1Yɔhanna 5

1Maka jyeti agi Yaccu a Kiṭɔ Mena Muonɛ Juaŋ Borayɛ, ɛkkɛn a kɛɛgin Jwaŋa Tolan waakɛnda. Kan maka ani kɛɛgin weegɛnyɛ, ɛkkɛn ani kɛɛgin ɛkɛ daŋkun. 2Kan ikin anin Juaŋ, ɔci kan ikin noŋtin ba jyeka ikin myettinti ɛkɛyɛ, ŋeettin ikin ikin anin kɛɛgin Jwaŋa Tolan awarɛ. 3Kan ikin anin Juaŋyɛ, ikin noŋin ba jyek ɛkɛ oŋkanda, ɔci jyeka ikin myettinti ɛkɛ neeniyɛ, yeyɔ ikinti bɛɛ. 4Kɛɛgin Jwaŋa Tolanyɛ, ɛkkɛn waka iñɔ wɛnni baanji bwantan ɛkkɛn. Te jyenna ikin jyettin Juaŋti neeniyɛ, ikin yaakinti naŋka iñɔ wɛnni ṭɛɛrji bwantin. 5Kan menga jyeti Yaccuti agi ɛkta agi Kaci Jwaŋa Tolanyɛ, mena neeni yaakinti waka bala iñɔ baan konɛti wɛnni bwandɛ. 6Yaccu Kiṭɔ neeni ɛkɛ a mena cuonnɛ Jwaŋa Tolany, ɛkɛ a Kaci Jwaŋa Tolan. Ɛkɛ ŋeecin ikin ne ɛkɛ agi Kaci Jwaŋa Tolan acaan Jwaŋa Tolan gɔkkin a ɔɔn te ñaalɔ agi ɛkta agɔ Kaci ɛkɛ. Jwaŋa Tolan gɔkcin a ɔɔn te wɔɔka Yaccu buulkiti may, ɔci moki ne Yaccu tuuni men bɛɛ te oŋŋa ɛkɛ ŋaapkiti may. Ɔci Boŋ Juaŋ daŋkun gɔki mieti ikin te Yaccu a ɔɔn moki. Ɔci jyeka guaktan ɛkkɛn neeni bala bolja ne cyɛɛlɔ ɔci awarɛ. 9Kan men baan lwoki ikin te jyek men gɛɛlyɛ, jyeka neeni pwadɔ ikinti ne ḍiɛran ṭɔɔlɛ. Ɔci kan Jwaŋa Tolan lwoki ikin te Kaci ɛkɛyɛ, jyek ɛkɛ neeni aŋka pwad pwad ne tolan. 10Kan mena jyeti jyek Kaci Jwaŋa Tolanyɛ, jyeka guagdɛ Juaŋ te Kaci ɛkɛ neeni ŋeejɛ ɛkɛ yomɛti doki. Kan mena jyeti Kaci Juaŋti bɛɛyɛ, bala ba ɛkɛ poŋi gɔki agi Jwaŋa Tolan a mena jomi jieko. Jyek ɛkɛ bala a ɔɔn acaan ɛkɛ jyeti jyeka guaŋŋɛ Juaŋ te Kaci ɛkɛ neeni bɛɛ. 11Jyeka guaŋŋɛ Jwaŋa Tolan ikinti neeni bala a ɔki? Ɛkɛ gɔki ikinti agi ɛkɛ ikin ‘wonninti tɛɛtin, ɔci agi tɛɛtin neeniyɛ, baadi ywongati bɛɛ, ɔci agi tɛɛtin neeniyɛ, bala Kaci ɛkɛti. 12Ɔci kan mena Kaci Jwaŋa Tolan bala yomɛtiyɛ, tɛɛtin bala ɛkɛti. Kan mena Kaci Juaŋ baaw ɛkɛ yomɛtiyɛ, tɛɛtin bala ɛkɛti bɛɛ. 13Ɛkkɛ maka jyeti yenti Kaci Jwaŋa Tolantiy, ‘ya kiey worga ɛkkɛti aŋka ŋeeddɛ ɛkkɛ tɛɛtin bala ɛkkɛti acca doki, ɔci tɛɛtin neeniyɛ, baadi oŋgati bɛɛ. 14Çeecin ikin ne pwadan Juaŋ ñamɛti kan ikin toottin ɛkɛti te gengayɛ, ɔci kan gena ikin toottin ɛkɛti neeni bala ba jyeka ɛkɛ buagitiyɛ, ɔci ɛkɛ tieŋdi. 15Ɔci kan Juaŋ tieŋdi a ɔɔnyɛ, ŋeecin ikin daŋkun ɛkɛ noŋi ba jyek cɔŋi ikin. 16Kan men gɛɛl mod ɛkkɛn men Juaŋ gɛɛl yuartɛ bala noŋi naŋka yaayan gɛɛl a naŋka ɛkɛ eedɛ non lienti bɛɛyɛ, dala ɛkɛ cɔkti Juaŋti te mena neeni, ɔci Jwaŋa Tolan ɛkɛ mena neeni bɔɔktɛ ɔci ‘wondɛ tɛɛtin. Jyeka neeniyɛ, gena jyek maka mwondi te jyek Jwaŋa Tolan bɛɛy. Yeti nɔji gɛɛl bala a nɔjja men eedɛ non lienti. Ɔci ‘ya dɛyi ma te cɔŋŋa ma cɔkti te mena nɔŋdi nɔjja neeni bɛɛ. 17Waka naŋŋin ikin yeyin ɛkkɛn waakɛnda a wak nɔjjo. Yeti naŋki gɛɛg etti lien bɛɛ. 18Çeecin ikin maka a kɛɛgin Jwaŋa Tolanyɛ, ɛkkɛn noŋi nɔji a ñaccu bɛɛ, acaan Kacca jiennɛ Jwaŋa Tolan bala gɔṭi ɛkkɛn, ɔci Jwaŋa Yaayan yaakinti noŋdi genga ɛkkɛnti bɛɛ. 19Çeecin ikin ikin akin kɛɛgin Jwaŋa Tolan, ɔci ŋeecin ikin moki maka yeyin baan wardayɛ, bala byeŋ mena yaayan neeniti. 20Çeecin ikin Kaci Jwaŋa Tolan bɛɛn doki, ɔci ɛkɛ ikin ‘wonnin ñing tɛɛn aŋka ikin mena awarɛ ŋeettin. Ɔci mena awarɛ neeniyɛ, ɛkɛ bala ciyin iki ikin a cyɛɛlɔ, ɔci Kaci ɛkɛyɛ, gena Yaccu Kiṭɔ. Jwaŋa neeniyɛ, ɛkɛ a Jwaŋa awarɛ, ɔci tɛɛtin ɛkɛ a tɛɛtin awarɛ, baadi bɛɛ. 21Kɛɛgin ‘ya, dala ɛkkɛ waakɔ uuttɛ ɔntɔ te jɔkin yeyin jɔkin maltan ma amaam neeniti. Amɛɛn.

will be added

X\