkɛ worga neeni kiinɛ bala ba worga kienɔn ɔɔnyɛ, naa ɛkkɛ jyeddɛ jyek ɛkɛ bɛɛ. 3Naa men gɛɛl ɛkkɛ naŋdɛ ñin te jyeka neeni budan bɛɛ. Ne Yaccu bwagdɛ bɛɛnyɛ, maka coŋin lakun yooktan waakɛn ne pɛñan te jyek Jwaŋa Tolan ñamu. Ɔci moki mena bartan ma a nɔɔdɔn kaci bana yaayanyɛ, ɛkɛ warɛ lɛɛldɛ bora mati ñamu. Yeti ɛkɛ ciya yuonginda ɔɔn bɛɛ. Ywobji Jwaŋa Tolan bɛya ɛkɛti dɔki. 4Mena neeni ne ɛkɛ bɛɛdiyɛ, naŋki ɛkɛ a naŋki yyɛjjo. Ɛkɛ gɔki agi ɛkɛ toljɛ te jɔkin pookcɛn jɔkin maldi may, ɔci ɛkɛ daŋkun toljɛ te waka pookcɛn waka maldi ma waakcinday. Ɔci ɛkɛ cootti on Juaŋji, ɔci ɛkɛ noŋdi ba ɛkɛ agi Jwaŋa Tolan ɔɔn! 5Ne ikin balkin iki ‘yayɛ, ɛkkɛ myennin ‘ya a ɔɔn doki, ɛkkɛ poŋdɛ te jyeka neeni bɛɛ? 6Çeejɛ ɛkkɛ mena dɛyi ɛkɛ te bɛɛna ɛkɛ bɛɛdi wɛnni neeniyɛ, bala. Ɛkɛ warɛ lɛɛldɛ bora ba oŋŋa guagdɛ Jwaŋa Tolany. 7Ɔci acca ɛkɛ bala kanŋan kanŋa ɛkɛ kanŋa yaayan neeni iñɔ lieda ɔɔn, ɛkɛ waanɛ bɛya men bɛɛ. Yeti ne mena dɛyi ɛkɛ oŋkanda neeni warɛ uuttɛ ooddiyɛ, mena yookɔn te jiek waakɛnda neeni ɛkɛ oŋ warɛ lɛɛldɛ bora oŋo. 8Ɔci ne Yaccu Kiṭɔ bɛɛdiyɛ, Mena Yaayan neeniyɛ, ɛkɛ nogdɛ Yaccu Kiṭɔ te boŋ ɛkɛ tukɛ. Ɔci kanŋa ɛkɛ lɛgdɛ jitin baadi doki. 9Mena Yaayan neeniyɛ, ne ɛkɛ bɛɛdiyɛ, ɛkɛ balki war tɛɛn Jwaŋa Yaayan, ɔci ɛkɛ ma naŋdɛ ñin te naŋki ɛkɛ naŋka tɛyan neeni. 10Maka naŋdɛ ñin ɛkɛ neeniyɛ, ɛkkɛn a maka ooddi bana maaño. Ɛkkɛn a maka yookɔn te jyeka awarɛ jyeka pwadin neeni. Gena yookin ɛkkɛn aŋka ɛkkɛn ḍakti wanna. 11Ɔci te yookin ɛkkɛn yookiti te jyeka awarɛ neeniyɛ, ɛkkɛn daldɛ Jwaŋa Tolan, ɔci ɛkkɛn yaakinti poŋi jiek ne pwadan bɛɛ, ɔci ɛkkɛn jyeddi gena jyeka jomginti. 12Ɔci a ɔŋŋiyɛ, maka yookɔn te jyeka awarɛ ɔci buagɔn gena jyeka yeyin neeniyɛ, jyeka neeni bɛya ɛkkɛn wyetkɛnti waakɛnda ba naŋki ɛkkɛn wanna. 13Ɔci ɛkkɛyɛ, ɔɔn gɔkɔn a pwatcin Jwaŋa Tolanti te ɛkkɛ, ɔci a ɔɔn pwatcin. Modg ɔɔn, Juaŋ ani ɛkkɛ ne tolan, ɔci ɛkkɛ muonɛ ɛkɛ bora ñamu acaan ɛkkɛ yɔɔdɛ ɛkɛ. Ɛkɛ buagɔn ɛkkɛ naŋdɛ ɛkɛ agdɛ maka pwadin te naŋki Boŋ Jwaŋa Tolan ɛkkɛ yomgɔti, ɔci te jyenna ɛkkɛ jyettɛ jyeka awarɛ neeniti. 14Ne ɛkkɛ myetkɛ ɔɔn te jyeka wonkɛn jyeka pwadin neeniyɛ, ɛkkɛ muonɛ Juaŋ bora aŋka dala ɛkkɛ pwaddɛ ba Ciɛggɔn ikin Yaccu Kiṭɔ daŋkun. 15Modg ɔɔn, a ɔŋŋiyɛ, dala ɛkkɛ yɔɔddɛ ne tɛyan. Dala ɛkkɛ woŋgɔ tiittɛ te jyeka ɛkkɛ lalkɛ ɔɔn te tugi ɔɔn neeni, ɔci te jyeka kienɔn ɔɔn ɛkkɛti waakɛnda neeni. 16Dala Ciɛggɔn ikin Yaccu Kiṭɔ ɔci Jwaŋa Tolan Wey ikin mena ani ikin, ɔci ikin ‘wonnin yom tɛɛn ɔci kɛɛna ikin kɛɛyin te yom pwani ɛkɛ neeniyɛ, 17ɛkkɛ ‘wondɛ yom tɛɛno, ɔci ɛkkɛ tɛldɛ oŋkanda aŋka ɛkkɛ noŋdɛ ɔci gɔktɛ a waka pwadin oŋkanda.

will be added

X\