Tiit 3

1Tiɛd b kul, k ban daa kand buuddanm yen yikodanm mɔb po. K ban gii cɔln’m, g bobn g gbenn g fid g sun yal nba tie tuonŋann kul. 2Maad’b k ban daa sugd sua, g biɛ daa kɔn yen sua mɔ. K ban tuo niib kul, gii ŋɔnŋ’b youg kul k b pala siɛd b po. 3Siɛnyoug t mɔ bo g mɔg yam. T bo tie kangbada i. T bo kpiɛd sɔnu, g tug t kua g cab niɛnŋ nba g ŋan yen manu nba g mɔg niimn. T bo be yen tonu yen nanŋ i, g gbie yen tugmɔunŋ, g g bua t lieb nublu. 4Ama yaa daal nba g Yendu t Fietua ŋɔn u bulcind yen u buam niib po, 5u g diid tuonŋana nba k t bo fid g sun kaa g fiel’ti, u jie’ti ninbaaɔg u, g fiel’ti. U fiel’ti t nyunwulu buol i, g Foŋanm te k t guan g mal, k u tie’ti binbepaanm. 6U tie’ti Foŋanm k l yab t Fietua Yiesu Kristo po. 7U tien nnyan k u ŋalbalg po, tin te nimɔnm Yendu nunŋ n i, g tan di faal, gii mɔg miɛl nba kan gbenn. T guu lann i. 8Min maad yal ne tie mɔni i. L po n te k n bua k a ŋanm g ŋɔn niib l niimn, g yab nba dug Yendu po kul ń ŋmigd g sun tuonŋana. Yal nba ŋan g biɛ tie bonmɔnn niib po n nyan. 9Ama ŋan lɔgl mɔniɛɔg nba g mɔg niimn yen yaajanm sana nba k b taan k l g mɔg juog, g lɔgl kunkɔna yen mɔniɛɔg Yendu Mɔmaam po, g dugn l kul ne g tie bonmɔnn, l biɛ g mɔg siɛl yaa nyuad. 10Yua nba kpaan g niib ń paad yen lieb, k a cegl’o yenm, g guan g cegl’o munle k u yie, ŋan nyɔl’o. 11Fin mɔno a ban k l daan kpiɛd sɔnu u. U biid mɔno n bu guan g suol’o. 12N bu sun Artemas lann i kaa Tisiik a buol. B ninŋ ne yend gii pund, ŋan mɔnd g cend’n Nikopolis. Fawaaɔg ne n baa be l po i. 13Mɔnd g tod Senas nba tie buud maband yen Apolɔs, b gii saa b sɔnu, siɛl ń daa pɔd’b. 14L tie k t niib ń mɔ ń yabl g banŋ tuonŋana sunu i. G nyan mɔlane payiɛnu, ban daa bund g be fam. 15Yab nba be n buol ne kul fuond’a. Fuond yab nba bua’ti dindann n ninŋ. Yendu ŋalbalg ń gii be yen i kul.

will be added

X\