1Tacalunika 1

1Gena ‘ya Buuluc ɔci Cila ɔci Timutawuc ñiepɔn ɛkkɛ ma kaniica ban Tacalunika neeni. Ɛkkɛ agɛ ma Wey ikin Jwaŋa Tolan, ɔci ma Ciɛggɔn ikin Yaccu Kiṭɔ. Dala ɛkɛ yomɛ pwada a pwani ɛkkɛti, ɔci dala ɛkɛ ɛkkɛ ‘wondɛ coodi pwani ɛkɛ ɛkkɛ yomgɔti. 2Ɔɔn gɔkɔn a pwatcin Jwaŋa Tolanti oŋkanda te ɛkkɛ. Ɔɔn cɔkɔn Juaŋti te ɛkkɛ oŋkanda ɔɔn 3acaan ɛkkɛ balgɛ noŋɛ naŋka pwadan jyenna ɛkkɛ jyettɛ Juaŋti, ɔci ɛkkɛ balgɛ kanŋɛ kanŋa Juaŋ acaan ɛkkɛ anɛ ɛkɛ. Ɔci ɛkkɛ balgɛ yɔdgɛ ne tɛyan ne ɛkkɛ jyettɛ balgi kɛɛyɛ oŋŋa Ciɛggɔn ikin Yaccu Kiṭɔ bɛɛdiy. Ɔci ɔɔn balgɔn gɔkɔn te naŋki ɛkkɛ neeni oŋkanda Juaŋ ñamɛti. 4Modg ɔɔn, ŋeejɔn ɔɔn Juaŋ ani ɛkkɛ, ɔci ɛkkɛ muonɛ ɛkɛ bora aŋka agdɛ ma ɛkɛ. 5Acaan ne ɔɔn bɛɛnɔn ennɔn jyeka wonkɛn jyeka pwadin neeni ɛkkɛtiyɛ, ɔɔn balgɔn gɔkɔn te jyek tuggɔ budan bɛɛ. Ɔɔn noŋɔn te naŋki Juaŋ naŋka tɛyan neeni, ɔci te Boŋ Juaŋ daŋkun. Ɔci ŋeejɔn ɔɔn ne pwadan jyeka loṭṭɔn ɔɔn ɛkkɛ wanna a jyeka awarɛ. Ɔci coodda cienɔn ɔɔn ban ɛkkɛ waayiti ŋeejɛ ɛkkɛ coodi ɔɔn ban ɛkkɛ aŋan wanna ɛkkɛ magdɛ. 6Ɔci ɛkkɛ balgɛ lɔkɛ naŋki ɔɔn, ɔci naŋki Ciɛggɔn ikin daŋkun. Acaan ne taab bɛɛni ɛkkɛti ne tolan te jyek Juaŋyɛ, ɛkkɛ yɔɔnnɛ te jyek Juaŋ bɛɛ, yeti ɛkkɛ yomgɔ ñɔɔna ñɔɔn te Boŋ Juaŋo. 7Ma Kiṭɔ maka ban Macɛdɔɔnya ɔci maka ban Akeeyayɛ, kan ɛkkɛn lɔkti ba naŋki ɛkkɛ ɔɔnyɛ, a ɔɔn pwatcin daŋkun. 8Te naŋki ɛkkɛ jyek Juaŋ ati ban Macɛdɔɔnya konɛti ɔci ban Akeeya konɛti. Jyek Juaŋ bala ban Macɛdɔɔnyati ɔci ban Akeeyati pookɛn bɛɛ. Bala bonka pookɛnti waakɛnda daŋkun, ɔci ma tieŋŋin agi ɛkkɛ jyetcɛ Jwaŋa Tolanti. Ɔci a ɔɔnyɛ, ɔɔn mietɔn ma te jyek ɛkkɛ moki bɛɛ. Acaan jyek ɛkkɛ ŋeecɔn ma doki. 9Maka tieŋŋin jyek ɛkkɛ neeniyɛ, ɛkkɛn bala mieti ɔɔn agi ne ikin balkin iki ɔɔnyɛ, ɛkkɛ yomgɔ ñɔɔna ñɔɔno. Ɔci ɛkkɛn gɔki agi ɛkkɛ mwonjɛ te mali jɔkin yeyin neeni. Ɔci agi ɛkkɛ morcɛ gena Jwaŋa Tolanti pardan. Gena Jwaŋa ciyi tɛɛti Jwaŋa awarɛy. 10Ɔci ɔɔn myetkɔn ɛkkɛn agi ɛkkɛ baljɛ kɛɛjjɛ oŋŋa Kaci ɛkta bɛɛdda te ñaalɔ pɔlijiy. Gena Yaccu mena luolnɛ Juaŋ ñaalɔ te lientiy. Ɔci ɛkɛ a mena yuoci ikin te ywobji Juaŋ ywobja bɛya ne baaṭi ma wyetkɛntiy.

will be added

X\