1Kuruntuc 8

1Acca te jyek yoŋga ‘yɛrtan ma jɔkin yeyinti neeniyɛ, ŋeecin ikin, ikin waakida balkin ŋeejin ikin waak ŋeeciny. Çeejinyɛ, ɛkɛ a yɛcan kotti ne ñaalɔ. Yeti aniyɛ, ɛkɛ aŋka cɔti warɛ. 2Kan men gɛɛl poŋi gɔki agi ɛkɛ waak ŋeejjɛ waakcindayɛ, haldu, ɛkɛ genga ŋeejɛ awarɛ men bɛɛ. 3Yeti kan men gɛɛl ani Juaŋyɛ, ɛkɛ ŋeejɛ Jwaŋa Tolan. 4Oŋ a ɔŋŋi te jyek yoŋga ‘yɛrtan ma jɔkin yeyinti neeniyɛ, ŋeecin ikin jɔkin waakɛnda iñɔ baanji wɛnniyɛ, ɛkkɛn a waagga bɛɛ, ɔci Juaŋ gɛɛl bala parɛ moki bɛɛ, gena Jwaŋa Tolan parɛ. 5Ne kan waak gɛɛg bala bartan ma a “jɔkin yeyin” iñɔ ṭɛɛrji ɔci pɔlijiyɛ, bala ba “jɔkin yeyin” bala kɔɔna kɔɔni ɔci “cyekin” kɔɔna kɔɔnno. 6Ikin balkin Juaŋ ne cyɛɛlɔ budan. Gena Jwaŋa Tolan Wey ikin, mena waak waakɛnda bɛɛn te ɛkɛtiy, ɔci ikin moki tɛɛtin te ɛkɛ. Ɔci ikin balkin Ciɛggɔn ne cyɛɛlɔ, Yaccu Kiṭɔ mena waak waakɛnda bɛɛn te ɛkɛtiy, ɔci ikin moki bɛɛnin te ɛkɛti. 7Jyeka neeni ŋeecɔn ma waakɛnda bɛɛ. Yeti ma gɛɛgyɛ, ɛkkɛn waakɛn aanɛ te ami waka ‘yɛrtan ma jɔkin yeyinti, ɔci ɛkkɛn poŋi gɔki agi waka ‘yɛrtan ma jɔkin yeyinti neeniyɛ, ‘yɛrŋi ma aŋŋi wak jɔkin agi wardan. Ɔci acaan ɛkkɛn yomgɛn koocinyɛ, ɛkkɛn yomgɛn aŋi giikin. 8Oomdinyɛ, ɛkkɛn ikin eetin Jwaŋa Tolanti bɛɛ, ɔci kan ikin omminyɛ, ikin yɔɔrtin genga te ami ɛkkɛn bɛɛ. 9Yeti dala i waŋu tiicca aŋka naa naŋki i neeni aga guonan tuor mod ɛkkɛ mena yomɛ koyan neeni bɛɛ. 10Kan mena warɛ koyan gɛɛl, i a mena balki ŋeejin neeni yuardi baal om waka ŋartan ma jɔkin yeyinti neeni on jɔkin yeyin neeniyɛ, ɛkɛ yomɛ oldɛti ɔci omdi wak jɔkin yeyin neeni acaan ɛkɛ i yuarŋi baal om wak jɔkin bɛɛ? 11Te ñing tɛɛn iyɛ, mod ɛkkɛ ‘wana yomɛ koyan mena Kiṭɔ tuun te ɛkɛ daŋkun neeniyɛ, nuottin jitin doki. 12Nɔjja naŋa i modgɔti te amma omi i wak jɔkin yeyin ɔci yooci i yomg ɛkkɛn yomga koyan wannayɛ, i noŋ nɔji Kiṭɔti. 13A ɔŋŋiyɛ, kan ami wak jɔkin ɛkɛ a gena mod ɔɔn yiɛptɛ iñɔyɛ, ‘ya omja yoŋi waka ‘yɛrtan ma jɔkin yeyinti gɛɛl moki aŋka mod ɔɔn ḍɛmdi te naŋki ‘ya bɛɛ.

will be added

X\