1Timatawuc 3

1Jwali ṭɔɔlɛ gɛɛl bala, ɔci ɛkɛ gɔki agi, “Kan mena buagɔn naŋtan ma a gaciicyɛ, ɛkɛ buagɔn gena pwadan.” Jwalla neeniyɛ, a jwalla awarɛ. 2Mena naŋtan ma a gaciicyɛ, naa ɛkɛ naŋtan ma a mena waaktan ma bɛɛ. Ɔci dala ɛkɛ a mena balkin ɛɛŋ ne cyɛɛlɔ budan. Dala ɛkɛ aga mena tukɛ luyan. Dala ɛkɛ poŋi jiek te ñamu. Ɔci dala ɛkɛ a mena cooddɛ pwadan. Ɔci dala ɛkɛ a mena yomɛ pwadan Ma Kiṭɔ maka wɛlgtiy. Ɔci dala ɛkɛ a mena yaakinti lali ma te worga Juaŋ ne pwadan. 3Naa ɛkɛ a mena nokkin mooy bɛɛy. Ɔci naa ɛkɛ a mena noowi i ma bɛɛy. Dala ɛkɛ a mena yomɛ pwadan maka pookɛnti. Naa ɛkɛ a mena ani wɛɛdin iki maka pookɛn bɛɛy. Naa ɛkɛ a mena ani bilk bɛɛy. 4Dala ɛkɛ a mena gɔṭi ma on ɛkɛ ne pwadan. Dala kɛɛgin ɛkɛ noŋi ba jyek ɛkɛ oŋkanda te yoma pwadan. 5Acaan kan men yaakinti gɔṭi kɛɛgin ɛkɛ ne pwadan bɛɛyɛ, oŋ ɛkɛ yaakinti gɔrti ma kaniica a ɔki? 6Naa ɛkɛ a mena jyeti Yaccuti woonɛ bɛɛ. Kan ɛkɛ a mena jyeti woonɛyɛ, ɔci kan ɛkɛ naŋtan ma a gaciic ne pɛñan a ɔɔnyɛ, ɛkɛ yomɛ tola dita, ɔci ɛkɛ noŋdi amaam dita. Ɔci jiek bɛya ɛkɛ wyeñɛti daŋkun ba jyeka bɛɛn Jwaŋa Yaayan wyeñɛti neeniy. 7Dala mena neeni a mena jiɛtan maka bora agi ɛkta pwadɔ. Kan a ɔɔn bɛɛyɛ, ɛkɛ dita waaktan ma, ɔci ɛkɛ ḍɛmdi iñɔ te naŋki Jwaŋa Yaayan neeni dita. 8Maka dikannyɛ, dala ɛkkɛn a maka yaakinti paŋi jieko. Naa ɛkkɛn balki yomgɛn ne yyɛɛwɔ bɛɛ. Ɔci naa ɛkkɛn ani mooy bɛɛ. Ɔci moki naa ɛkkɛn yomgɛn buagɔn waka coŋin bɛɛ. 9Jyek yɔɔt Jwaŋa Tolan jyeka wonkɛn jyeka pwadin, jyeka bɛɛn bora neeniyɛ, dala bala ɛkkɛnti te yoma wɔɔgan ne pwadan. 10Dala ma gɔrti naŋki ɛkkɛn te ñamu ne ɛkkɛn cieki ne pwadan boki no, hayya! Ɛkkɛn oŋ naŋtan ma aga dikann oŋo. 11Dikann a moongyɛ, dala ɛkkɛn daŋkun a maka yaakinti paŋi jieko. Naa ɛkkɛn a moonga ani luarŋ ma waakɛn bɛɛ. Dala ɛkkɛn a moonga tuggɛn luyan. Ɔci dala ɛkkɛn a moonga woŋgɛn a tiicin te jiek waakɛnda ne pwadan. 12Maka dikannyɛ, dala ɛkkɛn balki moong ne ciṭin. Dala ɛkkɛn a maka gɔṭi kɛɛgin ɛkkɛn ne pwadan iki maka cieki iki ɛkkɛn oorg ɛkkɛn jitin waakɛnda. 13Kan dikann noŋi kanŋa Juaŋ neeni ne pwadanyɛ, ɛkkɛn a maka anki may. Ɔci ɛkkɛn yaakinti gɔkti ne pwadan mati te jyek Yaccu Kiṭɔ. Ɛkkɛn buayi menga bɛɛ. 14Ɛɛ, ŋeej ‘ya ne ‘ya buagati bɛɛda ban ɛkkɛ ne cwakanti ɔɔn. Yeti ‘ya kiewan jyeka neeni iti men ɔɔn 15aŋka kan ne ‘ya kwattayɛ, jyek naŋka naŋdɛ ɛkkɛ Ma Kiṭɔyɛ, ŋeejja i te worga kiewan ‘ya iti neeni doki. Ɛkkɛ Ma Kiṭɔyɛ, ɛkkɛ agɛ kaniica Jwaŋa Tolan. Jwaŋa Tolanyɛ, ɛkɛ a tuuta bɛɛ. Ɛkɛ a tɛɛta. Juaŋ buagɔn dala ma kaniica yɔɔda ne tɛyan aŋka ma gɔrti a jwali Juaŋ neeni a jwalla awarɛ. 16Ɛɛ, awarɛ, jyek Juaŋ ikin tɛy tɛyo, ɛkkɛn jitkɛn wɔkɔ mati te ñamu bɛɛ. Juaŋyɛ, ɛkɛ warɛ lɛɛlnɛ bora mati te oŋŋa ɛkɛ aŋŋi men baany. Naŋki pwani ɛkɛ lɛɛlnɛ Boŋ Juaŋ bora te jɔɔŋŋin ɛkɛ jɔŋni ñaalɔ te kooljiy. Ɛkɛ yuarɛ malɛɛkan te woŋgɛn. Ma bala loṭi keedin waakɛnda te jyek ɛkɛ. Ɔci ma gɛɛg jyeti ɛkɛti baan warda. Ɔci ɛkɛ eññɛ Juaŋ ñaalɔ pɔliji.

will be added

X\