2Kuruntuc 13

1Oŋŋa bɛɛda ‘ya ɛkkɛti acca neeni gena oŋŋa akki ne ḍoogɔ. Jyeka a kiigin worga Juaŋti gɔki agi, “Jiek waakɛnda aga jyeka awarɛ te tuk maka ne yyɛɛwɔ, walla te tuk maka ne ḍoogɔ.” 2’Ya gɔkka maka noŋi nɔji te ñamu dokiti, ɔci maka pookɛnti waakɛnda. ‘Ya gɔkka ɛkkɛnti, yeti ‘ya baal wɛnan bɛɛ, bala ba naŋka naŋi ‘ya te ciya ‘ya bɛɛna ḍieŋna te oŋŋa akki ne yyɛɛwɔy. Kan ‘ya bɛɛd mokiyɛ, ‘ya ɛkkɛn bɔɔka moki bɛɛ. 3Ɛkkɛ buagɛ gɔrtɛ Kiṭɔ gɔki a lyɛlta ‘yatiɛ? Ɛkɛ a war tɛɛn ɛkkɛti, ɛkɛ warɛ koy koy ɛkkɛti bɛɛ. 4Acaan ɛkɛ ŋaabɛ ma te war koñño, yeti ɛkɛ tɛɛti te war tɛɛn Jwaŋa Tolan. Ɔɔn da waakɔ koocin te ñoowin ɔɔn ñoowin iki ɛkɛy, yeti te jyeka ɔɔn ñoowin iki ɛkkɛyɛ, war tɛɛn Juaŋ bala ɔɔnti daŋkun te tɛɛtin ɛkɛ. 5Dala ɛkkɛ waakɔ pɔɔdɛ, ɔci gɔrtɛ kan ɛkkɛ balgɛ tiecɛ jyeni ɛkkɛ boki no. Dala ɛkkɛ waakɔ pɔɔdɛ. Çeejɛ ɛkkɛ Yaccu Kiṭɔ bala ɛkkɛti bɛɛ? Yeti ɛkkɛ buannɛji pɔɔta neeni. 6’Ya baal kɛɛy ɛkkɛ ka ɔɔn ñiidɔntɔ, acaan ɔɔn buannɔn genga bɛɛ. 7Yeti ɔɔn cɔkɔn Juaŋti aŋka naa ɛkkɛ noŋdɛ gena yaayan gɛɛl bɛɛ. Ɔɔn dita buagɔn dala ɔɔn aŋka gwaltɔn ma ba maka kanŋa ɛkkɛn yɔmjin ne tolan bɛɛ, a’a, ɔci ba bolja wookki ma kanŋa ɔɔn wanna ɔɔnyɛ, ɔɔn buagɔn dala ɛkkɛ noŋdɛ naŋa pwadin. 8Ɔɔn noŋdɔn naŋka awarɛ oŋkanda. Ɔɔn yaakɔnti noŋdɔn ne yaayan naŋka awarɛti neeni bɛɛ. 9Acaan ɔɔn yomgɔ ñɔɔna ñɔɔn ne ɔɔn waakɔ kooki ɔci ɛkkɛ aŋka waakɔ tɛɛkiy. Ɔɔn cɔkɔn Juaŋti aŋka ɛkkɛ ‘uottɛ ñamu. 10’Ya kiew jyeka neeni ɛkkɛti ne ‘ya baawa ɛkkɛtiy. A ɔŋŋi ‘ya noŋja ɛkkɛti ne pɛñan ne ‘ya bɛɛda ɛkkɛti bɛɛ. ‘Ya buaga noŋja war tɛɛn ‘ya ‘wonnata Juaŋ aŋka ɛkkɛ koobdin ñaalɔ, ɛkkɛ mɔɔrtin iñɔ bɛɛ. 11Ne ŋoyɔyɛ, hay, modg ɔɔn, dala ɛkkɛ ‘uottɛ ñamu! Dala ɛkkɛ tieŋdɛ jyeka guagdi ‘yay. Dala jwali ɛkkɛ aga cyɛɛlɔ waakida. Dala ɛkkɛ coodɛ te pwanno, ɔci Jwaŋa ani ma ɔci noŋi ne pwadan mati baldi iki ɛkkɛ. 12Dala ɛkkɛ ñiebdɛ yɔtin te ñiebbin yoma pwadan, 13Ma Kiṭɔ wɛnni ñiepi ɛkkɛ waakida. 14Dala yom pwani Ciɛggɔn ikin Yaccu Kiṭɔ, ɔci ani Jwaŋa Tolan, ɔci ñoowin Boŋ Jwaŋa Tolan bala ɛkkɛti waakida.

will be added

X\