1Tacalunika 3

1Ɔci ne ɔɔn ñingɔ bokki ne pɛñanyɛ, ɔɔn jiek naŋŋɔn ka dala mod ikin Timutawuc, ɛkɛ aŋka bɛya ban ɛkkɛ, ɔci ɔɔn aŋka yaddɔn pookɔ te ban Atɛnicji. Ɛkɛ bɛɛn ɛkkɛti ɔci dɔɔkkin wɛnni acca doki. Timutawuc neeniyɛ, ɛkɛ bala kanŋin iki ɔɔn te jyek Kiṭɔ. Ɛkɛ cuondɔn ɔɔn ɛkkɛti aŋka dala ɛkɛ ɛkkɛ ṭeediyɔ aŋka ɛkkɛ yɔɔddɛ ne tɛyan te jyenna ɛkkɛ jyettɛ Kiṭɔti neeni. 3Yeti taab ɛkkɛ bala acca tolcin te naŋka noŋki ma ne yaayan ɛkkɛti wanna, ɔci ɔɔn buagɔn naa men gɛɛl ɛkkɛti dɔɔdi ŋoyɔ jyeni ɛkɛ daldɛ bɛɛ. Dala ŋeeddɛ ɛkkɛ Ma Kiṭɔ waakɛnda ɛkkɛn balki taab a ɔɔn daŋkun. 4Ne ikin balkin iki ɔɔnyɛ, ɛkkɛ myetkɛ ɔɔn doki ka taab bala bɛya, ɔci ŋeejɛ ɛkkɛ taab bɛɛn doki ba jyeka guaŋŋɔn ɔɔn ɛkkɛti te ñamu neeni. 5Ɔci bala ba ‘ya gɔkkan doki ka ne ɔɔn ñingɔ bokki te ɛkkɛ ne pɛñanyɛ, ‘ya Timutawuc cuoññan ɛkkɛti, acaan ‘ya buaga tieŋŋa te coodi ɛkkɛ te jyek Jwaŋa Tolan ne coodi ɛkkɛ baali a ɔkiy. ‘Ya buay ‘ya baal poŋ ka ɛkkɛ maaldɛ Jwaŋa Yaayan mena mooṭi ma neeni dita. Ɔci ‘ya poŋ gɔk ka dita kanŋa ɔɔn aga kanŋa budan dita. 6Ɔci Timutawuc, bɛɛn wɛnni dɔɔkkin nona ɔɔnti doki. Ɔci ɛkɛ ɔɔn eeŋnɔn jyeka pwadin te jyek jyenna ɛkkɛ jyettɛ Juaŋti, ɔci te jyek anna ɛkkɛ anɛ may. Ɛkɛ gɔki agi ɛkkɛ baljɛ poŋjɛ te ɔɔn daŋkun. Ɔci ɛkɛ gɔki moki agi ɛkkɛ ñingɔ boŋŋɔ te ɔɔn daŋkun ba ɔɔn ne ñingɔ bokki te ɛkkɛ ɔɔn daŋkuny. 7Hay! Modg ɔɔn, taab ɔɔn tol tolo. Yeti te jyeka oonɛ Timutawuc te jyenna ɛkkɛ jyettɛ ne pwadan neeniyɛ, ɔɔn yomgɔ pwani doki. 8Ɛɛ, kan ɛkkɛ yɔɔddɛ ne tɛyan te jyek Ciɛggɔn ikin a ɔɔnyɛ, a ɔɔn pwad pwad ɔɔnti ne tolan, ɔɔn yomgɔ noki waakɛn te genga moki bɛɛ. 9’Ya gɔkca Juaŋti a pwatcin te ɛkkɛ a ɔki yeti? Acaan ɔɔn yomgɔ ñɔɔna ñɔɔn te ɛkkɛ Juaŋ ñamɛti. 10Oŋkandayɛ, ɔɔn balgɔn cɔkɔn Juaŋti te ɛkkɛ ne tolan. Ɔɔn cɔkɔn Juaŋti te oŋ jiñɛ a ñaccu, ɔci te ween jiñɛ a ñaccu. Acaan ɔɔn buagɔn dala ikin yɔɔrtin iki ɔɔn, kan jyeka tɛyan gɛɛg balayɛ, ɔci ɛkkɛ makti ɔɔn aŋka jyeni ɛkkɛ ‘uotti ñamu. 11Wey ikin waanɛ Jwaŋa Tolan, ɔci Ciɛggɔn ikin Yaccuyɛ, dala ɛkkɛn ɔɔn pɔktɔn pɔy aŋka ɔɔn bɛɛdɔn ɛkkɛti. 12Dala ɛkkɛ magdɛ Juaŋ aŋka ɛkkɛ oondɛ yɔtin pookɔ ne tolan, ɔci moki dala ɛkkɛ andɛ ma waakɛnda daŋkun bala ba anna ɔɔn anɔn ɛkkɛ neeni daŋkun ɔɔn. 13Ɔci te naŋka neeniyɛ, dala nɔji baaw ɛkkɛti, ɔci ɛkkɛ pwaddɛ te naŋki Jwaŋa Tolan. Dala ɛkkɛ yomgɔ tɛya te naŋki Juaŋ ɛkkɛti aŋka ne oŋŋa Yaccu bɛɛti iki ma ɛkɛyɛ, ɛkkɛ yaaktɛti yɔɔddɛ ne pwadan Wey ikin Jwaŋa Tolan ñamɛti.

will be added

X\